Welcome to Canadian Punjabi Post
Follow us on

07

December 2021
ਬ੍ਰੈਕਿੰਗ ਖ਼ਬਰਾਂ :
ਕੈਪਟਨ-ਸੁਖਬੀਰ-ਭਾਜਪਾ ਤਿਕੜੀ ਵਿਧਾਨ ਸਭਾ ਚੋਣਾਂ 2022 ਦੇ ਮੱਦੇਨਜ਼ਰ ਪੰਜਾਬ ਦੇ ਹਿੱਤਾਂ ਨੂੰ ਢਾਹ ਲਾਉਣ ਲਈ ਜਿ਼ੰਮੇਵਾਰ : ਮੁੱਖ ਮੰਤਰੀ ਚੰਨੀਕੋਵਿਡ-19 ਦੇ ਨਵੇਂ ਵੇਰੀਐਂਟ ਓਮਾਈਕ੍ਰੌਨ ਦੇ ਓਨਟਾਰੀਓ ਵਿੱਚ ਮਿਲੇ ਦੋ ਮਾਮਲੇਸਾਬਕਾ ਇੰਟਰਨੈਸ਼ਨਲ ਸਟੂਡੈਂਟਸ ਦੀ ਮਦਦ ਲਈ ਸਰਕਾਰ ਨੇ ਲਿਆਂਦੀ ਨਵੀਂ ਪਾਲਿਸੀਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੇ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਪਹੁੰਚਣ ਤੋਂ ਪਹਿਲਾਂ ਲੱਖਾ ਸਿਧਾਣਾ ਗ੍ਰਿਫ਼ਤਾਰ। ਜਾਣਕਾਰੀ ਅਨੁਸਾਰ ਹਾਲੇ ਕਾਰਨਾਂ ਦਾ ਪਤਾ ਨਹੀਂ ਲੱਗਾ... ਮੋਦੀ ਨੇ ਖੇਤੀ ਕਾਨੂੰਨ ਰੱਦ ਕਰਨ ਦਾ ਕੀਤਾ ਐਲਾਨਮੁੱਖ ਮੰਤਰੀ ਵੱਲੋਂ ਅੱਜ ਅੱਧੀ ਰਾਤ ਤੋਂ ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿਚ ਪ੍ਰਤੀ ਲਿਟਰ 10 ਰੁਪਏ ਅਤੇ 5 ਰੁਪਏ ਦੀ ਕਟੌਤੀ ਕਰਨ ਦਾ ਐਲਾਨਫੋਰਡ ਨੇ ਪਹਿਲੀ ਜਨਵਰੀ ਤੋਂ ਘੱਟ ਤੋਂ ਘੱਟ ਉਜਰਤਾਂ 15 ਡਾਲਰ ਪ੍ਰਤੀ ਘੰਟਾ ਕਰਨ ਦਾ ਕੀਤਾ ਐਲਾਨਟੋਕੀਓ ਵਿੱਚ ਰੇਲਗੱਡੀ ਉੱਤੇ ਚਾਕੂ ਲੈ ਕੇ ਚੜ੍ਹੇ ਵਿਅਕਤੀ ਨੇ 17 ਨੂੰ ਕੀਤਾ ਜ਼ਖ਼ਮੀ, ਗੱਡੀ ਨੂੰ ਲਾਈ ਅੱਗ
 
ਅਪਰਾਧ

ਕਾਰੋਬਾਰੀ ਦਾ ਪਿੱਛਾ ਕਰ ਕੇ 50 ਤੋਂ ਵੱਧ ਗੋਲੀਆਂ ਚਲਾ ਕੇ ਕਤਲ

December 25, 2020 01:32 AM

ਫਰੀਦਾਬਾਦ, 24 ਦਸੰਬਰ (ਪੋਸਟ ਬਿਊਰੋ)- ਦੋ ਲਗਜ਼ਰੀ ਕਾਰਾਂ 'ਚ ਸਵਾਰ ਹਮਲਾਵਰਾਂ ਨੇ ਸ਼੍ਰਮਿਕ ਵਿਹਾਰ ਸੈਕਟਰ 31 'ਚ ਦਿਨ ਦਿਹਾੜੇ ਗੋਲੀਆਂ ਮਾਰ ਕੇ ਪਿੰਡ ਅਮੀਪੁਰ ਦੇ ਕਾਰੋਬਾਰੀ ਮਨੋਜ ਭਾਟੀ ਦੀ ਹੱਤਿਆ ਕਰ ਦਿੱਤੀ। ਕਾਤਲਾਂ ਨੇ ਕਰੀਬ ਇੱਕ ਕਿਲੋਮੀਟਰ ਤੱਕ ਉਨ੍ਹਾਂ ਦੀ ਸਕਾਰਪੀਓ ਕਾਰ ਦਾ ਪਿੱਛਾ ਕੀਤਾ ਅਤੇ ਅੰਦਾਜ਼ਾ ਹੈ ਕਿ ਉਨ੍ਹਾ ਨੇ ਕਰੀਬ ਪੰਜਾਹ ਗੋਲੀਆਂ ਚਲਾਈਆਂ। ਸ਼੍ਰਮਿਕ ਵਿਹਾਰ ਦੇ ਰਸਤੇ 'ਚ ਖੜ੍ਹੇ ਮੋਟਰ ਸਾਈਕਲ ਦੇ ਹੇਠਾਂ ਆ ਜਾਣ ਕਾਰਨ ਮਨੋਜ ਦੀ ਕਾਰ ਫਸ ਗਈ ਤਾਂ ਬਦਮਾਸ਼ਾਂ ਨੇ ਉਸ 'ਤੇ ਗੋਲੀਆਂ ਵਰ੍ਹਾ ਦਿੱਤੀਆਂ। ਕਾਰ ਦੇ ਅੰਦਰ ਹੀ ਉਸ ਦੀ ਮੌਤ ਹੋ ਗਈ।
ਸੈਕਟਰ 31 ਥਾਣਾ ਦੀ ਪੁਲਸ ਨੇ ਮਨੋਜ ਦੇ ਵੱਡੇ ਭਰਾ ਹੇਮਰਾਜ ਦੀ ਸ਼ਿਕਾਇਤ 'ਤੇ ਅਣਪਛਾਤੇ ਕਾਤਲਾਂ ਖਿਲਾਫ ਮੁਕੱਦਮਾ ਦਰਜ ਕੀਤਾ ਹੈ। ਪਤਾ ਲੱਗਾ ਹੈ ਕਿ ਸੈਕਟਰ 31 ਵਿੱਚ ਮਨੋਜ ਦੇ ਦੋਸਤ ਸੱਦਾਮ ਦਾ ਪ੍ਰਾਪਰਟੀ ਦਾ ਦਫਤਰ ਹੈ। ਮਨੋਜ ਅਕਸਰ ਉਥੇ ਜਾਂਦਾ ਰਹਿੰਦਾ ਸੀ। ਦੁਪਹਿਰ ਨੂੰ ਮਨੋਜ ਉਥੇ ਸੀ। ਸੱਦਾਮ ਨੇ ਕਿਹਾ ਕਿ ਦਫਤਰ ਦੇ ਬਾਹਰ ਕੋਰੋਲਾ ਤੇ ਫਾਰਚੂਨਰ ਕਾਰ 'ਚ ਸਵਾਰ ਚਾਰ-ਪੰਜ ਨੌਜਵਾਨਾਂ ਦੀਆਂ ਹਰਕਤਾਂ ਮਨੋਜ ਨੂੰ ਸ਼ੱਕੀ ਲੱਗੀਆਂ। ਉਹ ਤੁਰੰਤ ਦਫਤਰ ਤੋਂ ਨਿਕਲਿਆ ਅਤੇ ਸੱਦਾਮ ਦੀ ਸਕਾਰਪੀਓ ਕਾਰ ਲੈ ਕੇ ਭੱਜ ਗਿਆ। ਉਨ੍ਹਾਂ ਨੌਜਵਾਨਾਂ ਨੇ ਕਾਰਾਂ ਵਿੱਚ ਪਿੱਛਾ ਕਰਨਾ ਸ਼ੁਰੂ ਕਰ ਦਿੱਤਾ। ਕੁਝ ਚਸ਼ਮਦੀਦਾਂ ਨੇ ਕਿਹਾ ਕਿ ਪਿੱਛਾ ਕਰਦਿਆਂ ਹਮਲਾਵਰ ਮਨੋਜ ਦੀ ਕਾਰ 'ਤੇ ਗੋਲੀਆਂ ਵਰ੍ਹਾ ਰਹੇ ਸਨ। ਮਨੋਜ ਨੇ ਬਾਈਪਾਸ ਤੋਂ ਸ਼੍ਰਮਿਕ ਵਿਹਾਰ ਵੱਲ ਕਾਰ ਮੋੜ ਦਿੱਤੀ। ਉਥੇ ਜਲਦਬਾਜ਼ੀ 'ਚ ਪਸ਼ੂਆਂ ਦੀ ਡੇਅਰੀ ਦੇ ਬਾਹਰ ਖੜ੍ਹਾ ਇੱਕ ਬੁਲੇਟ ਮੋਟਰ ਸਾਈਕਲ ਕਾਰ ਹੇਠਾਂ ਆ ਗਿਆ। ਇਸ ਨਾਲ ਕਾਰ ਅੱਗੇ ਨਾ ਵਧ ਸਕੀ ਤਾਂ ਬਦਮਾਸ਼ਾਂ ਨੇ ਦੋਵੇਂ ਪਾਸਿਓਂ ਉਸ ਨੂੰ ਘੇਰ ਕੇ 10-12 ਗੋਲੀਆਂ ਚਲਾਈਆਂ ਤੇ ਪਿਸਤੌਲ ਲਹਿਰਾਉਂਦੇ ਹੋਏ ਫਰਾਰ ਹੋ ਗਏ।ਮਨੋਜ ਭਾਟੀ ਫਾਈਨਾਂਸ ਤੇ ਪ੍ਰਾਪਰਟੀ ਦਾ ਕੰਮ ਕਰਦਾ ਸੀ। ਸਾਲ 2019 ਵਿੱਚ ਉਸ ਨੇ ਤਿਗਾਂਵ ਵਿਧਾਨ ਸਭਾ ਚੋਣ ਲਈ ਲੋਕਤੰਤਰ ਸੁਰਕੱਸ਼ਾ ਪਾਰਟੀ ਤੋਂ ਟਿਕਟ ਲਈ, ਪਰ ਚੋਣ ਨਹੀਂ ਲੜੀ। ਇਨ੍ਹੀਂ ਦਿਨੀਂ ਉਹ ਪੰਚਾਇਤ ਚੋਣਾਂ ਦੀ ਤਿਆਰੀ ਕਰ ਰਿਹਾ ਸੀ।

 
Have something to say? Post your comment