ਵਰੁਣ ਧਵਨ ਤੇ ਜਾਹਨਵੀ ਕਪੂਰ ਪਹਿਲੀ ਵਾਰ ਕਿਸੇ ਫਿਲਮ ਵਿੱਚ ਇਕੱਠੇ ਨਜ਼ਰ ਆਉਣ ਵਾਲੇ ਹਨ। ਖਬਰ ਹੈ ਕਿ ਦੋਵਾਂ ਨੂੰ ਇੱਕ ਫਿਲਮ ਲਈ ਸਾਈਨ ਕੀਤਾ ਗਿਆ ਹੈ। ਵਰੁਣ, ਸਾਜਿਦ ਨਾਡਿਆਡਵਾਲਾ ਦੇ ਨਾਲ ਫਿਲਮ ‘ਸਨਕੀ’ ਵਿੱਚ ਕੰਮ ਕਰਨ ਵਾਲੇ ਸਨ, ਜਿਸ ਨੂੰ ਅਨੁਰਾਗ ਸਿੰਘ ਡਾਇਰੈਕਟ ਕਰਦੇ, ਪਰ ਇਹ ਬਣ ਨਹੀਂ ਸਕੀ। ਇਸ ਦੇ ਬਾਅਦ ਸਾਜਿਦ ਨੇ ਡਾਇਰੈਕਟਰ ਨਿਤੇਸ਼ ਤਿਵਾੜੀ ਨਾਲ ਇੱਕ ਦੂਸਰੀ ਫਿਲਮ ਦੀ ਚਰਚਾ ਕੀਤੀ। ਫਿਲਮ ਦੇ ਲਈ ਵਰੁਣ ਨਾਲ ਸੰਪਰਕ ਕੀਤਾ ਗਿਆ ਅਤੇ ਉਸ ਨੇ ਹਾਂ ਕਰ ਦਿੱਤੀ। ਵਰੁਣ ਨੂੰ ਕਾਸਟ ਕਰਨ ਦੇ ਬਾਅਦ ਮੇਕਰਸ ਨੇ ਇਸ ਫਿਲਮ ਲਈ ਜਾਹਨਵੀ ਕਪੂਰ ਨੂੰ ਅਪਰੋਚ ਕੀਤਾ। ਉਸ ਨੂੰ ਵੀ ਸਕ੍ਰਿਪਟ ਪਸੰਦ ਆਈ ਅਤੇ ਇਸ ਫਿਲਮ ਨੂੰ ਸਾਈਨ ਕਰ ਲਿਆ।
ਇਹ ਦੋਵੇਂ ਕਲਾਕਾਰ ਇਸ ਫਿਲਮ ਦੀ ਸ਼ੂਟਿੰਗ ਅਗਲੇ ਸਾਲ ਸ਼ੁਰੂ ਵਿੱਚ ਸ਼ੁਰੂ ਕਰਨਗੇ। ਇਹ ਇੱਕ ਲਵ ਸਟੋਰੀ ਹੋਵੇਗੀ। ਵਰੁਣ ਪਹਿਲਾਂ ਇਸੇ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰਨਗੇ। ਇਸ ਪਿੱਛੋਂ ਉਹ ਪਰਮਵੀਰ ਚੱਕਰ ਵਿਜੇਤਾ ਸ਼ਹੀਦ ਅਰੁਣ ਖੇਤਰਪਾਲ ਦੇ ਜੀਵਨ ਉਤੇ ਬਣ ਰਹੀ ਫਿਲਮ ‘ਇੱਕੀਸ’ ਦਾ ਕੰਮ ਕਰਨਗੇ। ਜਾਹਨਵੀ ਤਦ ਤੱਕ ਡਾਇਰੈਕਟਰ ਸ਼ਰਣ ਸ਼ਰਮਾ ਦੀ ਫਿਲਮ ‘ਮਿਸਟਰ ਐਂਡ ਮਿਸਿਜ਼ ਮਾਹੀ’ ਦੀ ਸ਼ੂਟਿੰਗ ਕਰੇਗੀ। ਇਸ ਪਿੱਛੋਂ ਨਾਡਿਆਡਵਾਲਾ ਪ੍ਰੋਡਕਸ਼ਨ ਦੀ ਇਸ ਫਿਲਮ ਦੀ ਸ਼ੁਰੂਆਤ ਕਰੇਗੀ। ਨਿਤੇਸ਼ ਅਤੇ ਸਾਜਿਦ ਪਹਿਲਾਂ ਇਕੱਠੇ ਕੰਮ ਕਰ ਚੁੱਕੇ ਹਨ। ਇਸ ਤੋਂ ਪਹਿਲਾਂ ਦੋਵਾਂ ਨੇ 2019 ਵਿੱਚ ਰਿਲੀਜ਼ ਹੋਈ ਸੁਸ਼ਾਂਤ ਸਿੰਘ ਰਾਜਪੂਤ ਸਟਾਰਰ ਫਿਲਮ ‘ਛਿਛੋਰੇ’ ਵਿੱਚ ਇਕੱਠੇ ਕੰਮ ਕੀਤਾ ਸੀ।