ਐਡਮੈਂਟਨ, 26 ਅਗਸਤ (ਪੋਸਟ ਬਿਊਰੋ): ਜਦੋਂ ਤਾਰਾ ਅਤੇ ਟਾਮੀ ਵਾਟਸਨ ਨੂੰ ਪਤਾ ਚੱਲਿਆ ਕਿ ਉਨ੍ਹਾਂ ਦੇ ਚਾਰ ਬੱਚੇ ਹੋਣ ਵਾਲੇ ਹਨ ਤਾਂ ਉਨ੍ਹਾਂ ਦੀ ਖੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਰਿਹਾ।
ਤਾਰਾ ਵਾਟਸਨ ਨੇ ਦੱਸਿਆ ਕਿ ਇਹ ਇੱਕ ਬਹੁਤ ਹੀ ਅਲੱੱਗ ਕਿਸਮ ਦਾ ਪਲ ਸੀ। ਸਾਨੂੰ ਅੱਠ ਹਫ਼ਤੇ ਦੇ ਆਸਪਾਸ ਆਪਣੇ ਪਹਿਲੇ ਅਲਟਰਾਸਾਉਂਡ ਵਿੱਚ ਪਤਾ ਚੱਲਿਆ।
ਜਦੋਂ ਅਸੀਂ ਅਲਟਰਾਸਾਊਂਡ ਕਰਵਾਇਆ ਤਾਂ ਸਾਨੂੰ ਲੱਗਾ ਕਿ ਇਹ ਇੱਕ ਬੱਚਾ ਹੈ, ਸ਼ਾਇਦ ਦੋ। ਕਦੇ ਵੀ ਚਾਰ ਦੀ ਉਮੀਦ ਨਹੀਂ ਕੀਤੀ ਸੀ।
ਥਿਓਡੋਰ, ਸਿਡਨੀ, ਕੋਨਾ ਅਤੇ ਮੈਕਸਵੇਲ ਵਾਟਸਨ ਦਾ ਜਨਮ 8 ਜੁਲਾਈ ਨੂੰ ਹੋਇਆ।
ਪਰਿਵਾਰ ਨੇ ਇੰਸਟਾਗਰਾਮ emmylous.quad.squad `ਤੇ ਜਾਣਕਾਰੀ ਦਿੱਤੀ ਹੈ, ਜਿਸਦਾ ਨਾਮ ਜੋੜੇ ਦੀ ਦੋ ਸਾਲਾ ਬੇਟੀ ਏਮੀ ਲੂ ਦੇ ਨਾਮ `ਤੇ ਰੱਖਿਆ ਗਿਆ ਹੈ।
ਤਾਰਾ ਵਾਟਸਨ ਨੇ ਕਿਹਾ ਕਿ ਅਸੀ ਵਾਰ-ਵਾਰ ਚਾਰ ਘੰਟੇ ਦੇ ਚੱਕਰ ਵਿੱਚ ਜੀਅ ਰਹੇ ਹਾਂ। ਅਸੀਂ ਡਾਇਪਰ ਬਦਲਣ ਤੋਂ ਸ਼ੁਰੂ ਕਰਦੇ ਹਾਂ, ਫਿਰ ਦੁੱਧ ਪਿਲਾਉਂਦੇ ਹਾਂ। ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਅਸੀਂ ਇੱਕ ਦਿਨ ਵਿੱਚ ਘੱਟ ਤੋਂ ਘੱਟ 50 ਡਾਇਪਰ ਬਦਲਦੇ ਹਾਂ। ਉਨ੍ਹਾਂ ਨੇ ਦੱਸਿਆ ਕਿ ਪਹਿਲਾਂ ਬਹੁਤ ਡਰ ਲੱਗ ਰਿਹਾ ਸੀ ਪਰ ਤੰਦਰੁਸਤ ਬੱਚੇ ਪੈਦਾ ਹੋਏ। ਟਾਮੀ ਵਾਟਸਨ, ਜੋ ਫਾਇਰਕਰਮੀ ਦੇ ਰੂਪ ਵਿੱਚ ਕੰਮ ਕਰਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਉਹ ਕੰਮ `ਤੇ ਜਾਣ ਤੋਂ ਪਹਿਲਾਂ ਪਰਿਵਾਰ ਲਈ ਸੰਭਵ ਮਦਦ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ।