ਮਾਸਕੋ, 23 ਜੂਨ (ਪੋਸਟ ਬਿਊਰੋ): ਰੂਸ ਦੇ ਦਾਗਿਸਤਾਨ ਵਿੱਚ ਐਤਵਾਰ ਨੂੰ ਅੱਤਵਾਦੀਆਂ ਨੇ ਦੋ ਗਿਰਜਾ ਘਰ, ਇੱਕ ਸਿਨੇਗਾਗ (ਯਹੂਦੀ ਮੰਦਰ) ਅਤੇ ਇੱਕ ਪੁਲਿਸ ਪੋਸਟ ਉੱਤੇ ਹਮਲਾ ਕਰ ਦਿੱਤਾ। ਇਸਵਿੱਚ ਇੱਕ ਪਾਦਰੀ, 8 ਪੁਲਸਕਰਮੀਆਂ ਸਮੇਤ ਕੁਲ 9 ਦੀ ਮੌਤ ਹੋ ਗਈ। ਪੁਲਿਸ ਦੇ 25 ਜਵਾਨ ਜ਼ਖ਼ਮੀ ਵੀ ਹਨ। ਉਥੇ ਹੀ, 4 ਅੱਤਵਾਦੀ ਵੀ ਮਾਰੇ ਗਏ ਹਨ।
ਜਾਣਕਾਰੀ ਮੁਤਾਬਕ ਅੱਤਵਾਦੀਆਂ ਨੇ 66 ਸਾਲਾ ਪਾਦਰੀ ਦਾ ਗਲਾ ਕੱਟ ਦਿੱਤਾ ਸੀ। ਜਿਸ ਯਹੂਦੀ ਮੰਦਰ ਅਤੇ ਗਿਰਜਾ ਘਰ `ਤੇ ਹਮਲਾ ਹੋਇਆ ਉਹ ਦਾਗਿਸਤਾਨ ਦੇ ਡਰਬੇਂਟ ਸ਼ਹਿਰ ਵਿੱਚ ਸਥਿਤ ਹੈ, ਜੋ ਮੁਸਲਿਮ ਬਹੁਲ ਇਲਾਕੇ ਉੱਤਰੀ ਕਾਕੇਸ਼ਸ ਵਿੱਚ ਯਹੂਦੀ ਭਾਈਚਾਰੇ ਦਾ ਗੜ ਹੈ। ਜਦੋਂਕਿ ਜਿਸ ਪੁਲਿਸ ਥਾਣੇ `ਤੇ ਹਮਲਾ ਹੋਇਆ ਉਹ ਡਰਬੇਂਟ ਤੋਂ 125 ਕਿਮੀ ਦੂਰ ਦਾਗਿਸਤਾਨ ਦੀ ਰਾਜਧਾਨੀ ਮਾਖਚਕਾਲਾ ਵਿੱਚ ਹੈ ।
ਰੂਸ ਦੀ ਨੈਸ਼ਨਲ ਐਂਟੀ-ਟੇਰਰਿਜ਼ਮ ਕਮੇਟੀ ਨੇ ਵੀ ਇੱਕ ਬਿਆਨ ਵਿੱਚ ਹਮਲੇ ਦੀ ਪੁਸ਼ਟੀ ਕੀਤੀ ਹੈ। ਦਾਗਿਸਤਾਨ ਦੇ ਅੰਦਰੂਨੀ ਮਾਮਲਿਆਂ ਦੇ ਮੰਤਰਾਲੇ ਨੇ ਕਿਹਾ ਕਿ ਹਥਿਆਰਬੰਦ ਲੋਕਾਂ ਦੇ ਇੱਕ ਸਮੂਹ ਨੇ ਇੱਕ ਸਿਨੇਗਾਗ ਅਤੇ ਇੱਕ ਗਿਰਜਾ ਘਰ `ਤੇ ਗੋਲੀਬਾਰੀ ਕੀਤੀ। ਇਨ੍ਹਾਂ ਵਿੱਚ ਚਾਰ ਅੱਤਵਾਦੀਆਂ ਨੂੰ ਮਾਰ ਦਿੱਤਾ। ਕੁੱਝ ਭਾਗ ਗਏ, ਜਿਨ੍ਹਾਂ ਦੀ ਭਾਲ ਕੀਤੀ ਜਾ ਰਹੀ ਹੈ।
ਹਮਲੇ ਤੋਂ ਬਾਅਦ ਇੱਕ ਵੀਡੀਓ ਮਿਲ ਿਹੈ ਜਿਸ ਵਿਚ ਹਮਲਾਵਰ ਕਾਰ ਵਿੱਚ ਭੱਜਦੇ ਰਹੇ ਹਨ। ਅੱਤਵਾਦੀਆਂ ਨੇ ਦੂਜੇ ਯਹੂਦੀ ਮੰਦਰ `ਤੇ ਵੀ ਗੋਲੀਆਂ ਚਲਾਈਆਂ। ਚੰਗੀ ਗੱਲ ਇਹ ਰਹੀ ਕਿ ਉਸ ਸਮੇਂ ਉੱਥੇ ਕੋਈ ਨਹੀਂ ਸੀ। ਫਿਲਹਾਲ, ਕਿਸੇ ਅੱਤਵਾਦੀ ਸੰਗਠਨ ਨੇ ਹਮਲਿਆਂ ਦੀ ਜਿ਼ੰੰਮੇਵਾਰੀ ਨਹੀਂ ਲਈ ਹੈ।