ਟੋਰਾਂਟੋ, 10 ਜੁਲਾਈ (ਪੋਸਟ ਬਿਊਰੋ): ਨਿਆਗਰਾ ਪੁਲਿਸ ਪਿਛਲੇ ਹਫ਼ਤੇ ਥੋਰੋਲਡ ਦੇ ਇੱਕ ਕੰਟਰੀ ਕਲੱਬ ਵਿਚੋਂ ਦੋ ਦਰਜਨ ਤੋਂ ਜਿ਼ਆਦਾ ਗੋਲਫ ਕਾਰਟ ਚੋਰੀ ਹੋਣ ਬਾਰੇ ਜਾਂਚ ਕਰ ਰਹੀ ਹੈ।
ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੂੰ 3 ਜੁਲਾਈ ਨੂੰ ਥੋਰੋਲਡ ਟਾਊਨਲਾਈਨ ਰੋਡ `ਤੇ ਬੀਚਵੁਡ ਗੋਲਫ ਐਂਡ ਸੋਸ਼ਲ ਹਾਊਸ ਵਿੱਚ ਚੋਰੀ ਦੀ ਸੂਚਨਾ ਮਿਲੀ ਸੀ।
ਜਾਂਚ ਦੌਰਾਨ ਪਤਾ ਚੱਲਿਆ ਕਿ 2 ਜੁਲਾਈ ਨੂੰ ਰਾਤ 10 ਵਜੇ, 3 ਜੁਲਾਈ ਨੂੰ ਸਵੇਰੇ 6 ਵਜੇ ਦੇ ਵਿਚਕਾਰ 25 ਗੋਲਫ ਕਾਰਟ ਚੋਰੀ ਹੋਏ ਹਨ।
ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਗੋਲਫ ਕਾਰਟ ਨੂੰ ਕੋਰਸ ਦੇ ਪਾਰ ਬੀਚਵੁਡ ਵਿੱਚ ਕਿਤੇ ਲਿਜਾਇਆ ਗਿਆ ਅਤੇ ਇੱਕ ਵਾਹਨ ਵਿੱਚ ਲੋਡ ਕੀਤਾ ਗਿਆ।
ਇਹ ਸਪੱਸ਼ਟ ਨਹੀਂ ਹੈ ਕਿ ਇਸ ਘਟਨਾ ਵਿੱਚ ਕਿੰਨੇ ਲੋਕ ਸ਼ਾਮਿਲ ਸਨ ਅਤੇ ਕੋਈ ਹੋਰ ਜਾਣਕਾਰੀ ਜਾਰੀ ਨਹੀਂ ਕੀਤੀ ਗਈ ਹੈ।