ਟੋਰਾਂਟੋ, 28 ਅਗਸਤ (ਪੋਸਟ ਬਿਊਰੋ): ਡਫਰਿਨ ਗਰੋਵ ਖੇਤਰ ਵਿੱਚ ਇੱਕ ਘਰ ਵਿੱਚ ਰਾਤ ਸਮੇਂ ਸ਼ੱਕੀ ਹਾਲਾਤਾਂ `ਚ ਬੇਸਮੈਂਟ ਵਿੱਚ ਅੱਗ ਲੱਗ ਗਈ। ਇਸ ਦੌਰਾਨ ਇੱਕ ਔਰਤ ਦੀ ਮੌਤ ਹੋ ਗਈ ਅਤੇ ਚਾਰ ਹੋਰਾਂ ਨੂੰ ਹਸਪਤਾਲ ਲਿਜਾਇਆ ਗਿਆ ।
ਕਾਲਜ ਸਟਰੀਟ ਅਤੇ ਡੋਵਰਕੋਰਟ ਰੋਡ ਕੋਲ 140 ਰਸ਼ੋਲਮੇ ਰੋਡ `ਤੇ ਇੱਕ ਦੋ ਮੰਜਿ਼ਲਾ ਘਰ ਵਿੱਚ ਅੱਧੀ ਰਾਤ ਤੋਂ ਬਾਅਦ ਲੱਗੀ ਅੱਗ `ਤੇ ਐਮਰਜੈਂਸੀ ਦਲ ਨੇ ਕਾਰਵਾਈ ਕੀਤੀ। ਫਾਇਰਕਰਮੀ ਘਰ ਵਿਚੋਂ ਧੂੰਏਂ ਨਿਕਲਦਾ ਦੇਖ ਕੇ ਪਹੁੰਚੇ।
ਟੋਰਾਂਟੋ ਫਾਇਰ ਚੀਫ ਮੈਥਿਊ ਪੇਗ ਨੇ ਸੋਸ਼ਲ ਮੀਡੀਆ `ਤੇ ਇੱਕ ਪੋਸਟ ਵਿੱਚ ਲਿਖਿਆ ਕਿ ਸਰਚ ਅਤੇ ਬਚਾਅ ਮੁਹਿੰਮ ਦੌਰਾਨ ਘਰ ਅੰਦਰ ਦੋ ਲੋਕਾਂ ਨੂੰ ਪਾਇਆ ਗਿਆ, ਜਿਨ੍ਹਾਂ ਨੂੰ ਤੁਰੰਤ ਬਚਾਇਆ ਗਿਆ ਅਤੇ @ਠੋਰੋਨਟੋੰੲਦਚਿਸ ਵਿੱਚ ਤਬਦੀਲ ਕੀਤਾ ਗਿਆ। ਦੁੱਖ ਦੀ ਗੱਲ ਹੈ ਕਿ ਇੱਕ ਦੀ ਮੌਤ ਹੋ ਗਈ ਹੈ ਅਤੇ ਦੂਜੇ ਨੂੰ ਗੰਭੀਰ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ ਹੈ।
ਟੋਰਾਂਟੋ ਪੈਰਾਮੇਡਿਕ ਸਰਵਿਸੇਜ਼ ਨੇ ਕਿਹਾ ਕਿ ਘਰ ਵਿਚੋਂ ਪੰਜ ਬਾਲਗਾਂ ਨੂੰ ਕੱਢਿਆ ਗਿਆ। ਘਟਨਾ ਸਥਾਨ `ਤੇ ਹੀ ਇੱਕ ਔਰਤ ਦੀ ਮੌਤ ਹੋ ਗਈ। ਜਦੋਂ ਕਿ ਇੱਕ ਵਿਅਕਤੀ ਨੂੰ ਗੰਭੀਰ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ। ਤਿੰਨ ਹੋਰ ਨੂੰ ਮਾਮੂਲੀ ਸੱਟਾਂ ਨਾਲ ਹਸਪਤਾਲ ਲਿਜਾਇਆ ਗਿਆ। ਟੋਰਾਂਟੋ ਪੁਲਿਸ ਨੇ ਕਿਹਾ ਕਿ ਮਰਨ ਵਾਲੀ ਔਰਤ ਦੀ ਪਹਿਚਾਣ ਬਾਰੇ ਵਿੱਚ ਕੋਈ ਹੋਰ ਜਾਣਕਾਰੀ ਜਾਰੀ ਨਹੀਂ ਕੀਤਾ ਗਈ ਹੈ।