ਕੈਲਗਰੀ, 7 ਨਵੰਬਰ (ਪੋਸਟ ਬਿਊਰੋ): ਕੈਲਗਰੀ ਪੁਲਿਸ ਨੇ ਮਾਰਕਿਟ ਮਾਲ ਵਿੱਚ ਬੀਅਰ ਸਪ੍ਰੇਅ ਹਮਲੇ ਵਿੱਚ ਇੱਕ 17 ਸਾਲਾ ਲੜਕੇ `ਤੇ ਚਾਰਜਿਜ਼ ਲਗਾਇਆ ਹੈ।
ਇਹ ਹਮਲਾ ਬੁੱਧਵਾਰ, 11 ਸਤੰਬਰ ਨੂੰ ਸ਼ਾਮ 4:15 ਵਜੇ ਮਾਲ ਦੇ ਦੱਖਣੀ ਏਂਡ `ਤੇ ਸਪੋਰਟ ਚੇਕ ਸਥਾਨ `ਤੇ ਹੋਇਆ। ਪੁਲਿਸ ਦਾ ਕਹਿਣਾ ਹੈ ਕਿ ਚਾਰ ਲੋਕ ਸਟੋਰ ਵਿੱਚ ਦਾਖਲ ਹੋਏ, ਪਰ ਇੱਕ ਕਰਮਚਾਰੀ ਨੇ ਉਨ੍ਹਾਂ ਨੂੰ ਜਾਣ ਲਈ ਕਿਹਾ। ਉਨ੍ਹਾਂ ਨੂੰ ਸ਼ੱਕ ਸੀ ਕਿ ਉਹ ਦੁਕਾਨ ਵਿਚੋਂ ਸਾਮਾਨ ਚੋਰੀ ਕਰ ਰਹੇ ਹਨ।
ਥੋੜ੍ਹੀ ਦੇਰ ਬਾਅਦ ਗਰੁੱਪ ਦੇ ਮੈਂਬਰਾਂ ਵਿੱਚੋਂ ਇੱਕ ਸਟੋਰ ਵਿੱਚ ਵਾਪਿਸ ਆਇਆ। ਜਿਸ ਸਮੇਂ ਉਸਨੇ ਕਰਮਚਾਰੀ ਅਤੇ ਉਸਦੇ ਇੱਕ ਸਹਿਕਰਮੀ `ਤੇ ਬੀਅਰ ਸਪ੍ਰੇਅ ਕੀਤਾ।
ਕਰਮਚਾਰੀਆਂ ਨੂੰ ਘਟਨਾ ਸਥਾਨ `ਤੇ ਹੀ ਮੁੱਢਲਾ ਇਲਾਜ ਦਿੱਤਾ ਗਿਆ ਅਤੇ ਉਨ੍ਹਾਂ ਨੂੰ ਹਸਪਤਾਲ ਲਿਜਾਣ ਦੀ ਲੋੜ ਨਹੀਂ ਪਈ।
ਬੁੱਧਵਾਰ ਨੂੰ ਪੁਲਿਸ ਨੇ ਦੱਸਿਆ ਕਿ 17 ਸਾਲਾ ਇੱਕ ਲੜਕੇ ਨੂੰ ਹਿਰਾਸਤ ਵਿੱਚ ਲਿਆ ਗਿਆ ਹੈ। ਉਸ `ਤੇ ਹਥਿਆਰ ਨਾਲ ਹਮਲਾ ਕਰਨ ਅਤੇ ਹਥਿਆਰ ਰੱਖਣ ਦੇ ਚਾਰਜਿਜ਼ ਲਗਾਏ ਗਏ ਹਨ।