ਟੋਰਾਂਟੋ, 18 ਜੁਲਾਈ (ਪੋਸਟ ਬਿਊਰੋ): ਟੋਰਾਂਟੋ ਪੁਲਿਸ ਇੱਕ ਔਰਤ ਦੀ ਮੌਤ ਦੀ ਜਾਂਚ ਕਰ ਰਹੀ ਹੈ, ਜੋ ਪਿਛਲੇ ਹਫ਼ਤੇ ਸ਼ਹਿਰ ਦੇ ਰਾਕਲਿਫ-ਸਮਾਇਥ ਨੇਬਰਹੁਡ ਵਿੱਚ ਇੱਕ ਘਰ ਵਿੱਚ ਸੱਟਾਂ ਦੇ ਸਪੱਸ਼ਟ ਨਿਸ਼ਾਨਾਂ ਮਿਲੀ ਸੀ।
ਪੁਲਿਸ ਨੇ ਕਿਹਾ ਕਿ ਉਹ 11 ਜੁਲਾਈ ਦੀ ਦੁਪਹਿਰ ਨੂੰ ਵੇਸਟਨ ਰੋਡ ਅਤੇ ਹੰਬਰ ਬੁਲੇਵਾਰਡ ਦੇ ਇਲਾਕੇ ਵਿੱਚ ਇੱਕ ਵਿਅਕਤੀ ਦੇ ਜਖ਼ਮੀ ਹੋਣ ਦੀ ਸੂਚਨਾ `ਤੇ ਪਹੁੰਚੇ।
ਪੁਲਿਸ ਨੇ ਕਿਹਾ ਕਿ ਉੱਥੇ ਅਧਿਕਾਰੀਆਂ ਨੂੰ ਇੱਕ ਔਰਤ ਮਿਲੀ, ਜਿਸਦੇ ਸਰੀਰ `ਤੇ ਗੰਭੀਰ ਸੱਟਾਂ ਸਨ। ਉਸਨੂੰ ਘਟਨਾ ਸਥਾਨ `ਤੇ ਹੀ ਮ੍ਰਿਤਕ ਐਲਾਨ ਦਿੱਤਾ ਗਿਆ।
ਪੀੜਤ ਦੀ ਪਹਿਚਾਣ 50 ਸਾਲਾ ਮਾਰਗੋਥ ਅਰਿਆਜ਼ਾ ਦੇ ਰੂਪ ਵਿੱਚ ਹੋਈ ਹੈ। ਉਸ ਦੀ ਮੌਤ ਇਸ ਸਾਲ ਸ਼ਹਿਰ ਦੀ 47ਵੀਂ ਘਟਨਾ ਹੈ। ਅਰਿਆਜ਼ਾ ਦੀ ਮੌਤ ਦੇ ਕਾਰਨ ਦਾ ਹਾਲੇ ਖੁਲਾਸਾ ਨਹੀਂ ਕੀਤਾ ਗਿਆ ਹੈ।