ਬਰੈਂਪਟਨ, 8 ਜੁਲਾਈ (ਪੋਸਟ ਬਿਊਰੋ)-ਬਰੈਂਪਟਨ ਸਾਊਥ ਦੇ ਹਲਕੇ ਵਿਚ ਲੌਕਵੁਡ ਐਡ ਡ੍ਰਿੰਕ ਵਾਟਰ ਇਕਾਲੇ ਦੇ ਆਸਪਾਸ ਵਸ ਰਹੇ ਪੰਜਾਬੀ ਬਜ਼ੁਰਗਾਂ ਵਲੋਂ ਕੈਨੇਡਾ ਦਾ 152ਵਾਂ ਜਨਮ ਦਿਨ ਤੇ ਭਾਰਤ ਦੀ ਆਜ਼ਾਦੀ ਦਾ ਦਿਵਸ ਲੌਕਵੁਡ ਪਾਰਕ ਵਿਖੇ ਬੀਤੇ ਐਤਵਾਰ ਮਨਾਇਆ ਗਿਆ। ਇਸ ਵਿਚ ਆਸ-ਪਾਸ ਦੇ ਲਗਭਗ 300 ਦੇ ਕਰੀਬ ਪੰਜਾਬੀਆਂ ਨੇ ਹਿੱਸਾ ਲਿਆ। ਜਿਥੇ ਬੱਚਿਆਂ ਦੀਆਂ, ਸੀਨੀਅਰਜ਼ ਤੇ ਲੇਡੀਜ਼ ਦੀਆਂ ਦੌੜਾਂ ਕਰਵਾਈਆਂ ਗਈਆਂ, ਉਥੇ ਹੀ ਮਿਊਜ਼ੀਕਲ ਚੇਅਰ ਅਤੇ ਜਿਹੀਆਂ ਹੀ ਮਨੋਰੰਜਨ ਭਰੀਆਂ ਆਈਟਮਾਂ ਕਰਵਾਈਆਂ ਗਈਆਂ। ਪ੍ਰੋਗਰਾਮ ਵਿਚ ਅਜਮੇਰ ਸਿੰਘ ਪਰਦੇਸੀ ਤੇ ਹੋਰ ਆਏ ਸੀਨੀਅਰ ਲੋਕਾਂ ਵਲੋਂ ਆਪਣੀੀਆਂ ਕਵਿਤਾਵਾਂ ਤੇ ਗੀਤਾਂ ਨਾਲ ਲੋਕਾਂ ਦਾ ਮਨੋਰੰਜਨ ਕੀਤਾ ਗਿਆ। ਸਿਆਸੀ ਆਗੂਆਂ ਵਿਚ ਸੋਨੀਆ ਸਿੱਧੂ ਐਮਪੀ, ਜੈਫ ਬੁਮੈਨ ਰੀਜਨਲ ਕੌਂਸਲਰ ਅਤੇ ਕੰਜ਼ਰਵੇਟਿਵ ਪਾਰਟੀ ਦੇ ਉਮੀਦਵਾਰ ਰਮਨ ਬਰਾੜ ਨੇ ਸਿ਼ਕਰਤ ਕੀਤੀ। ਇਨ੍ਹਾਂ ਤੋਂ ਇਲਾਵਾ ਭਾਰਤੀ ਕੌਂਸਲੇਟ ਜਨਰਲ ਦੇ ਦਫਤਰ ਤੋਂ ਡੀਪੀ ਸਿੰਘ ਨੇ ਉਚੇਚੇ ਤੌਰ ਉਤੇ ਹਾਜਰੀ ਲਗਵਾਈ। ਇਸ ਇਲਾਕੇ ਦੇ ਲੰਬੇ ਸਮੇਂ ਮਿਉਂਸਪਲ ਪੱਧਰ ਉਤੇ ਸਿਆਸਤ ਵਿਚ ਸਰਗਰਮ ਰਹੇ ਪਰਮਿੰਦਰ ਗਰੇਵਾਲ ਨੇ ਦੱਸਿਆ ਕਿ ਸਾਡੇ ਸਾਰੇ ਘਰਾਂ ਦਾ ਆਪਸੀ ਬਹੁਤ ਇਤਫਾਕ ਹੈ ਤੇ ਇਹ ਸਾਡਾ ਤੀਜਾ ਸਲਾਨਾ ਪੋਗਰਾਮ ਹੈ।

ਉਨ੍ਹਾਂ ਵਿਸ਼ੇਸ਼ੇ ਤੌਰ ਉਤੇ ਰਣਜੀਤ ਸਿੰਘ ਬਸਰਾਮ (ਬਾਈ ਜੀ) ਦਾ ਧੰਨਵਾਦ ਕੀਤਾ, ਜਿਹੜੇ ਇਹ ਉਪਰਾਲਾ ਬੜੀ ਸਿ਼ੱਦਤ ਨਾਲ ਕਰਦੇ ਆ ਰਹੇ ਹਨ। ਸਟੇਜ ਦੀ ਜਿੰਮੇਵਾਰ ਸ੍ਰੀ ਡੀਪੀ ਸਿੰਘ ਸ਼ੇਰਗਿੱਲ ਹੁਰਾਂ ਨੇ ਬਖੂਬੀ ਨਿਭਾਈ ਅਤੇ ਉਨ੍ਹਾਂ ਵੱਖ-ਵੱਖ ਸਪਾਂਸਰਾਂ ਦਾ ਵੀ ਧੰਨਵਾਦ ਕੀਤਾ। ਇਸ ਪ੍ਰੋਗਰਾਮ ਦੇ ਮੁੱਖ ਸਪਾਂਸਰ ਜਗਦੀਸ਼ ਗਰੇਵਾਲ ਦਾ ਵੀ ਵਿਸ਼ੇੇਸ਼ ਤੌਰ ਉਤੇ ਸਨਮਾਨ ਕੀਤਾ ਗਿਆ। ਸਵੀਪ ਦੇ ਮੁਕਾਬਲੇ ਲੌਕਵੁਡ ਸੀਨੀਅਰ ਕਲੱਬ ਨੇ ਹੀ ਜਿੱਤੇ। ਜੇਤੂ ਟੀਮਾਂ ਨੂੰ ਨਗਦੀ ਇਨਾਮ ਦਿੱਤੇ ਗਏ। ਕੁਲ ਮਿਲਾ ਕੇ ਇਲਾਕਾ ਨਿਵਾਸੀਆਂ ਵਲੋਂ ਹਰ ਸਾਲ ਇਕੱਠੇ ਹੋ ਕੇ ਪਰਿਵਾਰਾਂ ਨਾਲ ਖੁਸ਼ੀਆਂ ਸਾਂਝੀਆਂ ਕਰਨ ਦਾ ਇਹ ਵਧੀਆ ਮੌਕਾ ਬਣ ਗਿਆ ਹੈ।