ਟੋਰਾਂਟੋ, 25 ਸਤੰਬਰ (ਪੋਸਟ ਬਿਊਰੋ): ਟੋਰਾਂਟੋ ਪੁਲਿਸ ਸ਼ਹਿਰ ਦੇ ਕਰਿਸਟੀ ਪਿਟਸ ਨੇਬਰਹੁੱਡ ਵਿੱਚ ਮੰਗਲਵਾਰ ਸਵੇਰੇ ਦੋ ਲੋਕਾਂ ਨੂੰ ਚਾਕੂ ਮਾਰਨ ਵਾਲੇ ਮੁਲਜ਼ਮ ਦੀ ਭਾਲ ਕਰ ਰਹੀ ਹੈ। ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਕਰਿਸਟੀ ਸਟਰੀਟ ਅਤੇ ਬਲੂਰ ਸਟਰੀਟ ਵੇਸਟ ਦੇ ਇਲਾਕੇ ਵਿੱਚ ਰਾਤ 1 ਵਜੇ ਦੇ ਲਗਭਗ ਚਾਕੂ ਨਾਲ ਹਮਲੇ ਦੀ ਕਾਲ ਮਿਲੀ। ਅਧਿਕਾਰੀਆਂ ਨੂੰ ਪਤਾ ਚੱਲਿਆ ਹੈ ਕਿ ਇੱਕ ਵਿਅਕਤੀ ਅਤੇ ਲੋਕਾਂ ਦੇ ਇੱਕ ਗਰੁੱਪ ਵਿਚਕਾਰ ਬਹਿਸ ਵਧ ਗਈ। ਵਿਅਕਤੀ ਗਰੁੱਪ ਕੋਲ ਗਿਆ ਅਤੇ ਕਈ ਲੋਕਾਂ ਨੂੰ ਚਾਕੂ ਮਾਰਨਾ ਸ਼ੁਰੂ ਕਰ ਦਿੱਤਾ। ਇਸਤੋਂ ਬਾਅਦ ਉਹ ਇਲਾਕੇ ਵਿਚੋਂ ਭੱਜ ਗਿਆ। ਪੁਲਿਸ ਨੇ ਕਿਹਾ ਕਿ ਦੋ ਪੁਰਸ਼ ਪੀੜਤਾਂ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿਨ੍ਹਾਂ ਵਿਚੋਂ ਇੱਕ ਨੂੰ ਜਾਨਲੇਵਾ ਸੱਟਾਂ ਲੱਗੀਆਂ ਹਨ ਅਤੇ ਦੂਜੇ ਨੂੰ ਜਾਨਲੇਵਾ ਸੱਟਾਂ ਨਹੀਂ ਲੱਗੀਆਂ। ਪੁਲਿਸ ਨੇ ਕਿਹਾ ਕਿ ਮੰਨਿਆ ਜਾਂਦਾ ਹੈ ਕਿ ਸ਼ੱਕੀ ਨੇ ਚਾਕੂ ਦਾ ਇਸਤੇਮਾਲ ਕੀਤਾ ਸੀ।
ਮੰਗਲਵਾਰ ਸ਼ਾਮ ਨੂੰ ਇੱਕ ਪ੍ਰੈੱਸ ਰਿਲੀਜ਼ ਵਿੱਚ, ਜਾਂਚਕਰਤਾਵਾਂ ਨੇ ਸ਼ੱਕੀ ਦੀਆਂ ਤਸਵੀਰਾਂ ਜਾਰੀ ਕੀਤੀਆਂ, ਜਿਸਨੂੰ ਦੁਬਲਾ- ਪਤਲਾ ਅਤੇ ਕਾਲੇ ਛੋਟੇ ਵਾਲਾਂ ਵਾਲਾ ਪੁਰਸ਼ ਦੱਸਿਆ ਗਿਆ। ਉਸਨੂੰ ਆਖਰੀ ਵਾਰ ਕਾਲੇ ਕੱਪੜੇ ਅਤੇ ਸਫੇਦ ਜੁੱਤੇ ਪਹਿਨੇ ਅਤੇ ਕਾਲੇ ਰੰਗ ਦਾ ਬੈਗ ਨਾਲ ਵੇਖਿਆ ਗਿਆ ਸੀ।