ਓਟਵਾ, 19 ਸਤੰਬਰ (ਪੋਸਟ ਬਿਊਰੋ): NDP ਨੇਤਾ ਜਗਮੀਤ ਸਿੰਘ ਨੂੰ ਲੰਘੇ ਮੰਗਲਵਾਰ ਨੂੰ ਪਾਰਲੀਆਮੈਂਟ ਹਿੱਲ ਉੱਤੇ ਇੱਕ ਪ੍ਰਦਰਸ਼ਨਕਾਰੀ ਦੇ ਰੋਸ ਦਾ ਸਾਹਮਣਾ ਕਰਨਾ ਪਿਆ। ਜਿਸ ਨੇ ਉਨ੍ਹਾਂ ਨੂੰ 'corrupted bastard' ਕਿਹਾ ਸੀ।
ਇਸ ਜ਼ੁਬਾਨੀ ਵਿਵਾਦ ਦਾ ਇੱਕ ਵੀਡੀਓ ਵਾਇਰਲ ਹੋਇਆ ਹੈ। ਵੀਡੀਓ ਵਿੱਚ ਇੱਕ ਪ੍ਰਦਰਸ਼ਨਕਾਰੀ ਨੂੰ ਜਗਮੀਤ ਸਿੰਘ ਦਾ ਅਪਮਾਨ ਕਰਦੇ ਹੋਏ ਸੁਣਿਆ ਜਾ ਸਕਦਾ ਹੈ। ਜਗਮੀਤ ਸਿੰਘ ਪਿੱਛੇ ਮੁੜਕੇ ਉਨ੍ਹਾਂ ਕੋਲ ਆਉਂਦੇ ਹਨ ਅਤੇ ਉਨ੍ਹਾਂ ਨੂੰ ਚੁਣੌਤੀ ਦਿੰਦੇ ਹਨ ਅਤੇ ਪੁੱਛਦੇ ਹਨ ਕਿ ਕੀ ਉਨ੍ਹਾਂ ਨੇ ਕੁੱਝ ਕਿਹਾ ਹੈ।
ਜਗਮੀਤ ਸਿੰਘ ਪ੍ਰਦਰਸ਼ਨਕਾਰੀ ਨੂੰ ਕਹਿੰਦੇ ਹਨ ਤੁਸੀਂ ਮੇਰੇ ਸਾਹਮਣੇ ਨਹੀਂ ਕਹੋਗੇ ਤਾਂ ਤੁਸੀ ਕਾਇਰ ਹੋ। ਦੋ ਪ੍ਰਦਰਸ਼ਨਕਾਰੀ ਜੋ ਉਸ ਸਮੇਂ ਜਗਮੀਤ ਸਿੰਘ ਦਾ ਵੀਡੀਓ ਵੀ ਬਣਾ ਰਹੇ ਸਨ, ਵੀਡੀਓ ਵਿੱਚ ਸੁਣਾਈ ਦੇਣ ਦੇ ਬਾਵਜੂਦ, ਉਨ੍ਹਾਂ ਦਾ ਅਪਮਾਨ ਕਰਨ ਤੋਂ ਇਨਕਾਰ ਕਰਦੇ ਹਨ।
ਇੱਕ ਪ੍ਰਦਰਸ਼ਨਕਾਰੀ ਕਹਿੰਦਾ ਹੈ ਕਿ ਜੇਕਰ ਉਨ੍ਹਾਂ ਨੇ ਅਜਿਹਾ ਕੁੱਝ ਕਿਹਾ ਹੁੰਦਾ ਤਾਂ ਉਹ ਸਵੀਕਾਰ ਕਰ ਲੈਂਦਾ। ਇਸ ਤੋਂ ਬਾਅਦ ਜਗਮੀਤ ਸਿੰਘ ਕਹਿੰਦੇ ਹਨ ਠੀਕ ਹੈ ਅਤੇ ਚਲੇ ਜਾਂਦੇ ਹਨ।