ਬੈਰੀ, 13 ਅਗਸਤ (ਪੋਸਟ ਬਿਊਰੋ): ਡਗਲਜ਼ ਸ਼ੇਫਰ ਅਤੇ ਜੂਲੀ ਬਾਲਿਟੇ ੳਸ ਸਮੇਂ ਹੈਰਾਨ ਰਹਿ ਗਏ ਜਦੋਂ ਥਾਰਨਹਿਲ ਵਿੱਚ ਇੱਕ ਗੈਸ ਸਟੇਸ਼ਨ ਤੋਂ ਖਰੀਦੇ ਗਏ 10 ਡਾਲਰ ਦੇ ਇੰਸਟੇਂਟ ਕਰਾਸਵਰਡ ਡੀਲਕਸ ਲਾਟਰੀ ਟਿਕਟ 250,000 ਡਾਲਰ ਵਿੱਚ ਬਦਲ ਗਿਆ।
ਇਹ ਜੋੜਾ ਅੱਠ ਸਾਲ ਪਹਿਲਾਂ ਵਿਆਹ ਤੋਂ ਬਾਅਦ ਲਾਟਰੀ ਵਿੱਚ ਆਪਣੀ ਕਿਸਮਤ ਅਜ਼ਮਾ ਰਿਹਾ ਹੈ ਅਤੇ ਕਿਹਾ ਕਿ ਇਹ ਉਨ੍ਹਾਂ ਦੀ ਪਹਿਲੀ ਵੱਡੀ ਜਿੱਤ ਹੈ।
ਬਾਲਿਟੇ ਨੇ ਕਿਹਾ ਕਿ ਜਦੋਂ ਮੈਂ ਇਨਾਮ ਰਾਸ਼ੀ ਦੇਖਣ ਲਈ ਐਪ `ਤੇ ਆਪਣਾ ਟਿਕਟ ਸਕੈਨ ਕਰਨ ਲਈ ਆਪਣਾ ਫੋਨ ਕੱਢਿਆ ਤਾਂ ਮੈਨੂੰ ਕੁਝ ਸਮਝ ਹੀ ਨਹੀਂ ਲੱਗਾ। ਮੈਂ ਉੱਥੇ ਹੀ ਖੜ੍ਹਾ ਰਿਹਾ ਤੇ ਫੋਨ ਵੱਲ ਦੇਖਦਾ ਰਿਹਾ। ਡਗਲਜ਼ ਕਾਲ `ਤੇ ਸੀ ਇਸ ਲਈ ਮੈਂ ਉਸਦਾ ਧਿਆਨ ਆਕਰਸ਼ਤ ਕਰਨ ਲਈ ਆਪਣੇ ਹੱਥ ਹਿਲਾਉਣੇ ਸ਼ੁਰੂ ਕਰ ਦਿੱਤੇ। ਜਦੋਂ ਉਸਨੇ ਮੇਰੇ ਵੱਲ ਨਾ ਵੇਖਿਆ, ਤਾਂ ਮੈਂ ਉਛਲਣ ਲੱਗਾ। ਉਨ੍ਹਾਂ ਨੇ ਕਿਹਾ ਕਿ ਜਦੋਂ ਮੈਂ ਰਾਸ਼ੀ ਵੇਖੀ, ਮੈਂ ਹੈਰਾਨ ਰਹਿ ਗਿਆ।
ਟੋਰਾਂਟੋ ਵਿੱਚ ਓਐੱਲਜੀ ਪ੍ਰਾਈਜ਼ ਸੈਂਟਰ ਵਿੱਚ ਆਪਣੀ ਜਿੱਤ ਦੀ ਰਾਸ਼ੀ ਲੈਂਦੇ ਹੋਏ ਸ਼ੇਫਰ ਨੇ ਕਿਹਾ ਕਿ ਜਿੱਤਣਾ ਬਹੁਤ ਵਧੀਆ ਲੱਗਦਾ ਹੈ। ਇਹ ਜੋੜਿਆ ਇੱਕ ਯਾਤਰਾ ਦੀ ਯੋਜਨਾ ਬਣਾਉਣ ਅਤੇ ਨਿਵੇਸ਼ ਕਰਨ ਬਾਰੇ ਸੋਚ ਰਿਹਾ ਹੈ।