ਓਟਵਾ, 25 ਸਤੰਬਰ (ਪੋਸਟ ਬਿਊਰੋ): ਇੱਕ ਪ੍ਰਮੁੱਖ ਦਹੀ ਨਿਰਮਾਤਾ ਕੈਨੇਡਾ ਵਿੱਚ ਆਪਣੇ ਇੱਕ ਬਰਾਂਡ ਨੂੰ ਵਾਪਿਸ ਮੰਗਵਾ ਰਿਹਾ ਹੈ, ਕਿਉਂਕਿ ਉਸਨੂੰ ਚਿੰਤਾ ਹੈ ਕਿ ਇਹ ਲੋਅ ਇਮੀਊਨਿਟੀ ਸਿਸਟਮ ਵਾਲੇ ਲੋਕਾਂ ਵਿੱਚ ਬੀਮਾਰੀ ਦਾ ਕਾਰਨ ਬਣ ਸਕਦਾ ਹੈ।
ਡੇਨੋਨ ਕੈਨੇਡਾ Danone Canada ਨੇ ਆਪਣੇ ਕਿਰਕਲੈਂਡ ਸਿਗਨੇਚਰ ਪ੍ਰੋਬਾਔਟਿਕ ਦਹੀ ਨੂੰ ਖਰੀਦਣ ਵਾਲੇ ਉਪਭੋਗਤਾਵਾਂ ਤੋਂ ਉਤਪਾਦ ਨਾ ਖਾਣ ਲਈ ਕਿਹਾ ਹੈ। ਦਹੀ ਨੂੰ 100 ਗਰਾਮ ਸਰਵਿੰਗ ਦੇ 24 ਪੈਕ ਵਿੱਚ ਵੇਚਿਆ ਗਿਆ ਸੀ। ਜਿਸ `ਤੇ ਕਾਸਟਕੋ ਆਈਟਮ ਪਹਿਚਾਣ ਨੰਬਰ 1264134 ਸੀ।
ਕੰਪਨੀ ਨੇ ਕਿਹਾ ਕਿ ਖਪਤਕਾਰ ਇਸਨੂੰ ਕਾਸਟਕੋ ਗੁਦਾਮ ਵਿੱਚ ਵਾਪਿਸ ਕਰਕੇ ਪੂਰਾ ਰਿਫੰਡ ਪ੍ਰਾਪਤ ਕਰ ਸਕਦੇ ਹਨ। ਦਹੀ ਵਿੱਚ ਇੱਕ ਪ੍ਰਕਾਰ ਦਾ ਖਮੀਰ ਹੋ ਸਕਦਾ ਹੈ ਜੋ ਬੀਮਾਰੀ ਦਾ ਕਾਰਨ ਬਣ ਸਕਦਾ ਹੈ।
ਡੇਨੋਨ ਕੈਨੇਡਾ ਨੇ ਸੋਮਵਾਰ ਨੂੰ ਇੱਕ ਲਿਖਤੀ ਨੋਟਿਸ ਵਿੱਚ ਕਿਹਾ ਕਿ ਫੂਡ ਸੁਰੱਖਿਆ ਜ਼ੋਖਮ ਘੱਟ ਹੈ ਕਿਉਂਕਿ ਇਹ ਖਮੀਰ ਰੇਫਰਿਜਰੇਟਡ ਤਾਪਮਾਨ ਵਿੱਚ ਵਧਣ ਲਈ ਨਹੀਂ ਜਾਣਿਆ ਜਾਂਦਾ ਹੈ, ਜਿਸਨੂੰ ਕਾਸਟਕੋ ਨੇ ਪ੍ਰਭਾਵਿਤ ਗਾਹਕਾਂ ਨੂੰ ਭੇਜਿਆ ਅਤੇ ਆਪਣੀ ਵੈੱਬਸਾਈਟ `ਤੇ ਪੋਸਟ ਕੀਤਾ। ਇਸਤੋਂ ਹੋਣ ਵਾਲੀ ਕਿਸੇ ਵੀ ਮੁਸ਼ਕਿਲ ਲਈ ਅਸੀਂ ਮੁਆਫੀ ਚਾਹੁੰਦੇ ਹਾਂ। ਪ੍ਰਭਾਵਿਤ ਉਤਪਾਦਾਂ ਦੀ ਬੈਸਟ ਬੀਫੋਰ ਤਾਰੀਕਾਂ 18, 20 ਅਤੇ 22 ਅਕਤੂਬਰ ਹਨ।