ਕਿਹਾ- ਕੈਨੇਡਾ ਕੋਲ ਉਭਰਦੇ ਖਤਰਿਆਂ ਲਈ ਤਿਆਰੀ ਲਈ 5 ਸਾਲ ਹਨ
ਓਟਵਾ, 18 ਜੁਲਾਈ (ਪੋਸਟ ਬਿਊਰੋ): ਜਨਰਲ ਜੇਨੀ ਕੈਰਿਗਨ ਨੇ ਵੀਰਵਾਰ ਨੂੰ ਕਮਾਨ ਤਬਦੀਲੀ ਰਸਮ ਤੋਂ ਬਾਅਦ ਰੱਖਿਆ ਸਟਾਫ ਦੇ ਨਵੇਂ ਜਨਰਲ ਵਜੋਂ ਅਹੁਦਾ ਸੰਭਾਲ ਲਿਆ ਹੈ।
ਕੈਨੇਡਾ ਦੇ ਰੱਖਿਆ ਸਟਾਫ ਦੇ ਨਵੇਂ ਪ੍ਰਮੁੱਖ ਨੇ ਕਿਹਾ ਕਿ ਕੈਨੇਡਾ ਕੋਲ ਆਪਣੀ ਸੁਰੱਖਿਆ ਲਈ ਉਭਰਦੇ ਖਤਰਿਆਂ ਲਈ ਆਪਣੇ ਆਪ ਨੂੰ ਤਿਆਰ ਕਰਣ ਲਈ ਪੰਜ ਸਾਲ ਹਨ।
ਜਨਰਲ ਜੇਨੀ ਕੈਰਿਗਨ ਨੇ ਵੀਰਵਾਰ ਨੂੰ ਓਟਵਾ ਵਿੱਚ ਕੈਨੇਡੀਅਨ ਵਾਰ ਮਿਊਜ਼ੀਅਮ ਵਿੱਚ ਇੱਕ ਸਮਾਰੋਹ ਦੌਰਾਨ ਰੱਖਿਆ ਸਟਾਫ ਦੇ ਪ੍ਰਮੁੱਖ ਦੇ ਰੂਪ ਵਿੱਚ ਆਧਿਕਾਰਿਕ ਤੌਰ `ਤੇ ਕੈਨੇਡੀਅਨ ਹਥਿਆਰਬੰਦ ਬਲਾਂ ਦੀ ਕਮਾਨ ਸੰਭਾਲੀ।
ਸਮਾਰੋਹ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ ਕਿ ਆਰਕਟਿਕ ਬਰਫ ਕਵਰ ਦਾ ਨੁਕਸਾਨ ਅਤੇ ਨਵੇਂ ਲੰਬੀ ਦੂਰੀ ਵਾਲੇ ਹਥਿਆਰਾਂ ਦਾ ਵਿਕਾਸ ਉਭਰਦੇ ਖਤਰਿਆਂ ਦੀ ਤਰ੍ਹਾਂ ਦਿਸਦਾ ਹੈ।
ਉਨ੍ਹਾਂ ਨੇ ਕਿਹਾ, ਅਸੀ ਹੁਣ ਪ੍ਰੰਪਰਕ ਖਤਰਿਆਂ ਅਤੇ ਅਪ੍ਰੰਪਰਾਗਤ ਖਤਰਿਆਂ ਦੋਨਾਂ ਲਈ ਬਹੁਤ ਜਿ਼ਆਦਾ ਖੁੱਲੇ੍ਹ ਹਾਂ। ਇਸ ਲਈ ਮੈਨੂੰ ਲੱਗਦਾ ਹੈ ਕਿ ਕੈਨੇਡੀਅਨ ਲੋਕਾਂ ਨੂੰ ਇਹ ਸਮਝਣ ਦੀ ਜ਼ਰੂਰਤ ਹੈ ਕਿ ਜੇਕਰ ਅਸੀ ਤਿਆਰ ਨਹੀਂ ਹਾਂ, ਤਾਂ ਅਸੀਂ ਉਨ੍ਹਾਂ ਦੇ ਬਚਾਅ ਵਿੱਚ ਉਚਿਤ ਪ੍ਰਤੀਕਿਰਆ ਨਹੀਂ ਦੇ ਸਕਾਂਗੇ। ਮੈਂ ਕਹਿੰਦੀ ਹਾਂ ਕਿ ਸਾਡੇ ਕੋਲ ਇਨ੍ਹਾਂ ਖਤਰਿਆਂ ਦਾ ਮੁਕਾਬਲਾ ਕਰਨ ਲਈ ਤਿਆਰ ਹੋਣ ਲਈ ਲਗੱਗ ਪੰਜ ਸਾਲ ਹਨ।
ਉਨ੍ਹਾਂ ਨੇ ਕਿਹਾ ਕਿ ਕੈਨੇਡਾ ਅਜਿਹੇ ਖਤਰਿਆਂ ਨਾਲ ਨਿਪਟਨ ਲਈ NORAD ਅਤੇ NATO ਨਾਲ ਸਰਗਰਮ ਰੂਪ ਵਜੋਂ ਕੰਮ ਕਰ ਰਿਹਾ ਹੈ।