ਨਾਗੋਰਨੋ-ਕਾਰਾਬਾਖ, 29 ਸਤੰਬਰ (ਪੋਸਟ ਬਿਊਰੋ): ਅਜ਼ਰਬੈਜਾਨ ਅਤੇ ਆਰਮੇਨੀਆ ਵਿਚਕਾਰ ਨਾਗੋਰਨੋ-ਕਾਰਾਬਾਖ ਵਿਵਾਦਤ ਇਲਾਕਾ ਹੈ। ਇਸ ਦੌਰਾਨ, ਨਾਗੋਰਨੋ-ਕਾਰਾਬਾਖ ਦੀ ਮੂਲ ਆਬਾਦੀ ਦਾ 70 ਪ੍ਰਤੀਸ਼ਤ ਤੋਂ ਵੱਧ ਆਰਮੀਨੀਆ ਪਲਾਇਨ ਕਰ ਗਈ ਹੈ। ਸ਼ੁੱਕਰਵਾਰ ਸਵੇਰ ਤੱਕ, 84,770 ਲੋਕ ਨਾਗੋਰਨੋ-ਕਾਰਾਬਾਖ ਛੱਡ ਚੁੱਕੇ ਸਨ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਇਸ ਦੌਰਾਨ, ਖੇਤਰ ਦੀ ਵੱਖਵਾਦੀ ਸਰਕਾਰ ਨੇ ਕਿਹਾ ਹੈ ਕਿ ਉਹ ਆਪਣੇ ਆਪ ਨੂੰ ਭੰਗ ਕਰ ਦੇਵੇਗੀ ਅਤੇ ਸਾਲ ਦੇ ਅੰਤ ਤੱਕ ਅਜ਼ਰਬੈਜਾਨ ਵਿੱਚ ਗੈਰ ਮਾਨਤਾ ਪ੍ਰਾਪਤ ਗਣਤੰਤਰ ਖਤਮ ਹੋ ਜਾਵੇਗਾ। ਅਰਮੀਨੀਆਈ ਅਧਿਕਾਰੀਆਂ ਅਨੁਸਾਰ, ਖੇਤਰ ਤੋਂ ਨਸਲੀ ਆਰਮੀਨੀਆਈ ਲੋਕਾਂ ਦਾ ਸਮੂਹਿਕ ਪਲਾਇਨ ਐਤਵਾਰ ਨੂੰ ਸ਼ੁਰੂ ਹੋਇਆ ਅਤੇ ਜਾਰੀ ਹੈ। ਉਨ੍ਹਾਂ ਕਿਹਾ ਕਿ ਸ਼ੁੱਕਰਵਾਰ ਸਵੇਰ ਤੱਕ 84,770 ਲੋਕ ਨਾਗੋਰਨੋ-ਕਾਰਾਬਾਖ ਛੱਡ ਚੁੱਕੇ ਹਨ। ਪਰਵਾਸ ਸ਼ੁਰੂ ਹੋਣ ਤੋਂ ਪਹਿਲਾਂ, ਇਸ ਖੇਤਰ ਦੀ ਆਬਾਦੀ ਲਗਭਗ 1,20,000 ਸੀ।