ਸਸਕੈਚਵਨ, 27 ਅਗਸਤ (ਪੋਸਟ ਬਿਊਰੋ): ਲਾਰੇਨ ਬੇਸੇ ਸੋਮਵਾਰ ਸਵੇਰੇ ਅਦਾਲਤ ਵਿੱਚ ਪੇਸ਼ ਹੋਏ, ਉਨ੍ਹਾਂ `ਤੇ ਆਪਣੇ ਪਤੀ ਡੈਨੀ ਮੈਗੋਵਨ ਦੀ ਮੌਤ ਦੇ ਮਾਮਲੇ ਵਿੱਚ ਫ੍ਰਸਟ ਡਿਗਰੀ ਕਤਲ ਦਾ ਦੋਸ਼ ਹੈ।
ਸ਼ੁੱਕਰਵਾਰ ਨੂੰ ਲੱਗਭੱਗ 7 ਵਜੇ ਸੀਐੱਸਟੀ `ਤੇ ਵਾਰਮਨ ਆਰਸੀਐੱਮਪੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਕਾਰਮਨ ਪਾਰਕ ਦੀ ਦਿਹਾਤੀ ਨਗਰਪਾਲਿਕਾ ਦੇ ਇੱਕ ਘਰ ਵਿੱਚ ਇੱਕ ਜ਼ਖ਼ਮੀ ਵਿਅਕਤੀ ਬਾਰੇ ਕਾਲ ਆਇਆ, ਜੋ ਸਾਸਕਾਟੂਨ ਦੇ ਬਾਹਰੀ ਇਲਾਕਿਆਂ ਵਿੱਚ ਸਥਿਤ ਹੈ।
ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇੱਕ 42 ਸਾਲਾ ਵਿਅਕਤੀ ਮਿਲਿਆ, ਜਿਸਨੂੰ ਪੈਰਾਮੇਡਿਕਸ ਨੇ ਘਟਨਾ ਸਥਾਨ `ਤੇ ਮ੍ਰਿਤਕ ਐਲਾਨ ਦਿੱਤਾ। ਉਸ ਵਿਅਕਤੀ ਦੀ ਪਹਿਚਾਣ ਮੈਗੋਵਨ ਦੇ ਰੂਪ ਵਿੱਚ ਹੋਈ।
ਆਰਸੀਐੱਮਪੀ ਦੀ ਪ੍ਰਮੁੱਖ ਅਪਰਾਧ ਇਕਾਈ ਨੇ ਜਾਂਚ ਆਪਣੇ ਹੱਥ ਵਿੱਚ ਲੈ ਲਈ ਅਤੇ 35 ਸਾਲਾ ਲਾਰੇਨ ਬੇਸੇ `ਤੇ ਫ੍ਰਸਟ ਡਿਗਰੀ ਕਤਲ ਦਾ ਇੱਕ ਮਾਮਲਾ ਦਰਜ ਕੀਤਾ। ਆਰਸੀਐੱਮਪੀ ਦਾ ਕਹਿਣਾ ਹੈ ਕਿ ਉਹ ਵੀ ਕਾਰਮਨ ਪਾਰਕ ਦੀ ਰਹਿਣ ਵਾਲੀ ਸੀ ਅਤੇ ਉਸਨੂੰ ਉਥੋਂ ਹੀ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਬੇਸੇ ਨੂੰ 9 ਸਤੰਬਰ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਣਾ ਹੈ।