ਓਟਵਾ, 15 ਅਕਤੂਬਰ (ਪੋਸਟ ਬਿਊਰੋ): ਓਟਵਾ ਪੁਲਿਸ ਦਾ ਕਹਿਣਾ ਹੈ ਕਿ ਸੋਮਵਾਰ ਸਵੇਰੇ ਡਾਊਨਟਾਉਨ ਦੇ ਮੁੱਖ ਹਿੱਸੇ ਵਿੱਚ ਝੁਲਸੇ ਹੋਏ ਵਿਅਕਤੀ ਦੀ ਹਸਪਤਾਲ ਵਿੱਚ ਮੌਤ ਹੋ ਗਈ।
ਸਵੇਰੇ 6 ਵਜੇ ਤੋਂ ਬਾਅਦ ਇੱਕ ਅੱਗ ਨਾਲ ਝੁਲਸੇ ਹੋਏ ਵਿਅਕਤੀ ਦੀ ਸੂਚਨਾ ਮਿਲਣ `ਤੇ ਓ’ਕਾਨਰ ਸਟਰੀਟ ਕੋਲ ਕਵੀਨ ਸਟਰੀਟ ਦੇ 100 ਬਲਾਕ ਵਿੱਚ ਅਧਿਕਾਰੀਆਂ ਨੂੰ ਬੁਲਾਏ ਜਾਣ ਤੋਂ ਬਾਅਦ ਹੋਮਿਸਾਈਡ ਯੂਨਿਟ ਜਾਂਚ ਕਰ ਰਹੀ ਹੈ।
ਪੁਲਿਸ ਨੇ ਸੋਮਵਾਰ ਸਵੇਰੇ ਇਸ ਨੂੰ ਗੰਭੀਰ ਹਮਲੇ ਦੀ ਜਾਂਚ ਦੱਸਦੇ ਹੋਏ ਐਕਸ `ਤੇ ਕਿਹਾ ਕਿ ਘਟਨਾ ਦੇ ਆਸਪਾਸ ਦੇ ਹਾਲਾਤਾਂ ਦੀ ਫਿਲਹਾਲ ਜਾਂਚ ਕੀਤੀ ਜਾ ਰਹੀ ਹੈ।
ਇਸ ਸਮੇਂ ਘਟਨਾ ਦੇ ਕਾਰਨਾਂ ਬਾਰੇ ਪਤਾ ਨਹੀਂ ਚੱਲ ਸਕਿਆ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਵਿਅਕਤੀ ਦੀ ਮੌਤ ਦੀ ਜਾਂਚ ਕਤਲ ਦੇ ਤੌਰ `ਤੇ ਕੀਤੀ ਜਾ ਰਹੀ ਹੈ।
ਪੁਲਿਸ ਨੇ ਕਿਹਾ ਹੈ ਕਿ ਕਿਸੇ ਵੀ ਵਿਅਕਤੀ ਨੂੰ ਇਸ ਘਟਨਾ ਬਾਰੇ ਕੋਈ ਜਾਣਕਾਰੀ ਹੈ ਤਾਂ ਉਸਨੂੰ ਓਟਵਾ ਪੁਲਿਸ ਸਰਵਿਸ ਦੀ ਹੋਮਿਸਾਇਡ ਯੂਨਿਟ ਨਾਲ 613-236-1222, ਐਕਸਟੈਂਸ਼ਨ 5493 `ਤੇ ਸੰਪਰਕ ਕਰਕੇ ਸਾਂਝੀ ਕੀਤੀ ਜਾ ਸਕਦੀ ਹੈ।