ਟੋਰਾਂਟੋ, 2 ਅਪਰੈਲ (ਪੋਸਟ ਬਿਊਰੋ) : ਮੰਗਲਵਾਰ ਸਵੇਰੇ ਘਾਹ ਨੂੰ ਕਈ ਥਾਵਾਂ ਉੱਤੇ ਅੱਗ ਲੱਗ ਜਾਣ ਕਾਰਨ ਟੋਰਾਂਟੋ ਤੇ ਵਾਅਨ ਦਰਮਿਆਨ ਬਾਰਡਰ ਦੇ ਨਾਲ ਲੱਗਦੀਆਂ ਰੇਲ ਲਾਈਨਾਂ ਨੂੰ ਆਰਜ਼ੀ ਤੌਰ ਉੱਤੇ ਬੰਦ ਕਰ ਦਿੱਤਾ ਗਿਆ। ਇਹ ਜਾਣਕਾਰੀ ਵਾਅਨ ਫਾਇਰ ਤੇ ਰੈਸਕਿਊ ਸਰਵਿਸ ਨੇ ਦਿੱਤੀ।
ਤਿੰਨ ਵੱਖ ਵੱਖ ਥਾਂਵਾਂ, ਜਿਨ੍ਹਾਂ ਵਿੱਚ ਸਟੀਲਜ਼ ਐਵਨਿਊ ਤੇ ਹਾਈਵੇਅ 400, ਕੀਲ ਸਟਰੀਟ ਤੇ ਸਟੀਲਜ਼ ਐਵਨਿਊ ਤੇ ਵੈਸਟਨ ਰੋਡ ਤੇ ਸਟੀਲਜ਼ ਐਵਨਿਊ ਸ਼ਾਮਲ ਹਨ, ਉੱਤੇ ਨੌਰਥ ਸਾਊਥ ਰੇਲਵੇ ਲਾਈਨ ਦੇ ਨਾਲ ਲੱਗੀ ਘਾਹ ਦੀ ਅੱਗ ਉੱਤੇ ਕਾਬੂ ਪਾਉਣ ਲਈ ਟੋਰਾਂਟੋ ਤੇ ਵਾਅਨ ਦੇ ਅਮਲੇ ਨੂੰ ਸੱਦਿਆ ਗਿਆ।ਅਪਡੇਟ ਦੌਰਾਨ ਵਾਅਨ ਫਾਇਰ ਦੇ ਬੁਲਾਰੇ ਨੇ ਦੱਸਿਆ ਕਿ ਤੇਜ਼ ਹਵਾਵਾਂ ਕਾਰਨ ਅੱਗ ਟਰੈਕਸ ਤੱਕ ਵੀ ਪਹੁੰਚ ਗਈ।
ਅੱਗ ਤੱਕ ਪਹੁੰਚਣ ਲਈ ਕ੍ਰਿਊ ਨੂੰ ਕਈ ਥਾਂਵਾਂ ਉੱਤੇ ਰਾਹ ਬਣਾ ਕੇ ਉੱਥੇ ਤੱਕ ਪਹੁੰਚਣਾ ਪਿਆ। ਪਹਿਲਾਂ ਇੱਕ ਵਾਰੀ ਤਾਂ ਸੀਐਨ ਨੇ ਰੇਲ ਲਾਈਨਾਂ ਬੰਦ ਕਰ ਦਿੱਤੀਆਂ ਸਨ ਪਰ ਬਾਅਦ ਵਿੱਚ ਉਨ੍ਹਾਂ ਨੂੰ ਖੋਲ੍ਹ ਦਿੱਤਾ ਗਿਆ। ਕਿਸੇ ਦੇ ਜ਼ਖ਼ਮੀ ਹੋਣ ਦੀ ਕੋਈ ਖਬਰ ਨਹੀਂ ਹੈ।