ਬਰੈਂਪਟਨ: (ਡਾ ਬਲਜਿੰਦਰ ਸਿੰਘ ਸੇਖੋਂ) ਬੀਤੇ ਕੁਝ ਦਿਨਾਂ ਵਿੱਚ ਬਰੈਂਪਟਨ ਦੇ ਕਲੀਵਵਿਊਸੀਨੀਅਰਜ਼ ਕਲੱਬ ਵਲੋਂ ਡੇਅਰੀ ਮੇਡ ਪਾਰਕ ਵਿਚ ਫਾਦਰਜ਼ ਡੇ ਮਨਾਇਆ ਗਿਆ ਤੇ ਫਿਰ ਛਾਤੀ ਦੇ ਕੈਂਸਰ ਬਾਰੇ ਸੈਮੀਨਾਰ ਕਰਵਾਇਆ ਗਿਆ। ਦੋਨੋਪ੍ਰੋਗਰਾਮਾਂ ਵਿਚ ਮੈਂਬਰਾਂ ਨੇ ਵੱਧ ਚੱੜ੍ਹ ਕੇ ਹਿੱਸਾ ਲਿਆ।
ਪੰਜਾਬੀ ਭਾਈਚਾਰੇ ਵਿੱਚ ਪਹਿਲਾਂ ਹੀ ਅਪਣੇ ਮਾਂ ਬਾਪ ਲਈ ਬੜਾ ਸਤਿਕਾਰ ਅਤੇ ਆਦਰ ਮਾਣ ਦਿੱਤਾ ਜਾਂਦਾ ਹੈ ਅਤੇ ਇਸ ਤਰ੍ਹਾਂ ਹਰ ਦਿਨ ਹੀ ਫਾਦਰਜ਼ ਡੇ ਹੁੰਦਾ ਹੈ ਪਰ ਇਹ ਦਿਨ ਅਪਣੇ ਪਿਤਾ ਨੂੰ ਸਮਰਪਿਤ ਕਰਦਿਆਂ ਕਲੱਬ ਵਲੋਂ ਖਾਸ ਤੌਰ ਤੇ ਮਨਾਇਆ ਗਿਆ। ਕਲੱਬ ਦੇ ਆਹੁਦੇਦਾਰਾਂ ਅਤੇ ਕੁਝ ਮੈਂਬਰਾਂ ਨੇ ਇਸ ਮੌਕੇ ਇਸ ਰਿਸ਼ਤੇ ਦੀ ਸਾਂਝ ਨੂੰ ਹੋਰ ਮਜਬੂਤ ਕਰਨ ਤੇ ਜੋਰ ਦਿੱਤਾ। ਬੇਸ਼ਕ ਕੁਝ ਹਾਲਤਾਂ ਵਿੱਚ ਓਲਡ ਏਜ਼ ਹੋਮ ਦਾ ਸਹਾਰ ਲੈਣਾ ਹੀ ਪੈਂਦਾ ਹੈ, ਪਰ ਜਿੱਥੋਂ ਤੱਕ ਹੋ ਸਕੇ ਉਮਰ ਦੇ ਅਖੀਰ ਤੱਕ ਬਾਪ ਨੂੰ ਘਰ ਵਿੱਚ ਹੀ ਸਹਾਰਾ ਦੇ ਕੇ ਰੱਖਣ ਨਾਲ, ਉਸ ਦੇ ਅੰਤਲੇ ਦਿਨ ਵੀ ਸੁਖੀ ਤੇ ਖੁਸ਼ੀ ਲੰਘ ਜਾਂਦੇ ਹਨ। ਬੁਲਾਰਿਆਂ ਨੇ ਕਨੇਡਾ ਸਰਕਾਰ ਤੋਂ ਮੰਗ ਕੀਤੀ ਕਿ ਸੰਯਕਤਪ੍ਰੀਵਾਰਾਂ ਨੂੰ ਉਤਸ਼ਾਹਿਤ ਕੀਤਾ ਜਾਵੇ।
ਔਰਤਾਂ ਵਿੱਚ ਛਾਤੀ ਦੇ ਕੈਂਸਰ ਬਾਰੇ ਪੰਜਾਬ ਕਮਿਊਨਿਟੀਹੈਲਥ ਸਰਵਿਸਸ ਤੋਂ ਆਈਆਂ ਮਾਹਰ ਡਾਕਟਰਾਂ ਨੇ ਵਿਸਤਾਰ ਵਿੱਚ ਇਕੱਠੀਆਂ ਹੋਈਆਂ ਔਰਤਾਂ ਨੂੰ ਕੈਂਸਰ ਦੇ ਸੰਭਾਵੀ ਕਾਰਨਾ, ਪ੍ਰੀਵਾਰਿਕ ਪਛੋਕੜ ਮੁਤਾਬਿਕ ਵੱਧ ਧਿਆਨ ਰੱਖਦਿਆਂ ਇਸ ਤੋਂ ਬਚਣ ਦੇ ਉਪਾਅ ਅਤੇ ਖਾਸ ਕਰ ਕਨੇਡਾ ਸਰਕਾਰ ਵਲੋਂ ਛਾਤੀ ਦੇ ਕੈਂਸਰ ਦੀ ਸਕਰੀਨਿੰਗ ਦਾ ਵੱਧ ਤੋਂ ਵੱਧ ਲਾਹਾ ਲੈਣ ਦੀ ਅਪੀਲ ਕੀਤੀ। ਉਨ੍ਹਾ ਤੁਸੀਂ ਖੁੱਦ ਕਿਸ ਤਰ੍ਹਾਂ ਅਪਣੀ ਛਾਤੀ ਦਾ ਨਰੀਖਣ ਕਰਨਾ ਹੈ, ਬਾਰੇ ਵੀ ਜਾਣਕਾਰੀ ਦਿੱਤੀ। ਬਾਅਦ ਵਿੱਚ ਮੈਂਬਰਾਂ ਨੇ ਅਪਣੇਸ਼ੰਕੇ ਦੂਰ ਕਰਨ ਲਈ ਸੁਆਲ ਪੁੱਛੇ ਜਿਨ੍ਹਾਂ ਦੇ ਤਸੱਲੀਬਖਸ਼ ਜੁਆਬ ਦਿੱਤੇ ਗਏ। ਇਹ ਸੈਮੀਨਾਰ ਬਹੁਤ ਜਾਣਕਾਰੀ ਭਰਪੂਰ ਸੀ।
ਕਲੱਬ ਬਾਰੇ ਹੋਰ ਜਾਣਕਾਰੀ ਲਈ ਗੁਰਸੇਵਕ ਸਿੰਘ ਸਿੱਧੂ (647 510 1616) ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ।