ਓਟਵਾ, 6 ਨਵੰਬਰ (ਪੋਸਟ ਬਿਊਰੋ): ਓਂਟਾਰੀਓ ਪ੍ਰੋਵਿਨਸ਼ੀਅਲ ਪੁਲਿਸ ਦਾ ਕਹਿਣਾ ਹੈ ਕਿ ਬੁੱਧਵਾਰ ਸਵੇਰੇ ਰੇਨਫਰੂ ਕਾਊਂਟੀ ਵਿੱਚ ਤਿੰਨ ਵਾਹਨਾਂ ਦੀ ਟੱਕਰ ਤੋਂ ਬਾਅਦ ਕਈ ਲੋਕ ਜਖ਼ਮੀ ਹੋ ਗਏ।
ਇਹ ਦੁਰਘਟਨਾ ਚੇਨਾਕਸ ਰੋਡ ਕੋਲ ਹਾਈਵੇ 17 `ਤੇ ਸਵੇਰੇ 7 ਵਜੇ ਦੇ ਲਗਭਗ ਹੋਈ। ਬਹੁਤ ਗੰਭੀਰ ਸੱਟਾਂ ਵਾਲੇ ਇੱਕ ਵਿਅਕਤੀ ਨੂੰ ਆਰਗੇਨ ਏਅਰ ਐਂਬੂਲੈਂਸ ਰਾਹੀਂ ਰੀਜਨਲ ਟਰਾਮਾ ਹਸਪਤਾਲ ਲਿਜਾਇਆ ਗਿਆ।
ਦੋ ਹੋਰਾਂ ਨੂੰ ਰੇਨਫਰੂ ਕਾਊਂਟੀ ਪੈਰਾਮੇਡਿਕਸ ਵੱਲੋਂ ਹਸਪਤਾਲ ਲਿਜਾਇਆ ਗਿਆ। ਓਪੀਪੀ ਦਾ ਕਹਿਣਾ ਹੈ ਕਿ ਹਾਈਵੇ 17 ਚੇਨਾਕਸ ਰੋਡ ਅਤੇ ਹੈਲੀ ਰੋਡ ਬੰਦ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਸੜਕ ਲੰਬੇ ਸਮੇਂ ਤੱਕ ਬੰਦ ਰਹਿਣ ਦੀ ਉਮੀਦ ਹੈ।