ਐਡਮੈਂਟਨ, 23 ਜੁਲਾਈ (ਪੋਸਟ ਬਿਊਰੋ): ਐਡਮੈਂਟਨ ਅਤੇ ਕੈਲਗਰੀ ਦੇ ਲੋਕਾਂ `ਤੇ ਕੈਨੇਡਾ ਦੇ ਕੁੱਝ ਸਰਕਾਰੀ ਨੇਤਾਵਾਂ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦੇਣ ਦਾ ਦੋਸ਼ ਲੱਗਾ ਹੈ ।
10 ਮਈ ਨੂੰ ਮਾਉਂਟੀਜ ਨੂੰ ਸੋਸ਼ਲ ਮੀਡਿਆ ਪਲੇਟਫਾਰਮ ਐਕਸ `ਤੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਜਾਨੋਂ ਮਾਰਨੇ ਦੀ ਧਮਕੀ ਬਾਰੇ ਚੌਕਸ ਕੀਤਾ ਗਿਆ ਸੀ।
23 ਸਾਲਾ ਕੈਲਗਰੀ ਨਿਵਾਸੀ ਮੇਸਨ ਜਾਨ ਬੇਕਰ `ਤੇ 6 ਜੂਨ ਨੂੰ ਅਪਰਾਧਿਕ ਸੰਹਿਤਾ ਦੀ ਧਾਰਾ 264.1(1) (ਏ) ਦੇ ਉਲਟ ਕਿਸੇ ਵਿਅਕਤੀ ਨੂੰ ਧਮਕੀ ਦੇਣ ਦਾ ਦੋਸ਼ ਲਗਾਇਆ ਗਿਆ ਸੀ।
ਇੱਕ ਅਲੱਗ ਜਾਂਚ ਵਿੱਚ ਮਾਉਂਟੀਜ ਨੂੰ 7 ਜੂਨ ਨੂੰ ਪਤਾ ਚੱਲਿਆ ਕਿ ਯੂਟਿਊਬ ਉਪਯੋਗਕਰਤਾ ਗੈਰੀ ਬੇਲਜੇਵਿਕ (67) ਨੇ ਟਰੂਡੋ, ਉਪ ਪ੍ਰਧਾਨ ਮੰਤਰੀ ਕ੍ਰੀਸਟੀਆ ਫਰੀਲੈਂਡ ਅਤੇ ਐੱਨਡੀਪੀ ਦੇ ਨੇਤਾ ਜਗਮੀਤ ਸਿੰਘ ਨੂੰ ਜਾਨੋਂ ਮਾਰਨ ਦੀ ਧਮਕੀ ਪੋਸਟ ਕੀਤੀ ਸੀ। ਐਡਮੈਂਟਨ ਦੇ ਬੇਲਜੇਵਿਕ `ਤੇ 13 ਜੂਨ ਨੂੰ ਬੇਕਰ ਦੇ ਸਮਾਨ ਦੋਸ਼ ਦੇ ਤਿੰਨ ਮਾਮਲਿਆਂ ਵਿੱਚ ਦੋਸ਼ ਲਗਾਇਆ ਗਿਆ ਸੀ। ਬੇਕਰ ਅਤੇ ਬੇਲਜੇਵਿਕ ਦੋਵੇਂ ਇਸ ਹਫ਼ਤੇ ਆਪਣੇ-ਆਪਣੇ ਸ਼ਹਿਰਾਂ ਵਿੱਚ ਅਦਾਲਤ `ਚ ਪੇਸ਼ ਹੋਣਗੇ।