ਟੋਰਾਂਟੋ, 18 ਜੁਲਾਈ (ਪੋਸਟ ਬਿਊਰੋ): ਇਸ ਹਫ਼ਤੇ ਦੇ ਸ਼ੁਰੂ ਵਿੱਚ ਓਸ਼ਵਾ ਵਿੱਚ ਇੱਕ ਘਰ `ਤੇ ਹਿੰਸਕ ਹਮਲੇ ਤੋਂ ਬਾਅਦ ਦੋ ਟੀਨੇਜ਼ਰ ਅਤੇ ਦੋ ਬਾਲਿਗ `ਤੇ ਕਈ ਚਾਰਜਿਜ਼ ਲਗਾਏ ਗਏ ਹਨ। ਇਹ ਘਟਨਾ 16 ਜੁਲਾਈ ਨੂੰ ਲੇਕਵਿਊ ਨੇਬਰਹੁਡ ਵਿੱਚ, ਰਿਟਸਨ ਰੋਡ ਸਾਊਥ ਅਤੇ ਵੈਲੀ ਡਰਾਇੀਵ ਕੋਲ ਹੋਈ।
ਦਰਹਮ ਰੀਜਨ ਪੁਲਿਸ ਸਰਵਿਸ (ਡੀਆਰਪੀਐੱਸ) ਨੇ ਕਿਹਾ ਕਿ ਉਨ੍ਹਾਂ ਨੂੰ ਇੱਕ ਘਰ `ਤੇ ਇੱਕ ਹਥਿਆਰਬੰਦ ਵਿਅਕਤੀ ਦੀ ਰਿਪੋਰਟ ਲਈ ਰਾਤ ਲਗਭਗ 10:40 ਵਜੇ ਸੂਚਨਾ ਮਿਲੀ ਸੀ।
ਪੁਲਿਸ ਅਨੁਸਾਰ, ਕਈ ਵਿਅਕਤੀ ਜ਼ਬਰਨ ਇੱਕ ਘਰ ਵਿੱਚ ਵੜ ਗਏ ਅਤੇ ਫਾਇਰਆਰਮਜ਼ ਨੂੰ ਲਹਿਰਾਉਂਦੇ ਹੋਏ ਇੱਕ ਘਰ ਦੇ ਮਾਲਿਕ `ਤੇ ਹਮਲਾ ਕੀਤਾ।
ਉਨ੍ਹਾਂ ਨੇ ਕਿਹਾ ਕਿ ਸ਼ੱਕੀਆਂ ਨੇ ਫਿਰ ਘਰ ਵਿਚ ਦਾਖਲ ਹੋ ਕੇ ਪੀੜਤਾਂ ਤੋਂ ਪੈਸੇ ਮੰਗੇ ਅਤੇ ਇੱਕ ਹੋਰ ਨਿਵਾਸੀ `ਤੇ ਹਮਲਾ ਕੀਤਾ। ਫਿਰ ਉਹ ਸਾਰੇ ਚੋਰੀ ਦੀ ਗੱਡੀ ਵਿੱਚ ਫਰਾਰ ਹੋ ਗਏ।
ਜਾਂਚਕਰਤਾਵਾਂ ਨੇ ਕਿਹਾ ਕਿ ਇੱਕ ਪੀੜਤ ਨੂੰ ਗੰਭੀਰ ਸੱਟਾਂ ਲੱਗੀਆਂ ਹਨ, ਜਦੋਂਕਿ ਦੂਜੇ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਤੀਜਾ ਵਿਅਕਤੀ ਜਖ਼ਮੀ ਨਹੀਂ ਹੋਇਆ।
ਇਲਾਕੇ ਦੀ ਤਲਾਸ਼ੀ ਤੋਂ ਬਾਅਦ, ਪੁਲਿਸ ਨੂੰ ਚੋਰੀ ਕੀਤੀ ਗਈ ਗੱਡੀ ਥੋੜ੍ਹੀ ਦੂਰੀ `ਤੇ ਮਿਲੀ। ਪੁਲਿਸ ਨੇ ਦੱਸਿਆ ਕਿ ਸ਼ੱਕੀ ਵਾਹਨ ਨੂੰ ਟ੍ਰੈਕ ਕੀਤਾ ਗਿਆ, ਇਸਤੋਂ ਪਹਿਲਾਂ ਹੀ ਸਾਰੇ ਸ਼ੱਕੀ ਪੈਦਲ ਹੀ ਫਰਾਰ ਹੋ ਗਏ। ਅਧਿਕਾਰੀਆਂ ਨੇ ਏਇਰ1 ਅਤੇ ਕੇ9 ਯੂਨਿਟ ਦੀ ਮਦਦ ਨਾਲ ਚਾਰ ਸ਼ੱਕੀਆਂ ਨੂੰ ਹਿਰਾਸਤ ਵਿੱਚ ਲੈ ਲਿਆ।
ਮੁਲਜ਼ਮ, 36 ਸਾਲ ਦਾ ਚਾਰਲਸ ਵਿਅਰਡ ਜਿਨ੍ਹਾਂ ਦਾ ਕੋਈ ਨਿਸ਼ਚਿਤ ਪਤਾ ਨਹੀਂ ਹੈ, ਟੋਰਾਂਟੋ ਦੇ 28 ਸਾਲਾ ਰੌਸ਼ਨ ਪੈਟਰਿਕ ਸਟੀਫੰਸ ਅਤੇ 16 ਅਤੇ 17 ਸਾਲਾ ਦੋ ਟੀਨੇਜ਼ਰ ਲੜਕੇ, ਕਈ ਫਾਇਰਆਰਮਜ਼ ਅਤੇ ਡਕੈਤੀ ਨਾਲ ਸਬੰਧਤ ਚਾਰਜਿਜ਼ ਦਾ ਸਾਹਮਣਾ ਕਰ ਰਹੇ ਹਨ। ਪੰਜਵਾਂ ਸ਼ੱਕੀ ਹਾਲੇ ਵੀ ਫਰਾਰ ਹੈ।