ਟੋਰਾਂਟੋ, 23 ਜੁਲਾਈ (ਪੋਸਟ ਬਿਊਰੋ): ਪੁਲਿਸ ਨੇ ਦੱਸਿਆ ਹੈ ਕਿ ਟੋਰਾਂਟੋ ਦੀ ਇੱਕ ਔਰਤ `ਤੇ ਮਾਲਿਸ਼ ਕਰਵਾ ਰਹੇ ਇੱਕ ਵਿਅਕਤੀ ਦੀਆਂ ਗੁਪਤ ਰੂਪ ਤੋਂ ਤਸਵੀਰਾਂ ਲੈਣ ਦਾ ਦੋਸ਼ ਲਗਾਇਆ ਗਿਆ ਹੈ।
ਸੋਮਵਾਰ ਨੂੰ ਪੁਲਿਸ ਨੇ ਕਿਹਾ ਕਿ ਪੀੜਤ ਐਤਵਾਰ ਨੂੰ ਲਗਭਗ 4:30 ਵਜੇ ਮਾਲਿਸ਼ ਲਈ ਬੇ ਸਟਰੀਟ ਅਤੇ ਗੇਰਾਰਡ ਸਟਰੀਟ ਵੇਸਟ ਦੇ ਇਲਾਕੇ ਵਿੱਚ ਸੀ।
ਪੁਲਿਸ ਨੇ ਕਿਹਾ ਕਿ ਮਾਲਿਸ਼ ਦੌਰਾਨ ਪੀੜਤ ਨੇ ਵੇਖਿਆ ਕਿ ਸ਼ੱਕੀ ਉਸ ਦੀਆਂ ਤਸਵੀਰਾਂ ਲੈ ਰਹੀ ਸੀ।
ਪੁਲਿਸ ਨੇ ਉਸ ਪੇਸ਼ੇ ਦੀ ਪਹਿਚਾਣ ਨਹੀਂ ਕੀਤੀ, ਜਿੱਥੇ ਘਟਨਾ ਹੋਈ, ਪਰ ਦੱਸਿਆ ਕਿ ਟੋਰਾਂਟੋ ਦੀ 52 ਸਾਲਾ ਜਿਉਹੁਆ ਲੂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਅਤੇ ਉਸ `ਤੇ ਗੁਪਤ ਰੂਪ ਤੋਂ ਦੇਖਣ ਦਾ ਚਾਰਜਿਜ ਲਗਾਇਆ ਗਿਆ।
ਜਾਂਚਕਰਤਾਵਾਂ ਦਾ ਮੰਨਣਾ ਹੈ ਕਿ ਹੋਰ ਵੀ ਪੀੜਤ ਹੋ ਸਕਦੇ ਹਨ। ਲੂ ਨੂੰ ਸੋਮਵਾਰ ਨੂੰ ਟੋਰੰਟੋ ਕੋਰਟਰੂਮ ਵਿਚ ਦੋਸ਼ ਦਾ ਜਵਾਬ ਦੇਣ ਲਈ ਪੇਸ਼ ਹੋਣਾ ਹੈ।