ਸਮੱਗਰੀ- 50 ਗਰਾਮ ਬਾਦਾਮ, 150 ਗਰਾਮ ਗਾਜਰ ਕੱਦੂ ਕੀਤੀ ਹੋਈ, 100 ਗਰਾਮ ਘਿਓ, ਸੁਆਦ ਮੁਤਾਬਕ ਖੰਡ, ਅੱਧਾ ਛੋਟਾ ਚਮਚ ਇਲਾਇਚੀ ਪਾਊਡਰ, ਇੱਕ ਚੌਥਾਈ ਛੋਟਾ ਚਮਚ ਦੁੱਧ ਵਿੱਚ ਭਿਉਂਇਆਂ ਹੋਇਆ ਕੇਸਰ, ਇੱਕ ਛੋਟਾ ਚਮਚ ਗੁਲਾਬ ਜਲ, ਅੱਧਾ ਲੀਟਰ ਦੁੱਧ, ਇੱਕ ਛੋਟਾ ਚਮਚ ਜਵਿੱਤਰੀ ਪਾਊਡਰ, ਇੱਕ ਛੋਟਾ ਚਮਚ ਜਾਇਫਲ ਪਾਊਡਰ, ਤਿੰਨ ਚੀਕੂ ਕੱਦੂਕਸ ਕੀਤੇ ਹੋਏ ਅਤੇ ਇੱਕ ਵੱਡਾ ਚਮਚ ਕਿਸ਼ਮਿਸ਼।
ਵਿਧੀ- ਸਭ ਤੋਂ ਪਹਿਲਾਂ ਇੱਕ ਕੜਾਹੀ ਵਿੱਚ ਥੋੜ੍ਹਾ ਜਿਹਾ ਘਿਓ ਪਾ ਕੇ ਘੱਟ ਗੈਸ 'ਤੇ ਬਾਦਾਮ ਨੂੰ ਸੁਨਹਿਰਾ ਭੁੰਨ ਕੇ ਇੱਕ ਪਲੇਟ ਵਿੱਚ ਰੱਖ ਦਿਓ। ਹੁਣ ਇਸ ਕੜਾਹੀ ਵਿੱਚ ਬਚਿਆ ਘਿਓ ਅਤੇ ਗਾਜਰ ਪਾ ਕੇ ਚੰਗੀ ਤਰ੍ਹਾਂ 10-15 ਮਿੰਟ ਤੱਕ ਪਕਾਓ। ਇਸ ਤੋਂ ਬਾਅਦ ਚੀਕੂ ਅਤੇ ਦੁੱਧ ਮਿਲਾ ਕੇ ਚੰਗੀ ਤਰ੍ਹਾਂ ਰਲਾਓ। ਹੁਣ ਇਸ ਵਿੱਚ ਸਾਰੀ ਸਮੱਗਰੀ ਪਾਓ ਅਤੇ 10-15 ਮਿੰਟਾਂ ਤੱਕ ਪਕਾਓ। ਹਲਵਾ ਤਿਆਰ ਹੈ। ਇਸ ਵਿੱਚ ਕੇਸਰ ਅਤੇ ਇਲਾਇਚੀ ਪਾ ਕੇ ਚੰਗੀ ਤਰ੍ਹਾਂ ਰਲਾ ਲਵੋ। ਇਸ ਨੂੰ ਗਰਮ-ਗਰਮ ਪਰੋਸੋ ਅਤੇ ਇਸ ਦਾ ਸੁਆਦ ਲਓ।