ਕੈਲਗਰੀ, 27 ਅਗਸਤ (ਪੋਸਟ ਬਿਊਰੋ): ਦੱਖਣੀ ਅਲਬਰਟਾ ਆਰਸੀਐੱਮਪੀ (RCMP) ਇੱਕ ਲਾਪਤਾ ਮਾਂ ਅਤੇ ਬੇਟੀ ਦੀ ਭਾਲ ਕੀਤੀ ਜਾ ਰਹੀ ਹੈ।
ਮਾਊਂਟੀਜ ਦਾ ਕਹਿਣਾ ਹੈ ਕਿ 24 ਸਾਲਾ ਡੇਸਿਰੀ ਡੀ ਏਵਿਲਾ ਅਤੇ ਉਨ੍ਹਾਂ ਦੀ ਤਿੰਨ ਸਾਲਾ ਬੇਟੀ ਚੈਸਟਿਟੀ ਡੀ ਏਵਿਲਾ ਨੂੰ ਆਖਰੀ ਵਾਰ ਵੀਰਵਾਰ, 22 ਅਗਸਤ ਨੂੰ ਸਵੇਰੇ 9:41 ਵਜੇ ਕੈਲਗਰੀ ਤੋਂ ਲਗਭਗ 60 ਕਿਲੋਮੀਟਰ ਦੱਖਣ ਵਿੱਚ ਨੈਨਟਨ ਸ਼ਹਿਰ ਵਿੱਚ ਵੇਖਿਆ ਗਿਆ ਸੀ।
ਆਰਸੀਐੱਮਪੀ ਦਾ ਮੰਨਣਾ ਹੈ ਕਿ ਦੋਵੇਂ ਲਗਭਗ 500 ਕਿਲੋਮੀਟਰ ਦੂਰ ਕੈਸਲਗਰ, ਬੀ. ਸੀ. ਜਾ ਰਹੀਆਂ ਸਨ।
ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਉਹ 2011 ਦੀ ਸਿਲਵਰ ਕੀਆ ਰੀਓ ਵਿਚ ਹਨ, ਜਿਸ `ਤੇ ਅਲਬਰਟਾ ਲਾਈਸੈਂਸ ਪਲੇਟ CSJ 0467 ਹੈ।
ਡੇਸਿਰੀ ਦਾ ਕੱਦ 5' 4'' (163 ਸੈਂਟੀਮੀਟਰ) ਅਤੇ ਭਾਰ 116 ਪਾਊਂਡ (53 ਕਿੱਲੋਗ੍ਰਾਮ) ਦੱਸਿਆ ਗਿਆ ਹੈ। ਜਿਸਦੇ ਵਾਲ ਕਾਲੇ ਅਤੇ ਅੱਖਾਂ ਭੂਰੀਆਂ ਹਨ।
ਚੈਸਟਿਟੀ ਦਾ ਕੱਦ 40 ਇੰਚ (102 ਸੈਂਟੀਮੀਟਰ) ਅਤੇ ਭਾਰ 35 ਪਾਊਂਡ (16 ਕਿੱਲੋਗ੍ਰਾਮ) ਹੈ, ਉਸਦੇ ਵਾਲ ਕਾਲੇ ਅਤੇ ਅੱਖਾਂ ਭੂਰੀਆਂ ਹਨ।