ਸਮੱਗਰੀ-800 ਗਰਾਮ ਨੂਡਲਜ਼, ਪੱਤਾ ਗੋਭੀ ਅੱਧਾ ਕੱਪ ਕੱਟੀ ਹੋਈ, ਗਾਜਰ ਅੱਧਾ ਕੱਪ ਕੱਟੀ ਹੋਈ, ਸ਼ਿਮਲਾ ਮਿਰਚ ਅੱਧਾ ਕੱਪ ਕੱਟੀ ਹੋਈ, ਖੰਡ ਅੱਧਾ ਕੱਪ ਛੋਟਾ ਚਮਚ, ਲਸ ਪੇਸਟ ਇੱਕ ਚਮਚ, ਨਿੰਬੂ ਦਾ ਰਸ ਇੱਕ ਚਮਚ, ਕਾਲੀ ਮਿਰਚ ਪਾਊਡਰ ਛੋਟਾ ਚਮਚ, ਨਮਕ ਸਵਾਦ ਅਨੁਸਾਰ, ਤੇਲ ਇੱਕ ਕੱਪ, ਤਿੰਨ-ਚਾਰ ਹਰੇ ਪਿਆਜ਼ ਕੱਟੇ ਹੋਏ, ਟੋਮੈਟੋ ਸਾਸ 2 ਛੋਟੇ ਚਮਚ, ਹਰਾ ਧਨੀਆ ਇੱਕ ਚਮਚ ਬਰੀਕ ਕੱਟਿਆ ਹੋਇਆ, ਗ੍ਰੀਨ ਚਿਲੀ ਸਾਸ ਦੋ ਛੋਟੇ ਚਮਚ।
ਵਿਧੀ-ਸਭ ਤੋਂ ਪਹਿਲਾਂ ਫਰਾਈਪੈਨ ਵਿੱਚ ਪਾਣੀ, ਨੂਡਲਜ਼ ਅਤੇ ਥੋੜ੍ਹਾ ਜਿਹਾ ਤੇਲ ਪਾ ਕੇ ਉਬਾਲੋ। ਨੂਡਲਜ਼ ਨੂੰ ਉਬਲਣ ਦੇ ਬਾਅਦ ਉਸ ਨੂੰ ਠੰਢੇ ਪਾਣੀ ਨਾਲ ਧੋ ਕੇ ਪੱਖੇ ਹੇਠਾਂ ਸੁਕਾ ਲਓ। ਇੱਕ ਫਰਾਈਪੈਨ ਵਿੱਚ ਤੇਲ ਗਰਮ ਕਰ ਕੇ ਉਸ ਵਿੱਚ ਨੂਡਲਜ਼ ਫਰਾਈ ਕਰੋ। ਇੱਕ ਵੱਖਰੇ ਫਰਾਈਪੈਨ ਵਿੱਚ ਦੋ ਚਮਚ ਤੇਲ ਗਰਮ ਕਰ ਕੇ ਉਸ ਵਿੱਚ ਸਬਜ਼ੀਆਂ, ਖੰਡ, ਨਮਕ, ਲਸਣ, ਕਾਲੀ ਮਿਰਚ ਪਾਊਡਰ ਪਾ ਕੇ ਇੱਕ ਮਿੰਟ ਪਕਾਓ। ਸਾਰੀਆਂ ਸਬਜ਼ੀਆਂ ਨੂੰ ਥੋੜ੍ਹਾ ਭੁੰਨੋ ਅਤੇ ਬਾਅਦ ਵਿੱਚ ਨਿੰਬੂ ਦਾ ਰਸ ਪਾ ਕੇ ਮਿਕਸ ਕਰ ਕੇ ਗੈਸ ਬੰਦ ਕਰ ਦਿਓ। ਪਲੇਟ ਵਿੱਚ ਨੂਡਲਜ਼ ਪਾਓ ਤੇ ਉਸ ਉੱਤੇ ਗ੍ਰੀਨ ਚਿਲੀ, ਟੋਮੈਟੋ ਸਾਸ, ਪਿਆਜ਼, ਹਰੀ ਧਨੀਆ ਪਾ ਕੇ ਖਾਓ।