ਐਡਮੈਂਟਨ, 7 ਜੁਲਾਈ (ਪੋਸਟ ਬਿਊਰੋ): ਐਡਮੈਂਟਨ ਦੀ ਇੱਕ ਡਾਕਟਰ ਪਹਿਲੀ ਕੈਨੇਡੀਅਨ ਔਰਤ ਹੋਣਗੇ ਹਨ ਜੋ ਵਪਾਰਕ ਪੁਲਾੜ ਯਾਤਰੀ ਬਣਨਗੇ। ਡਾ. ਸ਼ਾਨਾ ਪਾਂਡਿਆ ਨੇ ਦੱਸਿਆ ਕਿ ਉਨ੍ਹਾਂ ਦਾ ਬਚਪਨ ਦਾ ਸੁਪਨਾ ਪੂਰਾ ਹੋਣ ਜਾ ਰਿਹਾ ਹੈ।
ਉਨ੍ਹਾਂ ਨੇ ਕਿਹਾ ਕਿ ਮੈਂ ਕਿਸਮਤ ਵਾਲੀ ਸੀ ਕਿ 90 ਦੇ ਦਹਾਕੇ ਵਿੱਚ ਕੈਨੇਡਾ ਦੀ ਪਹਿਲੀ ਔਰਤ ਪੁਲਾੜ ਯਾਂਤਰੀ ਡਾ. ਰਾਬਰਟਾ ਬੋਂਡਾਰ ਨੂੰ ਪੁਲਾੜ ਵਿੱਚ ਜਾਂਦੇ ਵੇਖ ਰਹੀ ਸੀ ਅਤੇ ਮੈਂ ਸੋਚਿਆ ਕਿ ਕੈਨੇਡੀਅਨ ਔਰਤਾਂ ਇਸ ਤਰ੍ਹਾਂ ਕਰ ਸਕਦੀਆਂ ਹਨ?
ਕੈਨੇਡਾ ਦੀਆਂ ਸਿਰਫ਼ ਦੋ ਔਰਤਾਂ ਪਹਿਲਾਂ ਪੁਲਾੜ ਵਿੱਚ ਗਈਆਂ ਹਨ, ਹਾਲਾਂਕਿ ਭਵਿੱਖ ਵਿੱਚ ਜੇਨੀ ਗਿਬੋਂਸ ਵੀ ਉਨ੍ਹਾਂ ਨਾਲ ਸ਼ਾਮਿਲ ਹੋਣਗੇ।
ਪਾਂਡਿਆ ਦੀ ਪੁਲਾੜ ਵਿਚ ਪਹਿਲੀ ਉਡ਼ਾਨ ਇੱਕ ਵਪਾਰਕ ਮਿਸ਼ਨ `ਤੇ ਹੋਵੇਗੀ, ਜੋ ਨਾਸਾ ਨਾਲ ਮਿਸ਼ਨ ਤੋਂ ਅਲੱਗ ਹੈ।
2015 ਵਿੱਚ ਸਥਾਪਤ, ਇੰਟਰਨੈਸ਼ਨਲ ਇੰਸਟੀਚਿਊਟ ਫਾਰ ਐਸਟ੍ਰੋਨਾਟੀਕਲ ਸਾਇੰਸੇਜ (IIAS) ਇੱਕ non-profit research and education organization ਹੈ ਜਿਸਨੇ ਆਪਣੀ ਸਥਾਪਨਾ ਤੋਂ ਬਾਅਦ ਆਕਾਸ਼ ਮਿਸ਼ਨ ਸੰਚਾਲਿਤ ਕੀਤੇ ਹਨ।
IIAS-02 ਮਿਸ਼ਨ ਵਰਜਿਨ ਗੈਲੇਕਟਿਕ ਨਾਲ ਹਿੱਸੇਦਾਰੀ ਵਿੱਚ ਕੀਤਾ ਜਾਵੇਗਾ, ਜਿਸਦੀ ਸਥਾਪਨਾ ਅਰਬਪਤੀ ਰਿਚਰਡ ਬਰੈਨਸਨ ਨੇ ਕੀਤੀ ਸੀ। ਕੰਪਨੀ ਨੇ ਵਪਾਰਕ ਮਨੁੱਖੀ ਪੁਲਾੜ ਉਡ਼ਾਨ ਨੂੰ ਬੜਾਵਾ ਦੇਣ ਲਈ 2020 ਵਿੱਚ ਨਾਸਾ ਨਾਲ ਇੱਕ ਸਮਝੌਤਾ ਕੀਤਾ ਸੀ।