ਆਪਣੇ ਕੰਮ ਦੇ ਲਈ ਐਵਾਰਡ ਮਿਲਣ ਦੀ ਖੁਸ਼ੀ ਹਰ ਕਲਾਕਾਰ ਦੀ ਜ਼ਿੰਦਗੀ ਦਾ ਖਾਸ ਲਮਹਾ ਹੁੰਦਾ ਹੈ। ਵਿਵੇਕ ਓਬਰਾਏ ਲਈ ਉਸ ਦੀ ਜ਼ਿੰਦਗੀ ਦਾ ਖਾਸ ਲਮਹਾ ਐਵਾਰਡ ਨਹੀਂ, ਕੁਝ ਹੋਰ ਹੈ। ਸਾਲ 2002 ਵਿੱਚ ਆਪਣੀ ਪਹਿਲੀ ਫਿਲਮ ‘ਸਾਥੀਆ' ਦੀ ਸ਼ੂਟਿੰਗ ਦੇ ਦੌਰਾਨ ਸੈੱਟ 'ਤੇ ਇੱਕ ਵਿਅਕਤੀ ਆਪਣੀ ਨਵਜੰਮੀ ਬੱਚੀ ਨੂੰ ਗੋਦ ਵਿੱਚ ਲੈ ਆਇਆ। ਉਸ ਬੱਚੀ ਨੂੰ ਕੈਂਸਰ ਸੀ ਅਤੇ ਉਸ ਨੂੰ ਮਦਦ ਦੀ ਜ਼ਰੂਰਤ ਸੀ। ਸ਼ੂਟਿੰਗ ਖਤਮ ਹੋਣ ਦੇ ਬਾਅਦ ਵਿਵੇਕ ਬੱਚੀ ਨੂੰ ਦੇਖਣ ਹਸਪਤਾਲ ਪਹੁੰਚ ਗਏ। ਉਥੇ ਪਹੁੰਚਦੇ ਹੀ ਬੱਚੀ ਦੀ ਮਾਂ ਨੇ ਬੇਟੀ ਨੂੰ ਉਨ੍ਹਾਂ ਦੀ ਗੋਦ ਵਿੱਚ ਦੇ ਦਿੱਤਾ। ਵਿਵੇਕ ਅਨੁਸਾਰ ਇਹ ਲਮਹਾ ਉਨ੍ਹਾਂ ਦੇ ਦਿਲ ਦੇ ਸਭ ਤੋਂ ਨੇੜੇ ਹੈ, ਉਨ੍ਹਾਂ ਨੇ ਬੱਚੀ ਦਾ ਇਲਾਜ ਕਰਵਾਇਆ। ਅੱਜਕੱਲ੍ਹ ਉਹ ਬੱਚੀ ਵੱਡੀ ਹੋ ਗਈ ਹੈ ਅਤੇ ਉਨ੍ਹਾਂ ਦੇ ਹਰ ਜਨਮ ਦਿਨ 'ਤੇ ਉਨ੍ਹਾਂ ਨੂੰ ਮਿਲਣ ਆਉਂਦੀ ਹੈ।