ਓਟਵਾ, 22 ਜੁਲਾਈ (ਪੋਸਟ ਬਿਊਰੋ): 2024 ਵਿੱਚ ਓਟਵਾ ਵਿੱਚ ਵਾਹਨ ਚੋਰੀ ਲਈ ਗਲੂਸੇਸਟਰ-ਸਾਊਥਗੇਟ ਹਾਟ ਸਪਾਟ ਹਨ। ਇਸ ਸਾਲ ਹੁਣ ਤੱਕ ਸਾਊਥ ਓਟਵਾ ਵਾਰਡ ਵਿੱਚ 95 ਵਾਹਨ ਚੋਰੀ ਹੋਏ ਹਨ।
ਓਟਵਾ ਪੁਲਿਸ ਸਰਵਿਸ ਦੇ ਕ੍ਰਾਈਮ ਮੈਪ ਦੇ ਆਂਕੜੇ ਦੱਸਦੇ ਹਨ ਕਿ 2024 ਵਿੱਚ ਓਟਵਾ ਵਿੱਚ ਹੁਣ ਤੱਕ 929 ਵਾਹਨ ਚੋਰੀ ਹੋਣ ਦੀ ਸੂਚਨਾ ਮਿਲੀ ਹੈ, ਜਿਸ ਵਿੱਚ ਜੁਲਾਈ ਦੇ ਪਹਿਲੇ 21 ਦਿਨਾਂ ਵਿੱਚ 77 ਵਾਹਨ ਚੋਰੀ ਹੋਏ ਹਨ।
ਪੁਲਿਸ ਨੇ 2023 ਦੇ ਪਹਿਲੇ ਛੇ ਮਹੀਨਿਆਂ ਵਿੱਚ 504 ਵਾਹਨ ਚੋਰੀ ਹੋਣ ਅਤੇ 1 ਜਨਵਰੀ ਤੋਂ 30 ਜੂਨ, 2022 ਦੇ ਵਿੱਚਕਾਰ 387 ਵਾਹਨ ਚੋਰੀ ਹੋਣ ਦੀ ਸੂਚਨਾ ਮਿਲੀ।
ਇਸ ਸਾਲ ਓਟਵਾ ਦੇ ਸਾਰੇ 24 ਵਾਰਡਾਂ ਵਿੱਚ ਘੱਟ ਤੋਂ ਘੱਟ ਇੱਕ ਵਾਹਨ ਚੋਰੀ ਹੋਇਆ ਹੈ।
2024 ਵਿੱਚ ਹੁਣ ਤੱਕ ਵਾਹਨ ਚੋਰੀ ਦੇ ਮਾਮਲੇ ਵਿੱਚ ਗਲੂਸੇਸਟਰ-ਸਾਊਥਗੇਟ ਸਭਤੋਂ ਜਿ਼ਆਦਾ ਪ੍ਰਭਾਵਿਤ ਰਿਹਾ ਹੈ, ਜਿੱਥੇ 95 ਵਾਹਨ ਚੋਰੀ ਦੀਆਂ ਘਟਨਾਵਾਂ ਹੋਈਆਂ ਹਨ।
ਬੇ ਵਾਰਡ 68 ਵਾਹਨ ਚੋਰੀ ਦੇ ਨਾਲ ਦੂਜੇ ਸਥਾਨ `ਤੇ ਹੈ, ਇਸਤੋਂ ਬਾਅਦ ਰਾਈਡਿਊ-ਵੇਨੀਅਰ ਵਿੱਚ 59 ਵਾਹਨ ਚੋਰੀ ਹੋਏ, ਆਰਲੀਅਨਜ਼ ਈਸਟ-ਕੰਬਰਲੈਂਡ ਵਿੱਚ 53 ਅਤੇ ਰਿਵਰ ਵਾਰਡ ਵਿੱਚ 52 ਵਾਹਨ ਚੋਰੀ ਹੋਏ।
ਇਸੇ ਤਰ੍ਹਾਂ ਹੋਰ ਇਲਾਕਿਆਂ ਵਿਚ ਵਾਰਨ ਚੋਰੀ ਦੀ ਸੂਚੀ:
Gloucester-Southgate: 95, Bay: 68, Rideau-Vanier: 59, Orléans East-Cumberland: 53. River: 52, Barrhaven West: 50, Rideau-Rockcliffe: 48, Beacon Hill-Cyrville: 47, Alta Vista: 44, Somerset: 44, College: 42, Orleans South-Navan: 39, Riverside South-Findlay Creek: 36, Knoxdale-Merivale: 33, Capital: 29