-ਈਸ਼ਾਨ ਕਿਸ਼ਨ ਨੇ ਲਗਾਇਆ ਦੋਹਰਾ ਸੈਂਕੜਾ, ਫਿਰ ਬਣੇ ਇਹ 5 ਰਿਕਾਰਡ
ਨਵੀਂ ਦਿੱਲੀ, 10 ਦਸੰਬਰ (ਪੋਸਟ ਬਿਊਰੋ)- ਸ਼ਨੀਵਾਰ ਨੂੰ ਬੰਗਲਾਦੇਸ ਖਿਲਾਫ ਤੀਜੇ ਵਨਡੇ ਵਿੱਚ ਜਹੂਰ ਅਹਿਮਦ ਚੌਧਰੀ ਸਟੇਡੀਅਮ ਵਿਚ ਭਾਰਤ ਨੇ ਬੰਗਲਾਦੇਸ਼ ਨੂੰ 227 ਦੌੜਾਂ ਨਾਲ ਹਰਾ ਦਿੱਤਾ। ਭਾਰਤ ਦਾ ਸਕੋਰ 50 ਓਵਰਾਂ ਵਿਚ 8 ਵਿਕਟਾਂ ਦੇ ਨੁਕਸਾਨ ’ਤੇ 409 ਦੌੜਾਂ ਰਿਹਾ, ਜਦਕਿ ਬੰਗਲਾਦੇਸ਼ ਦੀ ਪੂਰੀ ਟੀਮ 34 ਓਵਰਾਂ ਵਿਚ 182 ਦੌੜਾਂ ’ਤੇ ਹੀ ਸਿਮਟ ਗਹੀ। ਪਹਿਲੀ ਪਾਰੀ ਵਿਚ ਬੱਲੇਬਾਜੀ ਦਾ ਤੂਫਾਨ ਦੇਖਣ ਨੂੰ ਮਿਲਿਆ। ਈਸ਼ਾਨ ਕਿਸ਼ਨ (210) ਅਤੇ ਵਿਰਾਟ ਕੋਹਲੀ (113) ਨੇ ਮੇਜਬਾਨ ਗੇਂਦਬਾਜਾਂ ਨੂੰ ਇਸ ਤਰ੍ਹਾਂ ਮਾਤ ਦਿੱਤੀ ਕਿ ਸਟੇਡੀਅਮ ਵਿਚ ਇਕੱਠੇ ਹੋਏ ਹਜਾਰਾਂ ਦਰਸਕਾਂ ਦੇ ਚਿਹਰੇ ਫਿੱਕੇ ਪੈ ਗਏ। ਇਸ ਦੌਰਾਨ ਈਸ਼ਾਨ ਕਿਸ਼ਨ ਨੇ ਆਪਣੇ ਬੈਗ ਵਿਚ ਇੱਕ ਨਹੀਂ ਸਗੋਂ ਕਈ ਕਾਰਨਾਮੇ ਇਕੱਠੇ ਕੀਤੇ। ਈਸ਼ਾਨ ਕਿਸ਼ਨ ਨੇ ਆਪਣੀ 210 ਦੌੜਾਂ ਦੀ ਪਾਰੀ ਵਿਚ ਸਿਰਫ ਚੌਕਿਆਂ ਅਤੇ ਛੱਕਿਆਂ ਦੀ ਮਦਦ ਨਾਲ 154 ਦੌੜਾਂ ਬਣਾਈਆਂ। ਇਸ ਮਾਮਲੇ ਵਿਚ ਈਸਾਨ ਤੋਂ ਬਿਹਤਰ ਸਿਰਫ ਦੋ ਬੱਲੇਬਾਜ ਹਨ। ਰੋਹਿਤ ਨੇ 2014 ਵਿਚ ਸ੍ਰੀਲੰਕਾ ਖਿਲਾਫ ਚੌਕਿਆਂ ਅਤੇ ਛੱਕਿਆਂ ਦੀ ਮਦਦ ਨਾਲ 186 ਦੌੜਾਂ ਬਣਾਈਆਂ ਸਨ, ਜਦਕਿ ਮਾਰਟਿਨ ਗੁਪਟਿਲ ਨੇ 2015 ਵਿਚ ਵਿੰਡੀਜ ਖਿਲਾਫ 162 ਦੌੜਾਂ ਬਣਾਈਆਂ ਸਨ।