ਨਾਭਾ, 23 ਫਰਵਰੀ (ਪੋਸਟ ਬਿਊਰੋ)- ਜ਼ਿਲਾ ਯੂਥ ਕਾਂਗਰਸ ਦੇ ਸਾਬਕਾ ਜਨਰਲ ਸੈਕਟਰੀ ਪ੍ਰਾਪਰਟੀ ਡੀਲਰ ਅਮਨਦੀਪ ਸਿੰਘ ਗੋਸ਼ੂ (40) ਦੀ ਉਸ ਦੇ ਦੋਸਤ ਨੇ ਸਿਰ ਵਿੱਚ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਹੈ।
ਕੱਲ੍ਹ ਸ਼ਾਮ ਡੀ ਐੱਸ ਪੀ ਵਰਿੰਦਜੀਤ ਸਿੰਘ ਥਿੰਦ ਨੇ ਦੱਸਿਆ ਕਿ ਇਸ ਦੀ ਜਾਂਚ ਦੇ ਆਧਾਰ 'ਤੇ ਗੋਸ਼ੂ ਦੇ ਦੋਸਤ ਧਰਮਜੀਤ ਸਿੰਘ ਉਰਫ ਸੋਨੀ ਦੇ ਖਿਲਾਫ ਕਤਲ ਅਤੇ ਆਮਰਜ਼ ਐਕਟ ਦਾ ਕੇਸ ਦਰਜ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਧਰਮਪਾਲ ਉਰਫ ਸੋਨੀ, ਜੋ ਗੋਸ਼ੂ ਦਾ ਦੋਸਤ ਸੀ, ਅਕਸਰ ਗੋਸ਼ੂ ਨੂੰ ਕਿਸੇ ਵਿੱਤੀ ਮਾਮਲੇ ਤੋਂ ਪਰੇਸ਼ਾਨ ਕਰਦਾ ਰਹਿੰਦਾ ਸੀ। ਬੀਤੀ ਰਾਤ ਦੋਵੇਂ ਆਪਸ ਵਿੱਚ ਮਿਲੇ ਤੇ ਵਾਪਸੀ ਸਮੇਂ ਦੋਸ਼ੀ ਨੇ ਗੋਸ਼ੂ ਦੀ ਰਿਵਾਲਵਰ ਨਾਲ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਹੈ। ਦੋਸ਼ੀ ਅਜੇ ਫਰਾਰ ਹੈ, ਜਿਸ ਨੂੰ ਗ੍ਰਿਫਤਾਰ ਕਰਨ ਦੇ ਲਈ ਪੁਲਸ ਟੀਮਾਂ ਦਾ ਗਠਨ ਕਰ ਦਿੱਤਾ ਗਿਆ ਹੈ।