ਟੋਕੀਓ, 31 ਅਗਸਤ (ਪੋਸਟ ਬਿਊਰੋ): ਜਾਪਾਨ ਦਾ ਇੱਕ ਵਿਅਕਤੀ ਪਿਛਲੇ 12 ਸਾਲਾਂ ਤੋਂ ਦਿਨ ਵਿੱਚ ਸਿਰਫ਼ 30 ਮਿੰਟ ਹੀ ਸੌਂਦਾ ਹੈ। ਡੇਸੁਕੇ ਹੋਰੀ ਨਾਂ ਦੇ 40 ਸਾਲਾ ਵਿਅਕਤੀ ਦਾ ਕਹਿਣਾ ਹੈ ਕਿ ਉਸ ਨੇ ਆਪਣੇ ਸਰੀਰ ਅਤੇ ਦਿਮਾਗ ਨੂੰ ਇਸ ਤਰ੍ਹਾਂ ਸਿਖਲਾਈ ਦਿੱਤੀ ਹੈ ਕਿ ਉਸ ਨੂੰ ਜਿ਼ਆਦਾ ਨੀਂਦ ਦੀ ਲੋੜ ਨਹੀਂ ਹੈ। ਉਸ ਨੇ ਅਜਿਹਾ ਕੰਮ ਕਰਨ ਦੀ ਆਪਣੀ ਯੋਗਤਾ ਵਧਾਉਣ ਲਈ ਕੀਤਾ।
ਹੋਰੀ ਪੇਸ਼ੇ ਤੋਂ ਕਾਰੋਬਾਰੀ ਹੈ। ਉਹ ਹਫ਼ਤੇ ਵਿੱਚ 16 ਘੰਟੇ ਜਿਮ ਵਿੱਚ ਬਿਤਾਉਂਦਾ ਹੈ। ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਮੁਤਾਬਕ, ਹੋਰੀ ਨੇ ਘੱਟ ਸੌਣ ਦੀ ਆਦਤ 12 ਸਾਲ ਪਹਿਲਾਂ ਸ਼ੁਰੂ ਕੀਤੀ ਸੀ। ਉਸਨੇ 2016 ਵਿੱਚ ਜਾਪਾਨ ਸ਼ਾਰਟ ਸਲੀਪਰ ਟ੍ਰੇਨਿੰਗ ਐਸੋਸੀਏਸ਼ਨ ਵੀ ਸ਼ੁਰੂ ਕੀਤੀ। ਇੱਥੇ ਉਹ ਲੋਕਾਂ ਨੂੰ ਸਿਹਤ ਅਤੇ ਨੀਂਦ ਨਾਲ ਸਬੰਧਤ ਕਲਾਸਾਂ ਦਿੰਦਾ ਹੈ।
ਹੁਣ ਤੱਕ ਉਹ 2100 ਵਿਦਿਆਰਥੀਆਂ ਨੂੰ ਬਹੁਤ ਘੱਟ ਸਮੇਂ ਲਈ ਸੌਂ ਕੇ ਵੀ ਸਿਹਤਮੰਦ ਰਹਿਣ ਦਾ ਗੁਰ ਸਿਖਾ ਚੁੱਕੇ ਹਨ। ਹੋਰੀ ਨੇ ਕਿਹਾ ਕਿ ਜਿੰਨਾ ਚਿਰ ਤੁਸੀਂ ਖੇਡਾਂ ਅਤੇ ਕਸਰਤ ਕਰਦੇ ਰਹੋਗੇ, ਤੁਹਾਨੂੰ ਕੋਈ ਸਮੱਸਿਆ ਨਹੀਂ ਹੋਵੇਗੀ। ਖਾਣਾ ਖਾਣ ਤੋਂ ਇਕ ਘੰਟਾ ਪਹਿਲਾਂ ਕੌਫੀ ਪੀਣਾ ਵੀ ਇਸ ਵਿਚ ਮਦਦਗਾਰ ਸਾਬਤ ਹੁੰਦਾ ਹੈ। ਇਹ ਨੀਂਦ ਅਤੇ ਥਕਾਵਟ ਦੋਨਾਂ ਨੂੰ ਰੋਕਦੀ ਹੈ।
ਜਾਪਾਨ ਦੇ ਯੋਮੀਉਰੀ ਟੀਵੀ ਨੇ ਹੋਰੀ ਦੇ ਰੋਜ਼ਾਨਾ ਦੇ ਰੁਟੀਨ 'ਤੇ ਇੱਕ ਸ਼ੋਅ ਵੀ ਕੀਤਾ। ਇਸ ਵਿੱਚ ਉਸ ਨੇ ਹੋਰੀ ਦੇ ਪੂਰੇ 3 ਦਿਨਾਂ ਦੇ ਕੰਮਕਾਜੀ ਦਿਨ ਨੂੰ ਰਿਕਾਰਡ ਕੀਤਾ ਸੀ। ਇਸ ਦੌਰਾਨ ਇਕ ਦਿਨ ਉਹ ਸਿਰਫ 26 ਮਿੰਟ ਹੀ ਸੌਂਦਾ ਰਿਹਾ। ਹੋਰੀ ਦਾ ਕਹਿਣਾ ਹੈ ਕਿ ਕਈ ਘੰਟੇ ਸੌਣ ਨਾਲੋਂ ਚੰਗੀ ਨੀਂਦ ਲੈਣਾ ਜਿ਼ਆਦਾ ਜ਼ਰੂਰੀ ਹੈ। ਜੇਕਰ ਅਸੀਂ ਕੁਝ ਸਮੇਂ ਲਈ ਵੀ ਚੰਗੀ ਨੀਂਦ ਲੈ ਸਕਦੇ ਹਾਂ, ਤਾਂ ਲੰਬੀ ਨੀਂਦ ਦੀ ਲੋੜ ਨਹੀਂ ਹੈ।