ਟੋਰਾਂਟੋ, 24 ਸਤੰਬਰ (ਪੋਸਟ ਬਿਊਰੋ): ਓਂਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਨੇ ਟੋਰਾਂਟੋ ਫੀਲਡ ਟਰਿਪ ਨੂੰ ਅਪਮਾਨਜਨਕ ਦੱਸਿਆ ਹੈ, ਜਿਸ ਵਿੱਚ ਵਿਦਿਆਰਥੀਆਂ ਨੂੰ ਡਾਊਨਟਾਉਨ ਵਿਰੋਧ ਪ੍ਰਦਰਸ਼ਨ ਵਿੱਚ ਸ਼ਾਮਿਲ ਹੋਏ ਵੇਖਿਆ ਗਿਆ ਸੀ। ਉਨ੍ਹਾਂ ਨੇ ਤੱਤਕਾਲ ਜਾਂਚ ਦੀ ਮੰਗ ਕੀਤੀ ਹੈ।
ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਦੀ ਸਰਕਾਰ ਪੂਰੀ ਤਰ੍ਹਾਂ ਇਸ `ਤੇ ਕਾਰਵਾਈ ਕਰੇਗੀ। ਟੋਰਾਂਟੋ ਡਿਸਟਰਿਕਟ ਸਕੂਲ ਬੋਰਡ `ਤੇ ਉਸ ਫੀਲਡ ਟਰਿਪ ਤੋਂ ਬਾਅਦ ਦਬਾਅ ਵਧ ਰਿਹਾ ਹੈ, ਜਿਸ ਵਿੱਚ ਵਿਦਿਆਰਥੀ ਗਰੈਸੀ ਨੈਰੋ ਫ੍ਰਸਟ ਨੇਸ਼ਨ ਲਈ ਕਾਰਵਾਈ ਦੇ ਦਿਨ ਗਏ ਸਨ। ਗਰੈਸੀ ਨੈਰੋ ਫ੍ਰਸਟ ਨੇਸ਼ਨ ਦਾ ਭਾਈਚਾਰਾ ਪਾਰਾ ਜ਼ਹਿਰ ਤੋਂ ਪ੍ਰਭਾਵਿਤ ਹੋਇਆ ਸੀ।
ਬੋਰਡ ਨੇ ਪੁਸ਼ਟੀ ਕੀਤੀ ਕਿ ਪ੍ਰੋਗਰਾਮ ਲਈ ਇੱਕ ਟਰਿਪ ਆਯੋਜਿਤ ਕੀਤੀ ਗਈ ਸੀ ਪਰ ਕਿਹਾ ਕਿ ਇਸਨੂੰ ਵਿਦਿਆਰਥੀਆਂ ਲਈ ਸਵਦੇਸ਼ੀ ਲੋਕਾਂ ਦੇ ਅਨੁਭਵਾਂ ਨੂੰ ਸੁਣਨ ਲਈ ਇੱਕ ਸਿੱਖਿਆ ਅਨੁਭਵ ਦੇ ਰੂਪ ਵਿੱਚ ਵਿਉਂਤਬੱਧ ਕੀਤਾ ਗਿਆ ਸੀ। ਟੀਡੀਐੱਸਬੀ ਨੇ ਕਿਹਾ ਕਿ ਵਿਦਿਆਰਥੀਆਂ ਦੇ ਵਿਰੋਧ ਪ੍ਰਧਰਸ਼ਨ ਵਿੱਚ ਹਿੱਸਾ ਲੈਣ ਦੀ ਯੋਜਨਾ ਨਹੀਂ ਸੀ। ਸੋਮਵਾਰ ਨੂੰ ਕੋਬਰਗ, ਓਂਟਾਰੀਓ ਵਿੱਚ ਇੱਕ ਅਸੰਬੰਧਿਤ ਪ੍ਰੋਗਰਾਮ ਵਿੱਚ, ਫੋਰਡ ਨੇ ਬੋਰਡ ਨੂੰ ਟਰਿਪ ਦੇ ਤਰੀਕੇ ਲਈ ਫਟਕਾਰ ਲਗਾਈ ਅਤੇ ਕੁੱਝ ਅਧਿਆਪਕਾਂ `ਤੇ ਵਿਦਿਆਰਥੀਆਂ ਨੂੰ ਸਿੱਖਿਆ ਦੇਣ ਦੀ ਯੋਜਨਾ ਬਣਾਉਣ ਦਾ ਇਲਜ਼ਾਮ ਲਗਾਇਆ। ਉਨ੍ਹਾਂ ਨੇ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਇਹ ਸ਼ਰਮਨਾਕ ਹੈ ਕਿ ਤੁਸੀ ਸਾਡੇ ਬੱਚਿਆਂ ਨੂੰ ਭੜਕਾਉਣ ਦੀ ਕੋਸ਼ਿਸ਼ ਕਰ ਰਹੇ ਹੋ, ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਇਹ ਵਿਰੋਧ ਟੋਰਾਂਟੋ ਵਿੱਚ ਫਿਲਿਸਤੀਨ ਰੈਲੀ ਸੀ। ਫੋਰਡ ਨੇ ਕਿਹਾ ਕਿ ਇਸਦੀ ਜਾਂਚ ਹੋਣੀ ਚਾਹੀਦੀ ਹੈ ਅਤੇ ਅਸੀਂ ਇਸ `ਤੇ ਪੂਰੀ ਤਰ੍ਹਾਂ ਧਿਆਨ ਦੇਵਾਂਗੇ।