ਚੰਡੀਗੜ੍ਹ, 21 ਸਤੰਬਰ, (ਪੋਸਟ ਬਿਊਰੋ)- ਕੋਰੋਨਾ ਵਾਇਰਸ ਦੇ ਦੌਰ ਵਿਚ ਪੰਜਾਬ ਸਰਕਾਰ ਨੇ ਨਿੱਜੀ ਲੈਬਾਂ ਨੂੰ ਕੋਰੋਨਾ ਦੇ ਟੈਸਟ ਕਰਨ ਦੀ ਆਗਿਆ ਦਿੱਤੀ ਹੈ, ਪਰ ਇਨ੍ਹਾਂ ਹਸਪਤਾਲਾਂ ਤੇ ਲੈਬਾਂ ਵਿਚ ਹੁੰਦੇ ਟੈਸਟ ਸ਼ੱਕ ਦੇ ਘੇਰੇ ਵਿਚ ਆ ਗਏ ਹਨ। ਨਿੱਜੀ ਲੈਬਾਂ ਵਿਚ ਹੁੰਦੇ ਟੈਸਟ ਵੱਧ ਪਾਜ਼ੇਟਿਵ ਆ ਰਹੇ ਹਨ ਤੇ ਉਹੀ ਟੈਸਟ ਜਦੋਂ ਸਰਕਾਰੀ ਲੈਬ ਵਿਚ ਕੀਤੇ ਜਾਂਦੇ ਹਨ ਤਾਂ ਨੈਗੇਟਿਵ ਆ ਰਹੇ ਹਨ। ਅੰਮ੍ਰਿਤਸਰ ਦੀ ਤੁਲੀ ਲੈਬ ਦੀ ਘਟਨਾ ਕਾਰਨ ਸਿਹਤ ਵਿਭਾਗ ਨੇ ਪਾਜ਼ੇਟਿਵ ਕੇਸਾਂ ਵਾਲੇਚਾਰ ਜ਼ਿਲ੍ਹਿਆਂ ਵਿੱਚ ਕਰਾਸ ਚੈੱਕ ਕਰਨ ਦੇ ਨਿਰਦੇਸ਼ ਸਿਵਲ ਸਰਜਨਾਂ ਨੂੰ ਜਾਰੀ ਕੀਤੇ ਹਨ।
ਪਤਾ ਲੱਗਾ ਹੈ ਕਿ ਸਰਕਾਰੀ ਪੱਧਰ ਉੱਤੇ ਹੁੰਦੇ ਟੈਸਟ ਦੀ ਪਾਜ਼ੇਟਿਵ ਰਿਪੋਰਟ 20 ਫ਼ੀਸਦੀ ਤੇ ਨਿੱਜੀ ਹਸਪਤਾਲਾਂ ਅਤੇ ਲੈਬਾਂ ਦੀ ਪਾਜ਼ੇਟਿਵ ਰਿਪੋਰਟ 35 ਫ਼ੀਸਦੀ ਤਕ ਆ ਰਹੀ ਹੈ। ਇਸ ਸਮੇਂ ਪੰਜਾਬ ਵਿਚ 25 ਤੋਂ 30 ਫ਼ੀਸਦੀ ਕੋਰੋਨਾ ਟੈਸਟ ਨਿੱਜੀ ਲੈਬਾਂ ਵਿਚ ਹੁੰਦੇ ਹਨ। ਇਨ੍ਹਾਂ ਦੀ ਰਿਪੋਰਟ ਬਾਰੇ ਸ਼ੱਕ ਕੀਤਾ ਜਾਂਦਾ ਹੈ। ਤਿੰਨ ਮਹੀਨੇ ਪਹਿਲਾਂ ਅੰਮ੍ਰਿਤਸਰਦੇ ਤੁਲੀ ਡਾਇਗਨੋਸਟਿਕ ਸੈਂਟਰ ਨਾਂ ਦੀ ਨਿੱਜੀ ਲੈਬ ਵਿਚ ਇੱਕਕੇਸ ਫੜਿਆ ਜਾਣ ਵੇਲੇਤੋਂ ਹੀ ਨਿੱਜੀ ਲੈਬਾਂ ਸ਼ੱਕ ਦੇ ਘੇਰੇ ਵਿਚ ਸਨ। ਉਸ ਪਿੱਛੋਂ ਸਿਹਤ ਵਿਭਾਗ ਨੇ ਪਿਛਲੇ ਮਹੀਨੇ ਕੁਝ ਥਾਈਂ ਅਚਾਨਕ ਜਾਂਚ ਕਰਵਾਈ ਤਾਂ ਫ਼ਰਕ ਨਿਕਲੇ ਸਨ, ਪਰ ਇਹ ਫ਼ਰਕ ਮਾਮੂਲੀ ਸਨ, ਜਿਸ ਕਾਰਨ ਵਿਭਾਗ ਨੇ ਕਾਰਵਾਈ ਨਹੀਂਸੀ ਕੀਤੀ। ਇਸ ਪਿੱਛੋਂ ਵੀ ਵਿਭਾਗ ਨੰੁ ਨਿੱਜੀ ਲੈਬਾਂ ਬਾਰੇ ਸ਼ਿਕਾਇਤਾਂ ਮਿਲੀਆਂ ਹਨ।ਸਿਹਤ ਮੰਤਰੀ ਬਲਬੀਰ ਸਿੰਘ ਸਿੱਧੂ ਨੇ ਕਿਹਾ ਹੈ ਕਿ ਪੰਜਾਬ ਦੇ ਵੱਖ-ਵੱਖ ਭਾਗਾਂਤੋਂਸ਼ਿਕਾਇਤਾਂ ਆ ਰਹੀਆਂ ਹਨ, ਇਸ ਲਈ ਸਿਵਲ ਸਰਜਨਾਂ ਨੂੰ ਅਚਾਨਕ ਸੈਂਪਲ ਲੈ ਕੇ ਇਸ ਦੀ ਜਾਂਚ ਕਰਨ ਨੂੰ ਕਿਹਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਸਰਕਾਰ ਦਾ ਪੂਰਾ ਫੋਕਸ ਵੱਧ ਟੈਸਟ ਕਰ ਕੇ ਕੋਰੋਨਾ ਉੱਤੇ ਕੰਟਰੋਲ ਪਾਉਣ ਬਾਰੇ ਹੈ। ਇਸ ਵਿੱਚ ਕੁਝ ਕਾਲੀਆਂ ਭੇਡਾਂ ਜੇ ਪੈਸਾ ਕਮਾਉਣ ਦਾ ਢੰਗ ਵਰਤਣਗੀਆਂ ਤਾਂ ਇਸ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾ ਸਕਦਾ।