‘ਸੀਕ੍ਰੇਟ ਸੁਪਰਸਟਾਰ’, ‘ਬਜਰੰਗੀ ਭਾਈਜਾਨ’ ਵਰਗੀਆਂ ਫਿਲਮਾਂ ਵਿੱਚ ਨਜ਼ਰ ਆ ਚੁੱਕੀ ਅਭਿਨੇਤਰੀ ਮਿਹਰ ਵਿਜ ਹੁਣ ਡੀ-ਗਲੈਮ ਰੋਲ ਤੋਂ ਹਟ ਕੇ ਐਕਸ਼ਨ ਅਵਤਾਰ ਵਿੱਚ ਨਜ਼ਰ ਆ ਰਹੀ ਹੈ। ਇੱਕ ਮੁਲਾਕਾਤ ਵਿੱਚ ਉਸ ਨੇ ਆਪਣੇ ਨਵੇਂ ਅਵਤਾਰ ਬਾਰੇ ਗੱਲਬਾਤ ਕੀਤੀ। ਪੇਸ਼ ਹਨ ਉਸੇ ਗੱਲਬਾਤ ਦੇ ਕੁਝ ਅੰਸ਼ :
* ਸੀਕ੍ਰੇਟ ਏਜੰਟ ਦਾ ਇਹ ਰੋਲ ਤੁਹਾਨੂੰ ਕਿਵੇਂ ਮਿਲਆ?
-ਮੈਂ ਹਮੇਸ਼ਾ ਤੋਂ ਨੀਰਜ ਸਰ ਦੇ ਨਾਲ ਕੰਮ ਕਰਨਾ ਚਾਹੁੰਦੀ ਸੀ। ਉਹ ਮੈਨੂੰ ਕਾਸਟ ਕਰਨ ਦੇ ਬਾਰੇ ਸੋਚ ਰਹੇ ਹਨ ਇਸ ਦਾ ਮੈਨੂੰ ਅਹਿਸਾਸ ਹੀ ਨਹੀਂ ਸੀ। ਇਸ ਲਈ ਜਦ ਪਤਾ ਲੱਗਾ ਤਾਂ ਮੈਂ ਤਾਂ ਉਡਣ ਹੀ ਲੱਗ ਪਈ। ਸਿੰਪਲੀ ਮੇਰੇ ਕੋਲ ਉਨ੍ਹਾਂ ਦਾ ਫੋਨ ਆਇਆ ਅਤੇ ਮੇਰੀ ਕਾਸਟਿੰਗ ਹੋ ਗਈ। ਤਿੰਨ-ਚਾਰ ਮੇਰੇ ਪਸੰਦੀਦਾ ਡਾਇਰੈਕਟਰ ਹਨ। ਇਨ੍ਹਾਂ ਵਿੱਚ ਨੀਰਜ ਸਰ, ਸ੍ਰੀ ਰਾਮ ਰਾਘਵਨ, ਸੁਜੀਤ ਸਰਕਾਰ ਵਰਗੇ ਦਿੱਗਜ ਹਨ। ਨੀਰਜ ਸਰ ਨੇ ਕਿਹਾ ਪਹਿਲੇ ਦਿਨ ਤੋਂ ਅਸੀਂ ਇਸ ਦੇ ਲਈ ਤੁਹਾਨੂੰ ਕਾਸਟ ਕਰਨਾ ਚਾਹੁੰਦੇ ਸੀ। ਤਦ ਮੈਂ ਸੋਚਿਆ ਐਕਸ਼ਨ ਤਾਂ ਮੈਂ ਬਚਪਨ ਤੋਂ ਕਰਨਾ ਚਾਹੁੰਦੀ ਸੀ। ਮੈਨੂੰ ਲੋਕਾਂ ਨੂੰ ਮਾਰਨ-ਕੁੱਟਣ ਦਾ ਬੜਾ ਸ਼ੌਕ ਹੈ। ਅਸਲ ਵਿੱਚ ਕਿਸੇ ਨੂੰ ਕੁੱਟ ਨਹੀਂ ਸਕਦੀ ਤਾਂ ਸੋਚਿਆ ਆਨਸਕਰੀਨ ਹੀ ਥੋੜ੍ਹਾ ਐਕਸ਼ਨ ਕਰ ਲਵਾਂ।
* ਤੁਹਾਡਾ ਇਸ ਸੀਰੀਜ਼ ਵਿੱਚ ਕੀ ਕਿਰਦਾਰ ਹੈ?
- ਮੈਂ ਸੀਕ੍ਰੇਟ ਏਜੰਟ ਦਾ ਰੋਲ ਨਿਭਾ ਰਹੀ ਹਾਂ। ਇੱਕ ਸੀਕਵੈਂਸ ਹੈ ਜਿੱਥੇ ਖੂਬ ਐਕਸ਼ਨ ਕਰ ਰਹੀ ਹਾਂ। ਮੇਰਾ ਕਿਰਦਾਰ ਉਂਝ ਇੱਕ ਸਿੰਪਲ ਲੜਕੀ ਦਾ ਹੈ, ਜੋ ਨੌਕਰੀ ਲਈ ਆਉਂਦੀ ਹੈ। ਫਿਰ ਜਦ ਦੇਸ਼ ਨੂੰ ਬਚਾਉਣ ਦੀ ਗੱਲ ਆਉਂਦੀ ਹੈ ਤਾਂ ਪਤਾ ਨਹੀਂ ਕਿੱਥੋਂ ਉਸ ਵਿੱਚ ਪਾਵਰ ਆ ਜਾਂਦੀ ਹੈ। ਉਹ ਆਪਣੇ ਫਰਜ਼ ਦੇ ਲਈ ਪਾਗਲ ਹੋ ਜਾਂਦੀ ਹੈ।
* ਇਹ ਸੀਰੀਜ਼ ਤਾਂ ਪਾਰਲੀਮੈਂਟ ਅਟੈਕ 'ਤੇ ਹੈ। ਕੀ ਇਸ ਨੂੰ ਕਰਨ ਤੋਂ ਪਹਿਲਾਂ ਦਿਮਾਗ ਵਿੱਚ ਕੋਈ ਗੱਲ ਆਈ?
- ਮੈਂ ਦਿੱਲੀ ਤੋਂ ਹਾਂ। ਜਦ 84 ਦੇ ਦੰਗੇ ਹੋਏ ਸਨ ਤਾਂ ਬਹੁਤ ਡਰ ਲੱਗਦਾ ਸੀ। ਅਸੀਂ ਬਹੁਤ ਛੋਟੇ ਸੀ, ਅਸੀਂ ਬਹੁਤ ਡਰੇ ਸਹਿੰਦੇ ਸੀ। ਅੱਜ ਵੀ ਚੰਗੀ ਤਰ੍ਹਾਂ ਉਹ ਪਲ ਯਾਦ ਹਨ। ਕੋਈ ਵੀ ਘਰੋਂ ਬਾਹਰ ਨਹੀਂ ਨਿਕਲਦਾ ਸੀ।
* ਰੀਅਲ ਲਾਈਫ ਵਿੱਚ ਕਦੇ ਕੋਈ ਮੌਕਾ ਮਿਲੇ ਤਾਂ ਲੋਕਾਂ ਨੂੰ ਬਚਾਉਣ ਦੇ ਲਈ ਕੀ ਕਰਨਾ ਚਾਹੋਗੇ?
- ਲੋਕਾਂ ਨੂੰ ਬਚਾਉਣ ਦਾ ਕੰਮ ਅੱਗੇ ਵਧ ਕੇ ਕਰਨਾ ਚਾਹਾਂਗੀ। ਇਸ ਬਾਰੇ ਮੈਂ ਬਹੁਤ ਵਾਰੀ ਸੋਚਿਆ ਹੈ। ਉਦਾਹਰਣ ਦੇ ਤੌਰ 'ਤੇ ਭਗਵਾਨ ਨਾ ਕਰੇ ਮੈਂ ਕਦੇ ਫਲਾਈਟ ਵਿੱਚ ਇਕੱਲੀ ਜਾ ਰਹੀ ਹਾਂ ਅਤੇ ਮੈਨੁੂੰ ਪਤਾ ਹੈ ਕਿ ਫਲਾਈਟ ਕ੍ਰੈਸ਼ ਹੋਣ ਵਾਲੀ ਹੈ ਜਾਂ ਹਾਈਜੈਕ ਹੋ ਗਈ ਤਾਂ ਮੈਂ ਮੇਕ ਸ਼ਿਓਰ ਕਰਾਂਗੀ ਕਿ ਉਸ ਹਾਲਾਤ ਵਿੱਚ ਮੈਂ ਡਰਾਂਗੀ ਨਹੀਂ ਸਗੋਂ ਲੋਕਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰਾਂਗੀ। ਹਾਲਾਂਕਿ ਇਹ ਮੁਸ਼ਕਲ ਕੰਮ ਹੈ।
* ਆਪਣੇ ਕਰੀਅਰ ਵਿੱਚ ਕੀ ਚੇਂਜ ਪਾ ਰਹੇ ਹੋ ਅਤੇ ਕਿੰਨਾ ਇੰਜੁਆਏ ਕਰ ਰਹੇ ਹੋ?
- ਕਦੇ ਸੋਚਿਆ ਨਹੀਂ ਕਿ ਟੀ ਵੀ ਹੈ, ਫਿਲਮ ਹੈ ਜਾਂ ਵੈੱਬ ਸੀਰੀਜ਼ ਹੈ। ਆਖਰਕਾਰ ਸਾਡੇ ਲਈ ਤਾਂ ਹਰ ਕੰਮ ਦੇ ਲਈ ਪਲੇਟਫਾਰਮ ਹੈ। ਅਸੀਂ ਕਰੈਕਟਰ ਬਣਾਉਣਾ ਹੈ, ਕ੍ਰਿਏਟ ਕਰਨਾ ਹੈ। ਅਸੀਂ ਉਨ੍ਹਾਂ ਲੋਕਾਂ ਦੇ ਨਾਲ ਕੰਮ ਕਰ ਰਹੇ ਹਾਂ, ਜੋ ਆਪਣੇ ਕੰਮ ਵਿੱਚ ਬਹੁਤ ਗੰਭੀਰ ਹਨ।
* ਕੋਈ ਅਜਿਹਾ ਡਰ, ਜੋ ਤੁਸੀਂ ਲੰਬੇ ਸਮੇਂ ਤੋਂ ਦੂਰ ਕਰਨ ਦੀ ਕੋਸ਼ਿਸ਼ ਵਿੱਚ ਹੋ?
- ਦੇਖੋ, ਕੋਈ ਵਿਸ਼ੇਸ਼ ਡਰ ਨਹੀਂ ਹੁੰਦਾ। ਜਦ ਡਰ ਹੁੰਦਾ ਹੈ ਤਾਂ ਹਰ ਜਗ੍ਹਾ ਹੁੰਦਾ ਹੈ। ਕਈ ਵਾਰ ਮੈਂ ਘਰ ਵਿੱਚ ਇਕੱਲੀ ਹੁੰਦੀ ਹਾਂ ਤਾਂ ਲੱਗਦਾ ਹੈ ਕਿ ਕਿਤੇ ਮੈਂ ਮਰ ਨਾ ਜਾਵਾਂ। ਅਜਿਹੇ ਹੋਰ ਵੀ ਕਈ ਬੁਰੇ ਖਿਆਲ ਆਉਣ ਲੱਗਦੇ ਹਨ। ਇਨ੍ਹਾਂ ਨੂੰ ਹੀ ਦੂਰ ਕਰਨ ਦੀ ਕੋਸ਼ਿਸ਼ ਹੈ।