ਵੈਨਕੂਵਰ, 23 ਜੁਲਾਈ (ਪੋਸਟ ਬਿਊਰੋ): ਸੋਮਵਾਰ ਨੂੰ ਵੈਂਕੂਵਰ ਦੇ ਤੱਟੀ ਖੇਤਰ ਵਿਚ ਇੱਕ ਔਰਤ ਦੀ ਲਾਸ਼ ਮਿਲੀ। ਕਿਟਸਿਲਾਨੋ ਯਾਟ ਕਲੱਬ ਕੋਲ ਇੱਕ ਮ੍ਰਿਤਕ ਔਰਤ ਮਿਲਣ ਤੋਂ ਬਾਅਦ ਦੁਪਹਿਰ 1:30 ਵਜੇ ਦੇ ਆਸਪਾਸ ਪੁਲਿਸ ਅਤੇ ਕੋਰੋਨਰ ਨੂੰ ਬੁਲਾਇਆ ਗਿਆ।
ਵੈਂਕੂਵਰ ਪੁਲਿਸ ਵਿਭਾਗ ਦੇ ਬੁਲਾਰੇ ਸਾਰਜੇਂਟ ਸਟੀਵ ਏਡੀਸਨ ਨੇ ਇੱਕ ਨੇ ਦੱਸਿਆ ਕਿ ਉਸ ਦੀ ਮੌਤ ਦੇ ਕਾਰਨ ਬਾਰੇ ਹਾਲੇ ਕੁਝ ਵੀ ਕਹਿਣਾ ਸੰਭਵ ਨਹੀਂ ਅਤੇ ਇਹ ਹਾਲੇ ਤੱਕ ਪਤਾ ਨਹੀਂ ਲੱਗਾ ਹੈ ਕਿ ਉਸਦੀ ਮੌਤ ਕਿਸੇ ਅਪਰਾਧ ਦਾ ਹਿੱਸਾ ਹੈ ਜਾਂ ਨਹੀਂ।
ਜਾਂਚਕਰਤਾ ਇਹ ਨਿਰਧਾਰਤ ਕਰਨ ਲਈ ਕੰਮ ਕਰ ਰਹੇ ਹਨ ਕਿ ਕੀ ਇਹ ਮੌਤ ਕਿਸੇ ਹੋਰ ਔਰਤ ਦੀ ਮੌਤ ਦੀ ਜਾਂਚ ਨਾਲ ਜੁੜੀ ਹੈ। ਐਤਵਾਰ ਸਵੇਰੇ ਸਨਸੇਟ ਬੀਚ ਕੋਲ ਪਾਣੀ ਵਿੱਚ ਇੱਕ ਔਰਤ ਮ੍ਰਿਤਕ ਮਿਲੀ ਸੀ। ਦੋਨਾਂ ਔਰਤਾਂ ਦੀ ਪਹਿਚਾਣ ਨਹੀਂ ਹੋ ਸਕੀ ਹੈ।