ਟੋਰਾਂਟੋ, 29 ਸਤੰਬਰ (ਪੋਸਟ ਬਿਊਰੋ) : ਸਾਰੇ ਭਾਰਤੀ ਪਾਸਪੋਰਟ ਹੋਲਡਰਜ਼ ਨੂੰ ਇਹ ਸੂਚਿਤ ਕੀਤਾ ਜਾਂਦਾ ਹੈ ਕਿ ਵਿਦੇਸ਼ ਦੀ ਨਾਗਰਿਕਤਾ ਹਾਸਲ ਕਰਨ ਉਪਰੰਤ, ਉਨ੍ਹਾਂ ਨੂੰ ਕਾਨੂੰਨ ਤਹਿਤ ਆਪਣੇ ਭਾਰਤੀ ਪਾਸਪੋਰਟ ਨੇੜਲੇ ਇੰਡੀਅਨ ਮਿਸ਼ਨ/ਪੋਸਟ ਕੋਲ ਸਰੰਡਰ ਕਰਨੇ ਹੋਣਗੇ। ਭਾਰਤੀ ਮੂਲ ਦੇ ਇਨ੍ਹਾਂ ਵਿਦੇਸ਼ੀ ਨਾਗਰਿਕਾਂ, ਜਿਨ੍ਹਾਂ ਨੇ ਅਜੇ ਤੱਕ ਆਪਣੇ ਭਾਰਤੀ ਪਾਸਪੋਰਟ ਸਰੰਡਰ ਨਹੀਂ ਕੀਤੇ ਹਨ, ਨੂੰ ਜਲਦ ਹੀ ਅਜਿਹਾ ਕਰਨ ਤੇ ਜਲਦ ਤੋਂ ਜਲਦ ਸਰੰਡਰ ਸਰਟੀਫਿਕੇਟ ਹਾਸਲ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ।ਭਾਰਤੀ ਪਾਸਪੋਰਟ ਨੂੰ ਸਰੰਡਰ ਕਰਨ ਸਬੰਧੀ ਵੇਰਵੇ <https://www.cgitoronto.gov.in> ਉੱਤੇ ਵੇਖੇ ਜਾ ਸਕਦੇ ਹਨ।
2· ਭਾਰਤੀ ਮੂਲ ਦੇ ਬਜ਼ੁਰਗ ਵਿਅਕਤੀਆਂ, ਜਿਹੜੇ ਬਹੁਤ ਸਮਾਂ ਪਹਿਲਾਂ ਕੈਨੇਡਾ ਆ ਗਏ ਸਨ ਤੇ ਜਿਨ੍ਹਾਂ ਨੂੰ ਆਪਣੇ ਪੁਰਾਣੇ ਭਾਰਤੀ ਪਾਸਪੋਰਟ ਨਹੀਂ ਲੱਭ ਰਹੇ, ਨੂੰ ਪੇਸ਼ ਆਉਣ ਵਾਲੀਆਂ ਦਿੱਕਤਾਂ ਨੂੰ ਧਿਆਨ ਵਿੱਚ ਰੱਖਦਿਆਂ ਹੋਇਆਂ ਕਾਊਂਸਲੇਟ ਨੇ ਸਰੰਡਰ ਸਰਟੀਫਿਕੇਟ/ਪੁਰਾਣੇ ਰੱਦ ਕੀਤੇ ਗਏ ਭਾਰਤੀ ਸਰਟੀਫਿਕੇਟ ਮੁਹੱਈਆ ਕਰਵਾਉਣ ਦੀ ਸ਼ਰਤ ਵਿੱਚ ਢਿੱਲ ਦੇਣ ਦਾ ਫੈਸਲਾ ਕੀਤਾ ਹੈ।
3· ਭਾਰਤੀ ਮੂਲ ਦੇ ਜਿਨ੍ਹਾਂ ਲੋਕਾਂ ਨੇ ਪਹਿਲੀ ਜੂਨ, 2010 ਤੋਂ ਪਹਿਲਾਂ ਕੈਨੇਡੀਅਨ ਨਾਗਰਿਕਤਾ ਹਾਸਲ ਕੀਤੀ ਹੈ ਤੇ ਜਿਹੜੇ ਸਰੰਡਰ ਸਰਟੀਫਿਕੇਟ ਦੀ ਕਾਪੀ ਮੁਹੱਈਆ ਕਰਵਾਉਣ ਤੋਂ ਅਸਮਰੱਥ ਹਨ, ਉਹ ਸਰੰਡਰ ਸਰਟੀਫਿਕੇਟ/ਪੁਰਾਣੇ ਰੱਦ ਕੀਤੇ ਗਏ ਭਾਰਤੀ ਪਾਸਪੋਰਟ ਦੀ ਅਣਉਪਲਬਧਤਾ ਦੇ ਸਬੰਧ ਵਿੱਚ ਪ੍ਰਮਾਣ ਕੀਤਾ ਗਿਆ ਹਲਫੀਆ ਬਿਆਨ ਮੁਹੱਈਆ ਕਰਵਾ ਸਕਦੇ ਹਨ। ਹਲਫੀਆ ਬਿਆਨ ਦਾ ਫਾਰਮੈਟ ਮਿਸ਼ਨ ਦੀ ਵੈੱਬਸਾਈਟ ਦੇ ਹੇਠਾਂ ਦਿੱਤੇ ਲਿੰਕ ਉੱਤੇ ਵੇਖਿਆ ਜਾ ਸਕਦਾ ਹੈ : https://www.cgitoronto.gov.in/docs/1663087092visa%20affidavit.pdf
4· ਭਾਰਤੀ ਮੂਲ ਦੇ ਵਿਅਕਤੀਆਂ, ਜਿਨ੍ਹਾਂ ਕੋਲ ਸਰੰਡਰ ਸਰਟੀਫਿਕੇਟ/ਪੁਰਾਣੇ ਰੱਦ ਕੀਤੇ ਭਾਰਤੀ ਪਾਸਪੋਰਟ ਹਨ, ਨੂੰ ਆਪਣੀ ਵੀਜ਼ਾ ਐਪਲੀਕੇਸ਼ਨ ਦੇ ਨਾਲ ਸਰੰਡਰ ਸਰਟੀਫਿਕੇਟ/ਪੁਰਾਣੇ ਰੱਦ ਕੀਤੇ ਭਾਰਤੀ ਪਾਸਪੋਰਟ ਦੀ ਕਾਪੀ ਜਮ੍ਹਾਂ ਕਰਵਾਉਣੀ ਹੋਵੇਗੀ।