ਵਿੰਡਸਰ, 27 ਅਗਸਤ (ਪੋਸਟ ਬਿਊਰੋ): ਵਿੰਡਸਰ ਪੁਲਿਸ ਨੇ ਇੱਕ ਵਿਅਕਤੀ ਨੂੰ ਅੱਗਜ਼ਨੀ ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ ਕੀਤਾ ਹੈ। ਉਸ ਨੇ ਕੈਰਨ ਏਵੇਨਿਊ ਦੇ ਇੱਕ ਘਰ ਦੇ ਬੈਕਯਾਰਡ ਡੇਕ ਵਿੱਚ ਅੱਗ ਲਗਾ ਦਿੱਤੀ ਸੀ।
ਪੁਲਿਸ ਨੇ ਐਤਵਾਰ ਦੁਪਹਿਰ ਨੂੰ ਜੇਨੇਟ ਏਵੇਨਿਊ `ਤੇ ਇੱਕ ਹਿੰਸਾ ਦੀ ਰਿਪੋਰਟ ਮਿਲਣ `ਤੇ ਕਾਰਵਾਈ ਕੀਤੀ। ਜਿੱਥੇ ਉਨ੍ਹਾਂ ਨੂੰ ਇੱਕ 40 ਸਾਲਾ ਵਿਅਕਤੀ ਗੰਭੀਰ ਰੂਪ ਤੋਂ ਅੱਗ ਵਿਚ ਝੁਲਸਿਆ ਹੋਇਆ ਮਿਲਿਆ। ਉਸ ਵਿਅਕਤੀ ਨੂੰ ਹਸਪਤਾਲ ਲਿਜਾਇਆ ਗਿਆ ਅਤੇ ਬਾਅਦ ਵਿੱਚ ਉਸ `ਤੇ ਮਨੁੱਖੀ ਜੀਵਨ ਖਤਰੇ `ਚ ਪਾਉਣ ਅਤੇ ਜਾਇਦਾਦ ਨੂੰ ਨੁਕਸਾਨ ਪਹੁੰਚਾਣ ਲਈ ਅੱਗਜ਼ਨੀ ਦੇ ਦੋਸ਼ `ਚ ਗ੍ਰਿਫ਼ਤਾਰ ਕੀਤਾ ਗਿਆ।
ਪੁਲਿਸ ਅਨੁਸਾਰ ਕੈਰਨ ਏਵੇਨਿਊ ਦੇ ਇੱਕ ਘਰ ਵਿੱਚ ਉਸ ਵਿਅਕਤੀ ਅਤੇ ਉਸ ਘਰ ਦੇ ਮੈਂਬਰਾਂ ਵਿਚਕਾਰ ਵਿਵਾਦ ਹੋ ਗਿਆ ਸੀ। ਉਸ ਵਿਅਕਤੀ ਨੇ ਬੈਕਯਾਰਡ ਦੇ ਡੇਕ `ਤੇ ਗੈਸੋਲੀਨ ਪਾਇਆ ਅਤੇ ਲੜਾਈ ਦੇ ਬਾਅਦ ਜਾਣਬੁੱਝਕੇ ਅੱਗ ਲਗਾ ਦਿੱਤੀ।
ਇਸਤੋਂ ਬਾਅਦ ਉਹ ਵਿਅਕਤੀ ਪੈਦਲ ਹੀ ਭੱਜ ਗਿਆ ਅਤੇ ਜੇਨੇਟ ਏਵੇਨਿਊ `ਤੇ ਸਥਿਤ ਘਰ ਵਿਚ ਪਹੁੰਚ ਗਿਆ, ਜਿੱਥੇ ਪੁਲਿਸ ਨੇ ਉਸਨੂੰ ਫੜ੍ਹ ਲਿਆ।