ਓਂਟਾਰੀਓ, 16 ਅਕਤੂਬਰ (ਪੋਸਟ ਬਿਊਰੋ): ਓਂਟਾਰੀਓ ਦੇ ਡਾਕਟਰਾਂ ਨੇ ਸੂਬਾ ਸਰਕਾਰ ਨੂੰ ਸਿਹਤ ਸੁਰੱਖਿਆ ਦੇ ਨਿਘਾਰ ਤੋਂ ਬਾਹਰ ਆਉਣ ਲਈ ਕੁੱਝ ਸੁਝਾਅ ਦਿੱਤੇ ਹਨ। ਬੁੱਧਵਾਰ ਨੂੰ ਦੀ ਓਂਟਾਰੀਓ ਮੈਡੀਕਲ ਐਸੋਸੀਏਸ਼ਨ (ਓ.ਐੱਮ.ਏ.) ਨੇ ਲੋਕਾਂ ਦੀ ਸਿਹਤ ਪ੍ਰਤੀ ਸਰਕਾਰ ਦਾ ਧਿਆਨ ਲਿਆਉਣ ਲਈ ਆਪਣੀ ਪਹਿਲਕਦਮੀ ‘ਸਟਾਪ ਦੀ ਕ੍ਰਾਇਸਸ’ ਲਾਂਚ ਕੀਤੀ। ਜਿਸ ਵਿਚ 6 ਮਹੱਤਵਪੂਰਨ ਖੇਤਰਾਂ ਬਾਰੇ ਦੱਸਿਆ ਗਿਆ ਹੈ, ਜਿਨ੍ਹਾਂ ਵੱਲ ਧਿਆਨ ਦੇ ਕੇ ਲੋਕਾਂ ਦੀ ਸਿਹਤ ਸੰਭਾਲੀ ਜਾ ਸਕਦੀ ਹੈ।
-ਹਰ ਇੱਕ ਓਂਟਾਰੀਓ ਵਾਸੀ ਨੂੰ ਇਕ ਫੈਮਿਲੀ ਡਾਕਟਰ ਦੀ ਲੋੜ ਹੈ।
-ਓਂਟਾਰੀਓ ਦੀ ਦਿਹਾਤੀ ਅਤੇ ਉਤਰੀ ਸਿਹਤ ਸੰਭਾਲ ਨੂੰ ਬਚਾਓ।
-ਐਮਰਜੈਂਸੀ ਵਿਭਾਗ ਖੁੱਲ੍ਹੇ ਰੱਖੋ।
-ਸਰਜਰੀ, ਸਪੈਸ਼ਲਿਸਟ ਅਤੇ ਡਾਇਗਨੌਸਟਿਕ ਟੈਸਟਾਂ ਲਈ ਪਹੁੰਚ ਅਤੇ ਫੰਡਿੰਗ ‘ਚ ਸੁਧਾਰ ਕਰਨਾ।
-ਮਨੁੱਖੀ ਸਿਹਤ ਸੰਸਾਧਨ ਰਣਨੀਤੀ
-ਡਿਜ਼ੀਟਲ ਹੈਲਥ ਕੇਅਰ ਅਤੇ ਖੋਜ ਨੂੰ ਉਤਸ਼ਾਹਿਤ ਕਰਨਾ।
ਲਗਭਗ 2.5 ਮਿਲੀਅਨ ਓਂਟਾਰੀਓ ਵਾਸੀ ਫੈਮਿਲੀ ਡਾਕਟਰ ਤੋਂ ਬਿਨਾਂ ਹਨ। ਇਹ ਅੰਕੜਾ 2026 ਤੱਕ 25% ਤੱਕ ਵਧ ਜਾਵੇਗਾ। ਕਈ ਭਾਈਚਾਰਿਆਂ ‘ਚ ਐਮਰਜੈਂਸੀ ਵਿਭਾਗ ਵਿਚ ਸਮਰੱਥਾ ਤੋਂ ਵੱਧ ਮਰੀਜ਼ ਆ ਰਹੇ ਹਨ ਤੇ ਕਈਆਂ ਨੂੰ ਤਾਂ ਖੁੱਲ੍ਹੇ ਰਹਿਣ ਲਈ ਹੀ ਸੰਘਰਸ਼ ਕਰਨਾ ਪੈ ਰਿਹਾ ਹੈ। 89% ਓਨਟਾਰੀਓ ਵਾਸੀ ਓਂਟਾਰੀਓ ਦੇ ਸਿਹਤ ਸੁਰੱਖਿਆ ਸਿਸਟਮ ਪ੍ਰਤੀ ਚਿੰਤਤ ਹਨ। ਇਹ ਪ੍ਰਾਥਮਿਕਤਾਵਾਂ ਚੋਣਾਂ `ਤੇ ਵੀ ਪ੍ਰਭਾਵ ਪਾ ਸਕਦੀਆਂ ਹਨ।