ਬੈਰੀ, 30 ਜੁਲਾਈ (ਪੋਸਟ ਬਿਊਰੋ) : ਬੈਰੀ ਵਿੱਚ ਪ੍ਰੋਪੇਨ ਸਟੋਰੇਜ ਫੈਸਿਲਿਟੀ ਵਿੱਚ ਧਮਾਕਾ ਹੋਣ ਤੋਂ ਬਾਅਦ ਫਾਇਰ ਕ੍ਰਿਊ ਮੌਕੇ ਉੱਤੇ ਪਹੁੰਚ ਗਿਆ।
ਇੱਕ ਚਸ਼ਮਦੀਦ ਨੇ ਦੱਸਿਆ ਕਿ ਸੁ਼ੱਕਰਵਾਰ ਨੂੰ ਦੁਪਹਿਰੇ 2:00 ਵਜੇ ਉਸ ਨੇ ਇੱਕ ਕਿਲੋਮੀਟਰ ਦੀ ਦੂਰੀ ਤੋਂ ਉੱਚੀ ਉੱਚੀ ਧਮਾਕੇ ਦੀਆਂ ਆਵਾਜ਼ਾਂ ਸੁਣੀਆਂ। ਧਮਾਕੇ ਇੱਕ ਤੋਂ ਬਾਅਦ ਇੱਕ ਹੋ ਰਹੇ ਸਨ। ਉਸ ਵਿਅਕਤੀ ਨੇ ਦੱਸਿਆ ਕਿ ਉਸ ਨੂੰ ਲੌਕਹਾਰਡ ਰੋਡ ਤੇ ਬੇਅਵਿਊ ਡਰਾਈਵ ਇਲਾਕੇ ਵਿੱਚ ਸਥਿਤ ਸੁਪੀਰੀਅਰ ਪ੍ਰੋਪੇਨ ਦੀ ਦਿਸ਼ਾ ਵੱਲੋਂ 100 ਫੁੱਟ ਦੀ ਦੂਰੀ ਤੋਂ ਅੱਗ ਦੀਆਂ ਲਪਟਾਂ ਤੇ ਧੂੰਆਂ ਉੱਠਦਾ ਨਜ਼ਰ ਆ ਰਿਹਾ ਸੀ।
ਸੋਸ਼ਲ ਮੀਡੀਆ ਉੱਤੇ ਪਾਈਆਂ ਗਈਆਂ ਵੀਡੀਓਜ਼ ਵਿੱਚ ਸੰਘਣਾਂ ਕਾਲਾ ਧੂੰਆਂ ਹਵਾ ਵਿੱਚ ਉੱਠਦਾ ਨਜ਼ਰ ਆਉਂਦਾ ਹੈ। ਅਜੇ ਤੱਕ ਕਿਸੇ ਦੇ ਜ਼ਖ਼ਮੀ ਹੋਣ ਦੀ ਖਬਰ ਨਹੀ਼ਂ ਹੈ ਪਰ ਫਾਇਰ ਅਮਲੇ ਵੱਲੋਂ ਧਮਾਕੇ ਵਾਲੀ ਥਾਂ ਤੋਂ ਇਲਾਕਾ ਖਾਲੀ ਕਰਵਾਇਆ ਜਾ ਰਿਹਾ ਸੀ।