ਮਾਸਟਰ ਜੀ ਨੇ ਪੱਪੂ ਤੋਂ ਪੁੱਛਿਆ, ‘‘ਜੇ ਇੱਕ ਪਾਸੇ ਪੈਸਾ ਅਤੇ ਦੂਜੇ ਪਾਸੇ ਅਕਲ ਹੋਵੇ ਤਾਂ ਤੁਸੀਂ ਕੀ ਚੁਣੋਗੇ?”

ਪੱਪੂ, ‘‘ਮੈਂ ਤਾਂ ਪੈਸਾ ਚੁਣਾਂਗਾ।”
ਮਾਸਟਰ ਜੀ, ‘‘ਗਲਤ, ਜੇ ਤੇਰੀ ਜਗ੍ਹਾ ਮੈਂ ਹੁੰਦਾ ਤਾਂ ਅਕਲ ਚੁਣਦਾ।”
ਪੱਪੂ ਬੋਲਿਆ: ‘‘ਤੁਸੀਂ ਸਹੀ ਕਹਿ ਰਹੇ ਹੋ ਸਰ, ਜਿਸ ਕੋਲ ਜਿਸ ਚੀਜ਼ ਦੀ ਬਾਹਲੀ ਕਮੀ ਹੁੰਦੀ ਹੈ, ਉਹ ਉਸੇ ਨੂੰ ਚੁਣਦਾ ਹੈ।” ਪੱਪੂ ਬੋਲਿਆ।
*********
ਪਿਤਾ ਨੇ ਆਪਣੇ ਬੇਟੇ ਨੂੰ ਕਿਹਾ, ‘‘ਇੱਕ ਜ਼ਮਾਨਾ ਸੀ, ਜਦੋਂ ਮੈਂ ਦਸ ਰੁਪਏ 'ਚ ਦਾਲ, ਸਬਜ਼ੀ, ਦੁੱਧ, ਖੰਡ ਆਦਿ ਸਾਰਾ ਕੁਝ ਲੈ ਆਉਂਦਾ ਸੀ।”
ਬੇਟਾ, ‘‘ਪਿਤਾ ਜੀ ਉਸ ਜ਼ਮਾਨੇ ਦੀ ਗੱਲ ਹੋਰ ਸੀ। ਉਦੋਂ ਦੁਕਾਨਾਂ 'ਚ ਸੀ ਸੀ ਟੀ ਵੀ ਕੈਮਰੇ ਨਹੀਂ ਲੱਗੇ ਸਨ।”
*********
ਬੇਟੇ ਸ਼ਿਆਮ ਲਾਲ ਦੇ ਰਿਪੋਰਟ ਕਾਰਡ 'ਤੇ ਉਸ ਦੇ ਪਿਤਾ ਰਾਮਲਾਲ ਨੇ ਹਸਤਾਖਰ ਕਰਨ ਦੀ ਬਜਾਏ ਅੰਗੂਠਾ ਲਾਇਆ ਤਾਂ ਸ਼ਿਆਮ ਲਾਲ ਨੇ ਕਿਹਾ, ‘‘ਪਾਪਾ ਤੁਸੀਂ ਤਾਂ ਇੰਜੀਨੀਅਰ ਹੋ, ਫਿਰ ਅੰਗੂਠਾ ਕਿਉਂ ਲਾਇਆ?”
ਰਾਮਲਾਲ, ‘‘ਇਸ ਲਈ ਕਿ ਤੇਰੇ ਨੰਬਰ ਦੇਖ ਕੇ ਤੇਰੇ ਮਾਸਟਰ ਨੂੰ ਇਹ ਪਤਾ ਨਾ ਲੱਗੇ ਕਿ ਨਾਲਾਇਕ ਦਾ ਬਾਪ ਪੜ੍ਹਿਆ ਲਿਖਿਆ ਹੈ।”