-ਵਾਰਸਾ ਵਿਚ ਨਾਜ਼ੀ ਡੈੱਥ ਕੈਂਪ ਤੋਂ ਮੁਕਤੀ ਦੀ 80ਵੀਂ ਵਰ੍ਹੇਗੰਢ ਮੌਕੇ ਕੀਤੀ ਸ਼ਿਰਕਤ
ਵਾਰਸਾ, 29 ਜਨਵਰੀ (ਪੋਸਟ ਬਿਊਰੋ): ਇਹ ਧਾਰਨਾ ਕਿ ‘ਦੁਬਾਰਾ ਕਦੇ ਨਹੀਂ’ (ਨੈਵਰ ਅਗੇਨ) ਦੁਨੀਆਂ ਹੋਲੋਕਾਸਟ ਵਰਗੀ ਕਿਸੇ ਚੀਜ਼ ਨੂੰ ਵਾਪਰਨ ਦੀ ਇਜਾਜ਼ਤ ਨਹੀਂ ਦੇਵੇਗੀ, ਮਹਿਸੂਸ ਹੁੰਦਾ ਹੈ ਕਿ ਇਹ ਕਮਜ਼ੋਰ ਪੈ ਰਹੀ ਹੈ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਪੋਲੈਂਡ ਦੇ ਪ੍ਰਧਾਨ ਮੰਤਰੀ ਡੋਨਾਲਡ ਟਸਕ ਨੇ ਮੰਗਲਵਾਰ ਨੂੰ ਕੀਤਾ। ਉਹ ਪੋਲੈਂਡ ਦੇ ਵਾਰਸਾ ਵਿੱਚ ਬਦਨਾਮ ਨਾਜ਼ੀ ਡੈੱਥ ਕੈਂਪ ਆਸ਼ਵਿਟਜ਼ ਦੀ ਮੁਕਤੀ ਦੀ 80ਵੀਂ ਵਰ੍ਹੇਗੰਢ ਮੌਕੇ ਲਈ ਦਰਜਨਾਂ ਹੋਰ ਵਿਸ਼ਵ ਨੇਤਾਵਾਂ `ਚ ਸ਼ਾਮਿਲ ਹੋਣ ਦੇ ਦੂਜੇ ਦਿਨ ਮਿਲੇ।
ਸਮਾਰੋਹ ਵਿੱਚ ਟਰੂਡੋ ਨੇ ਕਿਹਾ ਕਿ ਉਨ੍ਹਾਂ ਨੇ ਬਚਣ ਵਾਲੇ ਲੋਕਾਂ ਦੇ ਬੱਚਿਆਂ ਅਤੇ ਪੋਤੇ-ਪੋਤੀਆਂ ਨਾਲ ਗੱਲ ਕੀਤੀ, ਜੋ ਕਹਿੰਦੇ ਹਨ ਕਿ ਉਹ ਖੁਸ਼ ਹਨ ਕਿ ਉਨ੍ਹਾਂ ਦੇ ਦਾਦਾ-ਦਾਦੀ ਯਹੂਦੀ-ਵਿਰੋਧ ਅਤੇ ਨਫ਼ਰਤ ਭਰੀਆਂ ਵਿਚਾਰਧਾਰਾਵਾਂ ਦੇ ਵਿਸ਼ਵਵਿਆਪੀ ਪੁਨਰ-ਉਥਾਨ ਨੂੰ ਦੇਖਣ ਲਈ ਸਾਡੇ ਵਿਚ ਨਹੀਂ ਹਨ। ਉਨ੍ਹਾਂ ਕਿਹਾ ਕਿ ਉਹ ਸ਼ਬਦ ਹਰ ਲੋਕਤੰਤਰ ਲਈ ਇੱਕ ‘ਚਮਕਦਾਰ ਲਾਲ’ “bright red” ਚਿਤਾਵਨੀ ਚਿੰਨ੍ਹ ਹਨ।
ਉਨ੍ਹਾਂ ਕਿਹਾ ਕਿ ਦੋ-ਸ਼ਬਦਾਂ ਦੀ ਸਹੁੰ ਨੂੰ ਕਾਇਮ ਰੱਖਣਾ ਸਾਡੀ ਜ਼ਿੰਮੇਵਾਰੀ ਹੈ, ਜੋ ਅਸੀਂ ਅੰਤਰਰਾਸ਼ਟਰੀ ਭਾਈਚਾਰੇ ਦੇ ਤੌਰ 'ਤੇ ਹੋਲੋਕਾਸਟ - 'ਦੁਬਾਰਾ ਕਦੇ ਨਹੀਂ’ ਦੀ ਭਿਆਨਕਤਾ ਨੂੰ ਦੇਖਣ ਤੋਂ ਬਾਅਦ ਚੁੱਕੀ ਸੀ। ਅਸੀਂ ਉਸ ਸਹੁੰ ‘ਚ ਅਸਫਲ ਨਹੀਂ ਹੋ ਸਕਦੇ।
ਟਰੂਡੋ ਨੇ ਕਿਹਾ ਕਿ ਯਹੂਦੀ-ਵਿਰੋਧ ਵਧ ਰਿਹਾ ਹੈ, ਖਾਸ ਕਰਕੇ 7 ਅਕਤੂਬਰ, 2023 ਨੂੰ ਇਜ਼ਰਾਈਲ 'ਤੇ ਹਮਾਸ ਦੇ ਬੇਰਹਿਮ ਅੱਤਵਾਦੀ ਹਮਲੇ ਤੋਂ ਬਾਅਦ।
ਟਰੂਡੋ ਨੇ ਕਿਹਾ ਜਦੋਂ ਉਹ ਪਹਿਲੀ ਵਾਰ 2017 ਵਿੱਚ ਪ੍ਰਧਾਨ ਮੰਤਰੀ ਵਜੋਂ ਆਸ਼ਵਿਟਜ਼ ਗਏ ਸਨ ਤਾਂ ਮਹਿਸੂਸ ਹੋਇਆ ਕਿ ਦੁਨੀਆ ਦੁਬਾਰਾ ਕਦੇ ਨਾ ਹੋਣ ਦੇ ਸਿਧਾਂਤ ‘ਤੇ ਅੜੀ ਹੋਈ ਸੀ। ਪਰ ਹੁਣ ਦੁਨੀਆ ਭਰ ਵਿੱਚ ਨਫ਼ਰਤ ਅਤੇ ਕੱਟੜਤਾ ਵਿੱਚ ਇੰਨੇ ਵਾਧੇ ਦੇ ਨਾਲ ਲੋਕ ਉਨ੍ਹਾਂ ਨੂੰ ਦੱਸ ਰਹੇ ਹਨ ਕਿ ਇਹ ਥੋੜਾ ਜਿਹਾ ਤਿਲਕ ਰਿਹਾ ਹੈ।
ਪੋਲੈਂਡ ਦੇ ਪ੍ਰਧਾਨ ਮੰਤਰੀ ਡੋਨਾਲਡ ਟਸਕ ਨੇ ਕਿਹਾ ਕਿ ਯੂਰਪ ਵਿੱਚ ਸੱਜੇ-ਪੱਖੀ ਰਾਜਨੀਤਿਕ ਪਾਰਟੀਆਂ ਦੇ ਉਭਾਰ ਬਾਰੇ ਵੀ ਖ਼ਤਰੇ ਦੀਆਂ ਘੰਟੀਆਂ ਵੱਜਣੀਆਂ ਚਾਹੀਦੀਆਂ ਹਨ, ਜਿਸ ਵਿੱਚ ਅਲਟਰਨੇਟਿਵ ਫਾਰ ਜਰਮਨੀ ਵੀ ਸ਼ਾਮਲ ਹੈ, ਇੱਕ ਸੱਜੇ-ਪੱਖੀ ਪ੍ਰਵਾਸੀ ਵਿਰੋਧੀ ਪਾਰਟੀ ਜੋ ਇਸ ਸਮੇਂ ਉਸ ਦੇਸ਼ ਦੀਆਂ ਚੋਣਾਂ ਵਿੱਚ ਦੂਜੇ ਸਥਾਨ 'ਤੇ ਹੈ। ਸਮੱਸਿਆ ਇਹ ਹੈ ਕਿ ਸਾਡੇ ਕੋਲ ਯੂਰਪ ਵਿੱਚ ਅਜਿਹੇ ਸਿਆਸਤਦਾਨ ਹਨ ਅਤੇ ਉਹ ਸ਼ਕਤੀ ਪ੍ਰਾਪਤ ਕਰ ਰਹੇ ਹਨ।