ਮਿਸੀਸਾਗਾ ਪੋਸਟ ਬਿਉਰੋ: ਬਰੈਂਪਟਨ ਵਿੱਚ ਵੱਸਦੀ ਪੰਜਾਬੀ ਕਮਿਉਨਿਟੀ ਦੇ ਸੋਸ਼ਲ ਕਰਮੀ ਅਤੇ ਜਾਣੇ ਪਹਿਚਾਣੇ ਹਸਤਾਖਰ ਬਲਜਿੰਦਰ ਸਿੰਘ ਸੇਖੋਂ ਕੈਨੇਡਾ ਵਿੱਚ ਨਵੇਂ ਆਏ ਪਰਵਾਸੀਆਂ ਦੀ ਸਥਾਪਤੀ ਲਈ ਪਿਛਲੇ 40 ਸਾਲਾਂ ਤੋਂ ਵੱਧ ਸੈਟਲਮੈਂਟ ਸੇਵਾਵਾਂ ਪ੍ਰਦਾਨ ਕਰਦੀ ਆ ਰਹੀ ਪੀਲ ਮਲਟੀਕਲਚਰਲ ਕਾਉਂਸਲ (ਪੀ ਐਮ ਸੀ) ਦੇ ਪ੍ਰਧਾਨ ਥਾਪੇ ਗਏ ਹਨ। ਉਹਨਾਂ ਦੀ ਨਿਯੁਕਤੀ ਬੀਤੇ ਦਿਨੀਂ ਪੀ ਐਮ ਸੀ ਦੇ ਸਾਲਾਨਾ ਇਜਲਾਸ ਦੌਰਾਨ ਬੋਰਡ ਆਫ ਡਾਇਰੈਕਟਰਜ਼ ਵੱਲੋਂ ਬਿਨਾ ਮੁਕਾਬਲਾ ਕੀਤੀ ਗਈ। ਉਹਨਾਂ ਤੋਂ ਇਲਾਵਾ ਕਮਿਉਨਿਟੀ ਆਗੂ ਰਾਜ ਝੱਜ, ਚੀਨੀ ਭਾਈਚਾਰੇ ਦੇ ਆਗੂ ਐਰਿਕ ਵੈਂਗ, ਫਰੈਂਚ ਕਮਿਉਨਿਟੀ ਦੀ ਕਾਜਰਕਰਤਾ ਸੀਲੀਨਾ ਜੇਕੁਏਸ ਅਤੇ ਕਾਰਜਕਰਮੀ ਸ਼ਫਾਕਤ ਅਲੀ ਨੂੰ ਡਾਇਰੈਕਟਰਾਂ ਵੱਜੋਂ ਨਿਯੁਕਤ ਕੀਤਾ ਗਿਆ।

ਪੀ ਐਮ ਸੀ ਦੇ ਸਾਲਾਨਾ ਇਜਲਾਸ ਵਿੱਚ ਮਿਸੀਸਾਗਾ ਦੀ ਮੇਅਰ ਬੌਨੀ ਕਰੌਂਬੀ, ਕਾਉਂਸਰਲ ਰੌਨ ਸਟਾਰ, ਪੈਟ ਸੇਟੋ, ਐਮ ਪੀ ਪੀ ਨੀਨਾ ਟਾਂਗੜੀ ਨੇ ਵਿਸ਼ੇਸ਼ ਕਰਕੇ ਭਾਗ ਲਿਆ। ਨਵੇਂ ਚੁਣੇ ਗਏ ਪ੍ਰਧਾਨ ਡਾਕਟਰ ਸੇਖੋਂ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਵਿੱਚ 25 ਸਾਲ ਤੱਕ ਪ੍ਰੋਫੈਸਰ ਵਜੋਂ ਪੜਾਇਆ ਹੈ। ਉਹ ਨੌਰਥ ਅਮਰੀਕਨ ਤਰਕਸ਼ੀਲ ਸੁਸਾਇਟੀ ਦੇ ਪ੍ਰਧਾਨ ਵੀ ਰਹਿ ਚੁੱਕੇ ਹਨ। ਇਸ ਮੌਕੇ ਸੰਸਥਾ ਦੇ ਵਾਲੰਟੀਅਰਾਂ ਦਾ ਸਨਮਾਨ ਕੀਤਾ ਗਿਆ। ਆਏ ਮਹਿਮਾਨਾਂ ਦਾ ਸੰਸਥਾ ਦੇ ਐਗਜ਼ੈਕਟਿਵ ਡਾਇਰੈਕਟਰ ਨਵੀਦ ਚੌਧਰੀ ਨੇ ਧੰਨਵਾਦ ਕੀਤਾ। ਪੀ ਐਮ ਸੀ ਦੀ ਸਥਾਪਨਾ 1977 ਵਿੱਚ ਹੋਈ ਸੀ।