ਨਿਊਯਾਰਕ, 8 ਸਤੰਬਰ (ਪੋਸਟ ਬਿਊਰੋ): ਮਹਿੰਦਰ ਸਿੰਘ ਧੋਨੀ ਛੁੱਟੀਆਂ ਮਨਾਉਣ ਲਈ ਪਰਿਵਾਰ ਨਾਲ ਅਮਰੀਕਾ ਵਿਚ ਹਨ। ਵੀਰਵਾਰ ਨੂੰ ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਉਨ੍ਹਾਂ ਲਈ ਗੋਲਫ ਮੈਚ ਦੀ ਮੇਜ਼ਬਾਨੀ ਕੀਤੀ। ਦੋਵੇਂ ਕਰੀਬ ਇੱਕ ਘੰਟੇ ਤੱਕ ਮੈਚ ਖੇਡਦੇ ਰਹੇ।
ਸੋਸ਼ਲ ਮੀਡੀਆ 'ਤੇ ਧੋਨੀ-ਟਰੰਪ ਦੀਆਂ ਵੀਡੀਓਜ਼ ਅਤੇ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ। ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈਣ ਤੋਂ ਬਾਅਦ ਧੋਨੀ ਨੂੰ ਅਕਸਰ ਗੋਲਫ ਖੇਡਦੇ ਦੇਖਿਆ ਜਾਂਦਾ ਹੈ।
ਧੋਨੀ 7 ਸਤੰਬਰ ਨੂੰ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ 12 ਵਜੇ ਯੂਐਸ ਓਪਨ ਵਿੱਚ ਅਲਕਾਰੇਜ਼ ਅਤੇ ਅਲੈਗਜ਼ੈਂਡਰ ਜਵੇਰੇਵ ਵਿਚਾਲੇ ਕੁਆਰਟਰ ਫਾਈਨਲ ਮੈਚ ਦੇਖਣ ਵੀ ਪਹੁੰਚੇ ਸਨ। ਇਸ ਦੀ ਵੀਡੀਓ ਅਤੇ ਫੋਟੋ ਵੀ ਵਾਇਰਲ ਹੋਈ ਸੀ।
ਧੋਨੀ ਆਪਣੇ ਕੁਝ ਦੋਸਤਾਂ ਨਾਲ ਅਲਕਾਰੇਜ਼ ਦੇ ਪਿੱਛੇ ਬੈਠੇ ਨਜ਼ਰ ਆਏ। ਅਧਿਕਾਰਤ ਪ੍ਰਸਾਰਕ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ 'ਤੇ ਧੋਨੀ ਦਾ ਵੀਡੀਓ ਵੀ ਸਾਂਝਾ ਕੀਤਾ। ਵੀਡੀਓ ਵਿਚ ਧੋਨੀ ਕੁਝ ਲੋਕਾਂ ਨਾਲ ਗੱਲ ਕਰਦੇ ਹੋਏ ਹੱਸਦੇ ਨਜ਼ਰ ਆ ਰਹੇ ਹਨ।