ਟੋਰਾਂਟੋ, 13 ਅਗਸਤ (ਪੋਸਟ ਬਿਊਰੋ): ਵਾਨ ਵਿੱਚ ਪਿਛਲੇ ਹਫ਼ਤੇ ਦੇ ਅਖੀਰ ਵਿੱਚ 57 ਸਾਲ ਦਾ ਇੱਕ ਵਿਅਕਤੀ ਦਾ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਗਿਆ। ਇਸ ਦੇ ਚਲਦੇ ਯਾਰਕ ਪੁਲਿਸ ਇੱਕ ਸ਼ੱਕੀ ਦੇ ਨਾਲ-ਨਾਲ ਇੱਕ ਕਾਲੇ ਪਿਕਅਪ ਟਰੱਕ ਦੀ ਵੀ ਭਾਲ ਕਰ ਰਹੀ ਹੈ।
9 ਅਗਸਤ ਨੂੰ ਦੁਪਹਿਰ 2:12 ਵਜੇ, ਯਾਰਕ ਖੇਤਰੀ ਪੁਲਿਸ (ਵਾਈਆਰਪੀ) ਨੇ ਕਿਹਾ ਕਿ ਗੋਲੀਬਾਰੀ ਦੀ ਰਿਪੋਰਟ ਲਈ ਉਨ੍ਹਾਂ ਨੂੰ ਲੈਂਗਸਟਾਫ ਰੋਡ ਦੇ ਉੱਤਰ ਵਿੱਚ ਇਸਲਿੰਗਟਨ ਅਤੇ ਕਿਲੋਰਨ ਏਵੇਨਿਊ ਕੋਲ ਇੱਕ ਘਰ ਵਿਚ ਬੁਲਾਇਆ ਗਿਆ ਸੀ।
ਉੱਥੇ ਅਧਿਕਾਰੀਆਂ ਨੂੰ ਇੱਕ ਵਿਅਕਤੀ ਮਿਲਿਆ ਜੋ ਗੋਲੀ ਲੱਗਣ ਨਾਲ ਜ਼ਖ਼ਮੀ ਸੀ। ਉਨ੍ਹਾਂ ਨੂੰ ਟਰਾਮਾ ਸੈਂਟਰ ਲਿਜਾਇਆ ਗਿਆ ਜਿੱਥੇ ਉਨ੍ਹਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ।
ਪੁਲਿਸ ਨੇ ਪੀੜਤ ਦੀ ਪਹਿਚਾਣ ਵਾਨ ਦੇ 57 ਸਾਲਾ ਜਾਰਜ-ਇਵਾਨ ਨਵਾਸ ਦੇ ਰੂਪ ਵਿੱਚ ਕੀਤੀ ਹੈ।
ਜਾਂਚਕਰਤਾ ਇੱਕ ਸ਼ੱਕੀ ਵਾਹਨ ਦਾ ਪਤਾ ਲਗਾਉਣ ਲਈ ਲੋਕਾਂ ਵਲੋਂ ਮਦਦ ਮੰਗ ਰਹੇ ਹਨ, ਜਿਸਨੂੰ ਓਂਟਾਰੀਓ ਲਾਈਸੈਂਂਸ ਪਲੇਟ ਬੀਕੇ15799 ਦੇ ਨਾਲ ਕਾਲੇ ਰੰਗ ਦੀ 2013 ਫੋਰਡ-150 ਦੱਸਿਆ ਜਾ ਰਿਹਾ ਹੈ। ਵਾਈਆਰਪੀ ਨੇ ਕਿਹਾ ਕਿ ਇਹ ਵਾਹਨ ਚੋਰੀ ਹੋ ਗਿਆ ਸੀ ਅਤੇ ਇਸਦਾ ਪਤਾ ਨਹੀਂ ਚੱਲ ਪਾਇਆ ਹੈ। ਪੁਲਿਸ ਨੇ ਕਿਸੇ ਸ਼ੱਕੀ ਬਾਰੇ ਜਾਣਕਾਰੀ ਜਾਰੀ ਨਹੀਂ ਕੀਤੀ ਹੈ।