ਟੋਰਾਂਟੋ, 25 ਜੁਲਾਈ (ਪੋਸਟ ਬਿਊਰੋ): ਪੀਲ ਪੁਲਿਸ ਨੇ ਲਾਪਤਾ ਤਿੰਨ ਸਾਲਾ ਬੱਚੇ ਨੂੰ ਲੱਭਣ ਵਿੱਚ ਲੋਕਾਂ ਦੀ ਮਦਦ ਮੰਗੀ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਜੈਦ ਨੂੰ ਆਖਰੀ ਵਾਰ ਸ਼ਾਮ 6:20 ਵਜੇ ਡੰਡਾਸ ਸਟਰੀਟ ਵੇਸਟ ਅਤੇ ਮਿਸੀਸਾਗਾ ਰੋਡ ਦੇ ਇਲਾਕੇ ਵਿੱਚ ਸਥਿਤ ਏਰਿੰਡੇਲ ਪਾਰਕ ਵਿੱਚ ਵੇਖਿਆ ਗਿਆ ਸੀ।
ਬੱਚਾ ਦੁਬਲਾ-ਪਤਲਾ, ਛੋਟੇ ਕਾਲੇ ਅਫਰੀਕੀ ਵਾਲਾਂ ਵਾਲਾ ਅਤੇ ਲਾਲ ਰੰਗ ਦੀ ਲਿਖਾਵਟ ਵਾਲਾ ਪੀਲਾ ਟਾਪ ਅਤੇ ਕਾਲੀ ਪੈਂਟ ਪਹਿਨੇ ਹੋਏ ਦੱਸਿਆ ਗਿਆ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਜੈਦ ਨੇ ਜੁੱਤੇ ਜਾਂ ਮੋਜੇ ਨਹੀਂ ਪਹਿਨੇ ਸਨ। ਜੇ ਕਿਸੇ ਨੂੰ ਬੱਚੇ ਬਾਰੇ ਕੋਈ ਜਾਣਕਾਰੀ ਮਿਲਦੀ ਹੈ ਤਾਂ 911 `ਤੇ ਕਾਲ ਕੀਤੀ ਜਾ ਸਕਦੀ ਹੈ।