ਚਰਖੀ ਦਾਦਰੀ (ਹਰਿਆਣਾ), 2 ਮਈ (ਪੋਸਟ ਬਿਊਰੋ)- ਪਿੰਡ ਡਲਾਨਵਾਸ ਵਿੱਚ ਕੱਲ੍ਹ ਤੜਕੇ ਆਪਣੇ ਪੇਕੇ ਰਹਿੰਦੀ ਔਰਤਨੂੰ ਉਸ ਦੇ ਪਤੀ ਨੇ ਤਿੰਨ ਗੋਲੀਆਂ ਮਾਰ ਕੇਮਾਰ ਦਿੱਤਾ। ਕਾਤਲ ਨੇ ਤਿੰਨ ਦਿਨ ਪਹਿਲਾਂ ਵੀ ਆਪਣੀ ਪਤਨੀ ਦੇ ਮਕਾਨ ਸਾਹਮਣੇ ਹਵਾਈ ਫਾਇਰਿੰਗ ਕੀਤੀ ਸੀ। ਔਰਤ ਦੀ ਮੌਤ ਦੇ ਬਾਅਦ ਝੱਜਰ ਪੁਲਸ ਨੇ ਦੋਸ਼ੀ ਵਿਅਕਤੀ ਦੇ ਖਿਲਾਫ ਕੇਸ ਦਰਜ ਕਰ ਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਝੱਜਰ ਜ਼ਿਲ੍ਹੇ ਵਿਚਲੇ ਪਿੰਡ ਡਲਾਨਵਾਸ ਦੀ 34 ਸਾਲਾ ਜਸਵੰਤੀ ਦਾ ਕਾਫੀ ਸਮੇਂ ਤੋਂ ਆਪਣੇ ਪਤੀ ਮਹਾਵੀਰ ਵਾਸੀਪਿੰਡ ਮਾਤਨਹੇਲ ਨਾਲ ਝਗੜਾ ਚੱਲ ਰਿਹਾ ਸੀ। ਇਸ ਕਾਰਨ ਜਸਵੰਤੀ ਆਪਣੇ ਪਤੀ ਨਾਲ ਨਾਰਾਜ਼ ਹੋ ਕੇ ਪੇਕੇ ਰਹਿਣ ਲੱਗ ਪਈ ਸੀ। ਇਸ ਦੇ ਬਾਅਦ ਵੀ ਮਹਾਵੀਰ ਨੇ ਉਸ ਨੂੰ ਪ੍ਰੇਸ਼ਾਨ ਕਰਨਾ ਨਹੀਂ ਛੱਡਿਆ। ਬੀਤੀ 27 ਅਪ੍ਰੈਲ ਨੂੰ ਮਹਾਵੀਰ ਪਤਨੀ ਦੇ ਪੇਕੇ ਪਹੁੰਚਿਆ ਅਤੇ ਜਸਵੰਤੀ ਦੇ ਮਕਾਨ ਸਾਹਮਣੇ ਖੜ੍ਹੇ ਹੋ ਕੇ ਕਈ ਹਵਾਈ ਫਾਇਰ ਕੀਤੇ, ਪਰ ਲੋਕਾਂ ਨੂੰ ਇਕੱਠੇ ਹੁੰਦੇ ਦੇਖ ਕੇ ਦੌੜ ਗਿਆ। ਇਸ ਦੇ ਬਾਅਦ ਪਤਨੀ ਨੂੰ ਫੋਨ ਕਰ ਕੇ ਮੇਨ ਦਰਵਾਜ਼ਾ ਖੋਲ੍ਹਣ ਨੂੰ ਕਿਹਾ। ਜਸਵੰਤੀ ਨੇ ਜਦੋਂ ਗੇਟ ਖੋਲ੍ਹਿਆ ਤਾਂਓਥੇ ਖੜ੍ਹੇ ਮਹਾਵੀਰ ਨੇ ਗੋਲੀਆਂ ਚਲਾ ਦਿੱਤੀਆਂ। ਇਸ ਵਿੱਚੋਂ ਦੋ ਗੋਲੀਆਂ ਪਤਨੀ ਦੇ ਸਿਰ ਵਿੱਚ ਲੱਗੀਆਂ ਅਤੇ ਇੱਕ ਪਟ ਵਿੱਚ ਜਾ ਲੱਗੀ ਪਰਿਵਾਰ ਵਾਲੇ ਓਥੇ ਪਹੁੰਚੇ ਤਾਂ ਮਹਾਵੀਰ ਭੱਜ ਗਿਆ। ਪਰਿਵਾਰ ਵਾਲੇ ਉਸ ਨੂੰ ਚੁੱਕ ਕੇ ਦਾਦਰੀ ਸਿਵਲ ਹਸਪਤਾਲ ਲੈ ਗਏ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਕਰਾਰ ਦੇ ਦਿੱਤਾ। ਸੂਚਨਾ ਮਿਲਦੇ ਸਾਰ ਝਾੜਲੀ ਚੌਕੀ ਦੀ ਪੁਲਸ ਵੀ ਦਾਦਰੀ ਸਿਵਲ ਹਸਪਤਾਲ ਵਿੱਚ ਪਹੁੰਚ ਗਈ।