ਓਟਵਾ, 27 ਅਕਤੂਬਰ (ਪੋਸਟ ਬਿਊਰੋ): ਓਂਟਾਰੀਓ ਪ੍ਰੋਵਿਨਸ਼ੀਅਲ ਪੁਲਿਸ ਨੇ ਕਿਹਾ ਕਿ ਸ਼ੁੱਕਰਵਾਰ ਦੁਪਹਿਰ ਨੂੰ ਪਰਥ, ਓਂਟਾਰੀਓ ਵਿੱਚ ਇੱਕ ਘਰ ਵਿੱਚ 15 ਸਾਲਾ ਲੜਕਾ ਮ੍ਰਿਤ ਮਾਇਆ ਗਿਆ। ਇਸ ਮਾਮਲੇ `ਚ 16 ਸਾਲਾ ਲੜਕੇ `ਤੇ ਸੈਕੰਡ ਡਿਗਰੀ ਕਤਲ ਦਾ ਚਾਰਜਿਜ਼ ਲਗਾਇਆ ਗਿਆ ਹੈ।
ਪੀੜਤ ਦੀ ਪਹਿਚਾਣ ਪਰਥ ਦੇ ਰੀਜ ਸਟੈਨਜੇਲ ਦੇ ਰੂਪ ਵਿੱਚ ਕੀਤੀ ਗਈ ਹੈ। ਪੁਲਿਸ ਨੂੰ ਦੁਪਹਿਰ 3 ਵਜੇ ਦੇ ਲਗਭਗ ਨਾਰਥ ਸਟਰੀਟ ਨਾਰਥ ਅਤੇ ਸ਼ੇਰਬਰੁਕ ਸਟਰੀਟ ਈਸਟ ਦੇ ਇਲਾਕੇ ਵਿੱਚ ਬੁਲਾਇਆ ਗਿਆ ਸੀ। ਜਦੋਂ ਉਹ ਘਟਨਾ ਸਥਾਨ `ਤੇ ਪਹੁੰਚੇ, ਤਾਂ ਉਨ੍ਹਾਂ ਨੇ ਇੱਕ ਮ੍ਰਿਤਕ ਲੜਕੇ ਨੂੰ ਵੇਖਿਆ।
ਸ਼ਨੀਵਾਰ ਨੂੰ ਇੱਕ ਅਪਡੇਟ ਵਿੱਚ, ਓਪੀਪੀ ਨੇ ਕਿਹਾ ਕਿ 16 ਸਾਲਾ ਇੱਕ ਲੜਕੇ ਨੂੰ ਇਲਾਕੇ ਦੇ ਇੱਕ ਘਰ ਵਿਚੋਂ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਇਸ ਦੀ ਪਹਿਚਾਣ ਯੂਥ ਕ੍ਰੀਮੀਨਲ ਜਸਟਿਸ ਐਕਟ ਤਹਿਤ ਸੁਰੱਖਿਅਤ ਹੈ। ਓਪੀਪੀ ਨੇ ਕਿਹਾ 16 ਸਾਲਾ ਲੜਕਾ ਹਿਰਾਸਤ ਵਿੱਚ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਜਾਂਚ ਜਾਰੀ ਰਹਿਣ ਕਾਰਨ ਇਲਾਕੇ ਵਿੱਚ ਵੱਡੀ ਗਿਣਤੀ ਵਿੱਚ ਪੁਲਿਸ ਬਲ ਮੌਜੂਦ ਹੈ। ਪਰਥ ਓਟਵਾ ਸ਼ਹਿਰ ਤੋਂ ਲਗਭਗ 85 ਕਿਲੋਮੀਟਰ ਦੱਖਣ-ਪੱਛਮ ਵਿੱਚ ਹੈ।