ਬ੍ਰਿਟਿਸ਼ ਕੋਲੰਬੀਆ, 10 ਜੁਲਾਈ (ਪੋਸਟ ਬਿਊਰੋ): ਦੂਜੇ ਵਿਸ਼ਵ ਯੁਧ ਦੇ ਦਿੱਗਜ ਜਾਨ ਹਿਲਮੈਨ ਦਾ 105 ਸਾਲ ਦੀ ਉਮਰ `ਚ ਦਿਹਾਂਤ ਹੋ ਗਿਆ ਹੈ। ਹਿਲਮੈਨ ਨੇ ਆਪਣੇ ਰਿਟਾਇਰਮੇਂਟ ਹੋਮ ਵਿੱਚ ਚੱਕਰ ਲਗਾਕੇ ਬੱਚਿਆਂ ਦੀ ਚੈਰਿਟੀ ਲਈ ਹਜ਼ਾਰਾਂ ਡਾਲਰ ਜੁਟਾਏ ਹਨ।
2020 ਵਿੱਚ, ਹਿਲਮੈਨ ਨੇ ਸੇਵ ਦ ਚਿਲਡਰਨ ਕੈਨੇਡਾ ਦੇ ਕੋਵਿਡ ਰਾਹਤ ਕੋਸ਼ ਲਈ ਆਪਣੇ ਫੰਡ ਇਕੱਠਾ ਕਰਨ ਦੀਆਂ ਕੋਸ਼ਿਸ਼ਾਂ ਲਈ ਵਿਆਪਕ ਧਿਆਨ ਆਕਰਸ਼ਤ ਕੀਤਾ। ਉਨ੍ਹਾਂ ਨੇ ਆਪਣੇ ਓਕ ਬੇ ਰਿਟਾਇਰਮੇੈਟ ਹੋਮ ਵਿੱਚ ਚੱਕਰ ਲਗਾਉਂਦੇ ਹੋਏ 1 ਲੱਖ 69,000 ਡਾਲਰ ਜੁਟਾਏ।
ਸੇਵ ਦ ਚਿਲਡਰਨ ਕੈਨੇਡਾ ਦਾ ਕਹਿਣਾ ਹੈ ਕਿ ਹਿਲਮੈਨ ਦੇ ਸਾਲਾਨਾ ਵਾਕਆਊਟ ਨੇ 440,000 ਡਾਲਰ ਤੋਂ ਜਿ਼ਆਦਾ ਜੁਟਾਏ। ਚੈਰਿਟੀ ਦੇ ਪ੍ਰਧਾਨ ਡੈਨੀ ਗਲੇਨਰਾਈਟ ਦਾ ਕਹਿਣਾ ਹੈ ਕਿ ਹਿਲਮੈਨ ਯੁਧ, ਸੰਘਰਸ਼ ਅਤੇ ਜਲਵਾਯੂ ਤਬਦੀਲੀ ਤੋਂ ਪ੍ਰਭਾਵਿਤ ਬੱਚਿਆਂ ਦੀ ਮੱਦਦ ਕਰਨ ਦੀ ਆਪਣੀ ਪ੍ਰਤਿਬਧਤਾ ਲਈ ਪ੍ਰੇਰਨਾ ਬਣੇ ਹੋਏ ਹਨ।
ਗਲੇਨਰਾਈਟ ਦਾ ਕਹਿਣਾ ਹੈ ਕਿ ਉਹ ਪਹਿਲੀ ਵਾਰ 2022 ਵਿੱਚ ਹਿਲਮੈਨ ਨੂੰ ਮਿਲੇ ਸਨ ਅਤੇ ਇਨੀ ਜਿ਼ਆਦਾ ਉਮਰ ਵਿੱਚ ਉਨ੍ਹਾਂ ਦੇ ਤੇਜ ਦਿਮਾਗ ਤੋਂ ਪ੍ਰਭਾਵਿਤ ਹੋਏ ਸਨ। ਉਨ੍ਹਾਂ ਨੇ ਸਿੱਟਾ ਕੱਢਿਆ ਕਿ ਹਿਲਮੈਨ ਆਮ ਵਿਅਕਤੀ ਨਹੀਂ ਸਨ।