ਸੋਨਭੱਦਰ, 18 ਮਾਰਚ (ਪੋਸਟ ਬਿਊਰੋ): ਉੱਤਰ ਪ੍ਰਦੇਸ ਦੇ ਸੋਨਭੱਦਰ ਵਿਚ ਇੱਕ ਵੱਡਾ ਹਾਦਸਾ ਵਾਪਰਿਆ ਹੈ। ਬਰਸਾਤ ਤੋਂ ਬਾਅਦ ਡਰੇਨ ਦੇ ਤੇਜ਼ ਵਹਾਅ ਵਿੱਚ ਛੇ ਮਜਦੂਰ ਰੁੜ੍ਹ ਗਏ, ਚਾਰ ਦੀ ਲਾਸ਼ਾਂ ਪੁਲਸ ਨੇ ਬਰਾਮਦ ਕਰ ਲਈਆਂ ਹਨ ਪਰ ਹਾਲੇ ਤੱਕ ਦੋ ਮਜਦੂਰਾਂ ਦਾ ਕੋਈ ਸੁਰਾਗ ਨਹੀਂ ਲੱਗ ਸਕਿਆ ਹੈ। ਪੁਲੀਸ ਦੋਵਾਂ ਮਜਦੂਰਾਂ ਦੀ ਭਾਲ ਕਰ ਰਹੀ ਹੈ। ਘਟਨਾ ਥਾਣਾ ਚਕੇਰੀਆ ਦੇ ਇਲਾਕੇ ਦੀ ਹੈ।
ਬੈਤਰਾ ਡਰੇਨ ਵਿੱਚ ਸ਼ੁੱਕਰਵਾਰ ਸਾਮ ਨੂੰ ਪਏ ਮੀਂਹ ਤੋਂ ਬਾਅਦ ਅਚਾਨਕ ਤੇਜ਼ ਵਹਾਅ ਆਉਣ ਕਾਰਨ ਛੇ ਮਜਦੂਰ ਰੁੜ੍ਹ ਗਏ। ਚਕੇਰੀਆ ਚੌਂਕੀ ਇਲਾਕੇ ‘ਚ ਡਰੇਨ ‘ਚੋਂ 4 ਲਾਸਾਂ ਕੱਢੀਆਂ ਗਈਆਂ ਹਨ। ਮਰਨ ਵਾਲਿਆਂ ਵਿਚ ਰਾਜਕੁਮਾਰੀ (40) ਪਤਨੀ ਵਿਨੋਦ ਵਿਸ਼ਵਕਰਮਾ, ਰੀਟਾ (32) ਪਤਨੀ ਰਮੇਸ਼ ਅਗਰੀਆ, ਰਾਜਮਤੀ (10) ਪੁੱਤਰ ਰਮੇਸ਼ ਅਗਰੀਆ, ਹੀਰਾਵਤੀ (22) ਪਤਨੀ ਰਾਮ ਵਿਸ਼ਵਾਸ ਅਗਰੀਆ ਸ਼ਾਮਲ ਹਨ। ਸਾਰੇ ਗੜ੍ਹਵਾਨ ਥਾਣਾ ਰਾਮਪੁਰ ਬਰਕੋਨੀਆ ਦੇ ਵਾਸੀ ਹਨ।
ਫਿਲਹਾਲ ਸੰਤਾਰਾ ਦੇਵੀ (55) ਪਤਨੀ ਅਮਰਨਾਥ ਅਗਰੀਆ, ਵਿਮਲੇਸ਼ (12) ਪੁੱਤਰ ਛੋਟੇ ਲਾਲ ਅਗਰੀਆ ਲਾਪਤਾ ਹਨ। ਪੁਲਸ ਅਤੇ ਬਚਾਅ ਟੀਮ ਉਨ੍ਹਾਂ ਦੀ ਭਾਲ ਕਰ ਰਹੀ ਹੈ।